تكفووووووووووووووووون ساعدوني هو صحيح ينزل الوزن الدوكان ذا لان ماعاد معي وقت على شهر 8 اللي شعبان اقصد لان انا متعوده على الكيميائي تبع اسامة حمدي ابو البيض بس صراحة روعه كان باول اسبوع اقل شي تنزلين كيلوين اذا ماتمشين ولا تسوين رياضة لان انا كذا يجيني كسل وتعب بجسمي وصداع ويطفشوني بزاريني وبيتي وماعاد اقدر اتريض ولا يجي لي نفس حتى بس اني امشي على النظام بحذافيره حتى زوجي ينقهر مني اني ماابدل مثلا بدال اللحم دجاج او العكس من اللي موجود بالبيت حتى صار يتريق علي يقول اول مرة اشوف واحد يسوي رجيم ويخسر اللي اعرف اللي يسوي رجيم ماعاد ياكل ويخسر وش سالفتك انتي والبروتين بتلعبين حديد انتي بتعضلين ام الحاله مو فاهم بلاه رجيماتي ههههههاي المهم اللي كان بعد كريه بنظام حمدي انو ابدااا مافيه حليب دوكان افضل اذا فيه حليب واجبان ولبنة والله وناسة ولبن المهم ساااااعدوني تكفون من السبت ببدا معاكم من تاخذ اجر فيني وتشجعني وتسال عني وتعلمني يومياتها واعلمها اقصد بشكل يومي نتواصل تكفوووون وابيكم برضوة تفهموني اذا مجربينه وفعلا ينزل الوزن برغم ان فيه اجبان وحليب والا مالها دخل عادي دامها قليلة او منزوعة الدسم صح؟ معليش طولو بالكم علي بعد اذن ولييييييييييييده مع ان مدري ليه احسك ياوليدة مو ماشيه عليه بس قاعده تحمسنا يا حلوك الله يجزاك خير ياحبني لك ايه احس الله يهدينا جمعيا مابتقصر معي صح ؟ والباقين فيهم الخير والبركة اكيد ومااعتقد نتجمع الا على خير انو طبعا مانبخل على بعض باي معلومة وانو نساعد بعض ونشجع بعض ولكم اجر باذن الله والا ليه التجمع الا للاخذ والعطاء وياليت بشكل يومي لو امكن طبعا كل وحده تقول وش كلت بالضبط طول يومها عشان نفيد ونستفيد والا وش رايكم عداني العيب والا ماعداني ؟ ام الكلام قسم بالله حسيت اني قاعده معاكم كلكم وانا مجتمعين كلنا احنا وشحومنا ذي اللي مدري وش تبي الله يعيينا بس ونوصل لراحة البال ونتخلص من هالاوزان اللي شايلينها بصحة وعافيه قولو امييييييييييييييييين ونفرح باجسامنا الجديدة قدام انفسنا اولا وقدام ازواجنا واهالي ازواجنا وكل من يعز علينا اقول بس بس طولتها وهي قصيرة قمت اخبص فمان الله النحشه شكل مااحد بيعطيني وجه الله يستر ترى السهر والرجيم يخلي الواحد يقط خيط وخيط

حياك اعاني ..

والله ان الرجيم روعه ..وينزل الوزن خصوصا مع الرياضه

وباذن الله مايجي شهر 8 الا وانتي نازله كثير

واكيد كلنا هنا نشجع بعض ..وباذن الله الحماس هذا يكون على طول

اسيره البحر

وزني 109

طولي 160

يومياتي امس الخميس

الفطور كوب حليب نسكافيه -كوب لبن

الغدا :دجاج مشوي-علبه زبادي اكتيفيا

العشا:دجاج على الفحم

صباح الخير
بنات بسالكم مين اللي مسويه قروب في الواتس تبع الدايت ابغا اشترك يمكن اتحمس بزيادة ان شاء الله من السبت او الجمعةراح ابدا