اول مرة افضفض من اخت زوجي ودخلت دوامة نفسية اتمنى الكل يرد بنات

انا طبيبة امتياز متدربة اتفقت مع رئيسة القسم احضر كل اسبوع يوم لان كان عندي اختبار ووافقت واشترطت علي ما اعلم احد ، نفس المستشفى اللي انا فيها تشتغل اخت زوجي حارسة امن دائما لما ازورهم تقولي ماشفتك دورت لك جميع الاقسام مالقيتك لما قلت لها اتصلي او ارسلي لو تبي تقابليني شمقت في وجهي وسكتت
بعدها انا انتقلت لقسم جديد ولظروف حملي المسؤول عني الاستشاري سمح لي اداوم كل اسبوع يوم ونفس الشي وحلفني وطلب مني ما اعلم احد
وزوجة اخوي لازالت تتبع وراي كل قسم وتسالني ليش منتي موجودة بدون ماتتصل! انا بإمكاني اقل ادبي عليها بس لازمة حدودي لانها اكبر مني بكثير
صار موقف كنت جالسة فعملي ودخلت نفس الغرفة اللي انا فيها وسلمت ع الموظفات وجت عينها بعيني وما كأنها شايفتني
كنت بسلم عليها بس شكلي بيكون غلط قدام الناس وخاصة ان جت عينها بعيني وباعدت ولا كأنها تعرفني فكملت شغلي الي فيدي
رغم ان شغلها مبنى منفصل عن مكاني والمستشفى عبارة عن كذا مبنى وهي من النوع ماتختلط بالناس الا انها وراي من مكان لمكان اخر مرة سالتني لمًا زرت ام زوجي قالت لي ماشوفك مداومة
فقلت لها انا اروح مستشفى ثانية احيانا لان هناك تدريب وامكانيات عشان توقف تتبعني ،تخيلو انها نقلت كلام لرئيسة قسمي ان اقول هالمستشفى خايسة وتاليف ونميمة وحقدت علي رئيسة القسم وعملت لي جدول مناوبات ٢٤ ساعة رغم نظام المستشفى كامل مافي احد يناوب اكثر من ١٢ ساعة وسالتها ليش كذا سويتي واحنا لنا شهر بدون هالنظام قالت لي مو تقولي احنا ماعندنا تدريب وامكانيات ومو عاجبينك قلت لها ماحصل وانا متفقة مع الاستشاري ،،قالت وانا رئيسة القسم ومعي متدرب ماكانت تسال عنه ويغيب وبس متسلطة علي كله بسبب اخت زوجي ونميمتها، حتى حملي ما اكتمل وفقدته بسبب نفسيتي والظلم اللي صار لي كان عندي اجازات مرضية ووضعي الصحي غير مستقر والدكتور اللي اتابع معه حذرني من الاجهاد والسهر ورئيسة القسم تجبرني اداوم وانا عندي اجازات مرضية بس اجبرتني اداوم مناوبات ٢٤ ساعة او اعيد الشهرين
والله بموت قهر مو قادرة اسامح وحتى زوجي افكر اقوله الي صار واتراجع واخاف الله لان علاقته في اخواته اساسا مو تمام رغم محاولتي فالاصلاح بينهم ايش رايكم 💔 💔 انا لي شهر ما ازور ام زوجي كل ماروح لها اتعرض للكلام الجارح من اخته وقابلتهم بالاحسان رغم اسائتهم لي قبل زواجي وبعده بس استمريت ازور واهدي وكل حسنة اقابلهم بها يردوها بالاساءة زوجي كم مرة قال لعد تزوريهم اقطعيهم وانا اقول لا خل اقابل بالاحسان والحين فهمت ليه كان يبيني اقطعهم من البداية تكفون بنات كلكم حطو نفسكم مكاني وهل اعلم زوجي باللي صار او استمر اكتم في قلبي
اقسم بالله ان صرت انام ع الحبوب المهدئة وفقدت جنيني اغلى ما كنت املك بعد صعوبة حملي فيه وسنين انتظار تدري كلامي كثير ومو مرتب وهذا جزء بسيط اللي قلته لكم