اول محاضره>>>>خخخخخخخخخخ

السلام عليكم ياحلوات :10_1_103v
بدايه احب اعرفكم على نفسي انا ــ واعوذ بالله من كلمه انا ــ عذبـــة الروح فتاة مصرقعه حدي صاكه الطبلون بالصرقعه وسجلت بها المنتدى عشان الترفيهي الي ذابحني ومسنتره عنده طول قعدتي عالنت...
المهم في الجامعه وفي اول محاظره لي كنت قاعده جنب وحده>>اكيد وحده اجل واحد والله من الغبااا
المهيييييييييييم كان يدور علينا ورقه الحظور علشان كل وحده تكتب اسمها ورقمها الجامعي انا كنت من طالبات1425هـ يعني بدايه رقمي 425 المهيييييييييم كتبت اسمي ورقمي ووقعت الا والقافه اشتغلت عندي هالوقت وقمت اطالع باسماء البنات وارقامهم منه ارضي لقافتي الشديده والملحه ومنها اضيع الوقت بالمحاضره الممله الا ويشدني ذاك الرقم الي قبلي والا بدايته424 يعني موب زيي425وقلت في نفسي ضعيفه هالبنت اكيد من ربشه اول يوم غلطت برقمها بس ابقولها حرام اخاف يفصلونها والا شي :( >> ماقلت لكم منب صاحيه اجل حمد لله يفصلونها عشان رقم؟؟؟
المهييييييييييييييم التفت عليها وقلتلها بكل فهاوه وفغاره احتواها عقلي حينذاك>>نسيت اقولكم ترى تطري علي طنات اصير سيبويه سمله علي خخخخخ
:لو سمحت شكلك غلطانه برقمك كتبتيه 424 صححيه اكتبيه 425 وانافي بالي كنت بقولها انتبهي ترى موب دايم تقعدين عند وحده حنونه زيي :27: بس اشوني ماقلت والا كان مادري وش سوت الحين انا قلت بس شكلك غلطانه والا هي اللهم سكنهم مساكنهم كني قايله لها تراي قتلت امك قالت وبنفس خايسه: لا انا رقمي كذا
الا وتشتغل عندي اللقافه مره ثانيه >>ياكثر ما تشتغل.. واقولها :ليه موب زيي؟؟
قالت وهالمره شكل ودها تلفعني بالدفتر:انا حامله المادة وتناظرني كنها تقول عندك مانع؟؟ :mad:
عاد انا قلت اييييييييه وقمت القط خشيشتي بس ماش خشمي كان عند الاستاذه بس ماعليه اذا خلصت المحاضرة رحت اخذه>>>مهويه صحححححح :) :o
المهيييييم>>>>بالله كم مره قلتها؟؟؟خخخخخخخخخخ
ومايستفاد من السالفه الداجه ذي والعبارات الرقيقه الي فيها انك ياالقارئه تخلين عنك اللقافه تراها مهيب زينه....
وسلامتكم وتكفون استروا ماواجهتوا ويا مالكم من الهبال هع هع هع هعااااي :S_45:
























لحظه ماخلصت بربره نسيت اقولكم اللي عندها موقف داج عن الجامعه او الكليه تسدحه هناااااااااااااا ;)






دمتم بحب** :39: :
عذبـــة الروح...