اول اعمالى من الشمع..ويهمنى رايكم جداااااا

السلام عليكم يا بنات عالم حواء
انا عضوه جديده من مصر و اتشرف انى انضم لكم و دى اول مشاركه ليه يا رب تعجبكم
انا كنت متابعه كل المواضيع المتعلقه بصناعه الشمع فى القسم ده و عجبتنى اوىىىىىى و قلت اجرب........ و دى صور اول 3 شمعات اعملهم علشان تشوفوا نتيجه تعليمكم و انا مستنيه اعرف هتدونى كام من عشره؟؟؟
يلا نبتدى... اول شمعه و زينتها بقواقع مجمعاها من البحر الاحمر

التانيه بدرجات الموف و فاصله بين اللونين بقواقع برضه بس حجمهم اصغر

التالته على شكل كبايه ايس كريم او عصير و فيه ثلج (هتلاحظوا من الفتله ان انا ولعتها قبل كده بس ماما جت و طفتها على طول)

و الاخيره عباره عن فواحات (شموع معطره بريحه التفاح) وصبتها فى قواقع كبيره كنت مجمعاها بنفسى برضه بس من البحرالمتوسط

على فكره استخدامى الكتير للقواقع مش عقده نفسيه عندى ولا حاجه ...بس السبب ان المجموعه دى عملتها علشان نزين بيها حول حوض السمك اللى ظاهر فى بعض الصور
و لقطه للمجموعه كلها

يارب يكونوا عجبوكم و انا فى انتظار رايكم و مقترحتكم واى سؤال او استفسار من عنيه الاتنين
وكمان الحصان بعربيه الورد و العصفور من عمايل ايديه انا و اختى بالاركت و الحرق على الخشب لو تحبوا ممكن نبقى نتكلم عنهم في موضوع تانى ان شاء الله
وكل سنه و انتوا طيبين بمناسبه رمضان اعاده الله عليكم و على المسلمين اجمعين بالخير و الصحه و السلامه