اول مره اسوي رجيم امانه ادخلوا ساعدوني

سلام لموري ..
هلا حبيبتي ..
الله ييسر لك وتنزلي بصحة وعافية ..
والله يالغالية مالي خبرة كثير بالريجيمات ..
وأسباب ثبات الوزن ..
والغالب مثل ما أعرف إن لو أول مرة تسوي ريجيم المفروض ينزل وزنك ..
لكن احتمال إن ريجيمك قاسي زيادة..
وإنك حرمتي جسمك فجأة من الأكل ..
وكـ رد فعل ما نزل ..
حاولي توزاني في ريجيمك ..
وتفطري شيء أفضل لك من النسكافيه ..
وبلاش من السكر الدايت لأن فيه أضرار أكثر من النفع..
نوعي أكلك .. وإن شاء الله يكون نزولك أفضل ..
والمنتدى هنا فيه ريجيمات كثيرة ..
إن شاء الله تلقي شيء منوع ومناسب :)
الله يوفقك يارب
دعواتك

طيب حبيبتى واصلي لا تيأسين ابدا
صدقينى راح يبدا جسمك بالنزول اكثر بعد الاسبوعين الاولى ان شاء الله

تسلمون ياالغاليات احساس حلو انك تحس فيه احد يتجاوب معاك

شوفي حبيبتي
اذكر امي وخالتي من زماان كانو يسون رجيم مع بعض
وكل خالاتي وامي ماشاءالله عليهم اوزانهم تنزل الا وحده من خالاتي قعدت اربع اسابيع مانزل وزنها
الا 3كيلو
مسكينه خالتي قعدت تصيح من القهر
بس مايأست وكملت معاهم وسبحان الله ماحطت رجلها عالاسبوع السادس<<<خوش وصف خ خ خ خ
الا وهي تنزل كل يوم كيلو كانت تكلم امي فرحانه ماهي مصدقه
كل يوم كيلو
الظاهر انه خالتي من الناس الي مقاومة جسمهم قويه
لانه ماتمتن بسرعه ولاتضعف بسرعه بعد
اتمنى اني اكون افدتك حياتي وسامحيني قرقرتي واجد ادري
ولاتتضايقين ولاتقدرين خاطرك ياغاليه

هلا فيك أختي..

أول شي لابد تضيفي الرياضة لبرنامجك لأنها راح تنشط لك عملية الأيض
ثاني شي.. جايز نظامك اللي بتمشي عليه يكون السبب في عدم نزول وزنك
الأفضل إنك تتبعي نظام غذائي صحي ما يقوم عالحرمان التام
لأنك لمن تحرمي جسمك من الأكل تماماً فهو يميل إلى تخزينه
فـ عشان تنشطي عملية الحرق عندك لازم تاكلي
لأن عملية الحرق نفسها بتحتاج مجهود من الجسم
تخيلي جسمك مثل النار عشان تخليه شغال على طول ويحرق لابد تزوديه بالوقود اللي هو الأكل
لكن لمن تخلي النار فترة طويلة بدون ما تحطي لها شي راح تخمد وتنطفي
وجسمك ينطبق عليه هالشي..
لذلك نصيحتي لك التخفيف والأكل الصحي وممارسة الرياضة أو المشي مدة ساعة باليوم
وتناول العشا باكراً وتقفلي فمك من الساعة السابعة مساءاً كأقصى حد
بحط لك نظام سهل ومريح لو تحبي تمشي عليه وهو مستمد من كتاب اسمه الرشاقة مدى الحياة
لمن تصحي من النوم استهلكي الفاكهة فقط حتى يجي وقت الغداء
الغداء والعشاء لك الحرية إنك تاكلي اللي نفسك فيه بس بشرط..
عدم خلط النشويات مع البروتينات
يعني ما تاكلين بطاطس مع اللحمة لكن ممكن مع الرز والخضار
والدجاج مثلاً ما تاكلين معاه خبز لكن تاكلي معاه أي خضار تحبيها وهكذا
وتعطي معدتك الوقت اللازم للهضم
بعد كذا خلاص تقفلي فمك لليوم الثاني.. وممكن تقسمي يومك بالساعات
8 ساعات فاكهة 8 ساعات للغداء والعشا 8 ساعات فترة راحة للمعدة
جربيه وصدقيني حتشوفي النتيجة بنفسك..
بس لا تنسي المشي أو الرياضة معاه لو نص ساعة في اليوم
لو قررتي يلا بمشي معاكِ فيه لأني مخففة حالياً وما أتعشى بس وزني ثابت
لذلك ناوية أغير شوية