الحمدلله انا مو خايفه ولاشي ههههههه

بس انا حبيت اعرف واتعلم شو اسوي مو اروح على عماها زي الهبله
وتسلمي غلاي




السالفه مو خايفه ولاشي بس ابغى اعرف شو اسوي من اول ماادخل المطار لحد ماانزل

غير كذا انا مضطره اسافر لحالي بسسس راح يوصلني اخوي وزوجي يستقبلني
والله اعلم



يعني المرايه والمبرد والروج وكذا توهيقه صح

طيب عادي يصيح ههههههههه ويشوفون ويمشوني هههههه



الحمدلله ربي هو الميسر



اهم شي



تسلمي غلاي

و خلي وزن شنطة الشحن على قد الوزن المسموح لك و لو مسافرة درجة اقتصادية تكون قطعة وحدة بس ،، عشان لا يخلوك تفكي الشنطة و تقللي وزنك و تحوسي في المطار ،،

لما تدخلي المطار اول شي تحطي الشنطة على السير و بيشوفو وزنها ، اذا وزن زائد تدفعي مبلغ او تقللي من عفشك و بعدين يعطيك البوردينق و هي عبارة عن ورقة فيها رقم الرحلة و رقم البوابة و رقم كرسي الجلوس و ممكن كرسي الجلوس تحجزيها عن طريق النت ، تخليها معاك و تدخلي للصالة الرحلات الداخلية و تجلسي على الكرسي قريب من البوابة اللي مذكورة في البوردينغ ،، او اي مكان في المطار ، و اذا رحلتك على الساعة خمسة مثلا ، على الساعة اربع و نص يبدؤ ينادو على الرحلة تروحي للبوابة و هناك تطلعي الباص لو انتي في مطار جدة ، في مطارات ثانية فيه زي السييب تمشي فيها توصلك للطيارة ، تركبي الباص و حاولي تجلسي على الكرسي و لو ما حصلتي عادي اوقفي وامسكي في الحدايد ،، و لو عندك اي شنطة خليها عند رجولك ،،

بس توصلي الطيارة ، أطلعي تلاقي في موظفات اذا ما تعرفي تقراي رقم الكرسي حقك ، أعطيها للموظفة هي توصلك لين الكرسي و تقولك اجلسي هنا ، و اذا شفتي الكرسي اللي جنبك في رجال ، كلمي الموظفة تغيره لك و تجلسك عند حرمة ،، طبعا هذا اختياري و افضل لك ،، و عادي الحزام زي كرسي السيارة بس مو من الكتف لا حول البطن و حاولي تثبتيه على بطنك كويس واذا ما عرفتي قولي للموظفة الطيران هي هذه شغلتها ،،

و بعدين اول ما تطير الطيارة بخمس دقائق او عشرة لو حابة فكي الحزام و امشي براحتك في الطيارة تبغى تروحي حمام او غيره ،،

و قبل ما توصل الرحلة راح يعلنو و ارجعي اربطي حزامك ، و خلاص تنزلي من الطيارة و على الباص و تخرجي من المطار و تلاقي اللي يستقبلك و تروحي و ترجعي بالسلامة ، لا تخافي ما فيه شي يخوف ، واذا ما عرفتي تسوي شي ،، اسألي موظفين المطار عن الاجراءات لا تكمليه اشخاص ما تعرفيهم , و اي شخص يعطيك شي يقولك وزني زائد تشيله لي قولي لا ، عشان لا تتورطي بشي

و بالنسبة لشنطة اليد حطي اي شي ما عادا سكاكين ، قصاص اظافر ، اي شي حاد بصفة عامة ،،

و لو شايلة ادوية نفسية او ما تنعطي اي بوصفة ، خلي وصفة الطبيب معاك ، عشان لو سألوك ،، و لو عندك فلوس ذهب لاب توب شيليهم في يدك ،،

ايوه اول ما يعلنو باقلاع الطيارة قفلي جوالك لين تهبط الطيارة ،، و بس

تسلمي ياقلبي قولدن كفيتي ووفيتي

توصلين بالسلامة ان شاء الله البنات ما قصروا