السلام عليكم ورحمه الله وبركاته
خواتي :26:ارجو من كل وحده قصتها تشبه قصتي او مرت بتجربه الطلاق ماتبخل علي بمشورتها لاني في حال مايعلم فيه الا الله وله سبحانه الحمد على كل حال. انا متزوجه من 6 سنوات وعندي ولدين صغار وزوجي اللي ربي ابتلاني فيه يقرب لنا بس من بعيد و ساكنين بمنطقه غير منطقتنا.خطبني وتحمست لانه كان جامعي وبالمواصفات العامه اللي ابيها وكنا نعرف عن اهله الدين والصلاح .هذاك الوقت كان ابوي لسه متوفي الله يرحمه وانا كنت بالمره متعلقه فيه المهم ان اخوي الوحيد اللي صار ولي امرنا تولى امر زواجي وكان هو مسكين يمر بمرحله عصيبه بعد ماتولى مسؤوليتنا من بعد ماكان الله يرحمه مدلعنا,المهم انه كنا قليلين درايه وتحمسنا لزوجي واللي كان مره مستعجل على الزواج لانه سمع عني من قريبته وعجبته مواصفاتي وماصبر وجانا لين المدينه اللي كنا مصيفين فيها عشان يشوفني.طبعا كلم اخوي وانا كنت بغرفه ثانيه اسمع كلامه ةللاسف ان زوجي من النوع اللي بياع كلام خصوصا لما يبغى يوصل لحاجه وحنا صدقنا الكلام وانه عاقل وماله علاقات وهو شاب وهلم جرى.انا بطبعي قويه مره و عاطفيه مره واؤمن بأن الزواج مشاركه ومافيه احد يخبي حاجه الا الي مسوي خطا.عموما انا عانيت كثير مع هالانسان لانه عصبي وانتقادي ومايعجبه شي ويتفلسف واجد وذكي جدا لدرجه انه يلبسك الغلط وانتي تتفرجين وهو الغلطان وملول يعني يغير سياراته و اصدقائه مثل مايغير ملابسه وكنت اخاف اني اصير مثل سياراته وفعلا صرت, واللي مزود الطين بله اني انا عصبيه وشخصيتي قويه وذكيه وصبوره واحساسي بمحله فكنا دائما في صدام.انا بدايه حياتي مسويه فيها حب فكنت اتنازل في النقاشات واكبر عقلي ولاني كنت احس انه يحبني بس مافي يوم لميت اغراضي ورحت بيت اهلي يعني ماسبق اني حطيته بموقف صارم زي كذا عشان اعرف قدري عنده والظاهر انه تنازلي هذا جاب فيني العيد ومابين بزوجي.انا حاولت كثير اغير من اطباعي اللي تتعارض معاه زي عصبيتي وخصوصا انه هو دايما يقولي انا احتاج وحده هاديه ومفرفشه وانا كنت اتكهرب لما يقول كذا وهو عارف فكان لما يبغى يسكتني يغني لي هالموال,طبعا هذا راجع لاني ماكنت مبسوطه معاه لاني اشك فيه ,كان حريص على جواله ومايبيني امسكه وانا ارى ان الزوجين مابينهم اسرار وكنت القى في جواله رسايل من بنات وخلال هالسنين هاذي كلها اكتشفت له كثير علاقات وكانت تمر بالكذب اما يقول صديقي ولا اخوي المراهق المهم كنت اصدقه واكذب نفسي ومع ذلك ماتخيلت ان الموضوع ممكن يتعدى الكلام الين بعد ماجبت ولدي الثاني واكتشفت انه يواعد بنات ويطلع معاهم ويقولهم انه مطلق ومن هالكلام ولما واجهته كنا على وجه غربه وقالي انه بيتغير وبالغربه بنقرب من بعض وانه يحبني مع العلم انه لما كنا نتناقش في هالموضوع يقولي انا احترمك بس ماحبك بمعنى الحب وكان كثير يقولي انا ماقدر اغير من نفسي انتي تغيري واذا تبين الطلاق انا ماجبرك وطبعا هو يموت في انه يعيش عزوبي ويسهر لين الصبح برا ويفرح لما اروح لاهلي وحاولت اني اتعايش مع الوضع واحسسه بالثقه بس ماقدرت لان تصرفاته كلها تدل على انه خاين وبعد فتره في بلاد الغربه صار يلحن بالتعدد لانه مايبغى الحرام وحق من حقوقه زي مايقول ورجعنا اجازه لبلدنا وهو طبعا بشغله الجديد في مدينه ثانيه ويجينا ويكند وشغله هذا حسن مستوانا المادي ومستواه هو الوظيفي بالاضافه للعزوبيه اللي يتمناها هناك لدرجه صرت احس من اهاناته لي انه صار يشوف نفسه علي .بعد مارجعنا للغربه اكتشفت انه شاف وحده بمجال شغله وعجبته وعطاها كرته عشان يخطبها وخطبها بس ابوها مارضى لانه متزوج وعنده عيال وسنه صغير على زوجه ثانيه وخاف على بنته,طبعا هو كذب علي بخصوص هالبنت على اساس انه خطب بطريقه تقليديه ولما واجهته بعد ماعرفت انه لازال على علاقه بهالبنت قالي انه مايبغى يجرح شعوري! ( وهو لما بلغني بانه خطب تركني اتجرع الهم والحزن والبكا عند اهله ويطلع ويسهر ويخليني ببرود تااام ولا رحم حالي )واكتشفت انه على علاقه باكثر من بنت ويواعدهم في وقت كنت انا وعيالي عند اهله ويقولي روحو اطلعو مع السواق عشان هو مشغول بمواعيده واللي جارحني انه يقولهم كلام عاطفي بالمسجات عمري ماسمعته منه وهو اللي كان يقولي لما اشتكي من عدم احساسه فيني وتطنيشه لمسجاتي ولما اروح لاهلي مايسال فيني ولا بكلمه وحشتيني بعذر انه هو مو عاطفي ولا اقدر اقولك كلام ما احسه ولما اساله عن علاقاته يقولي "لاتفكرين في يوم اني اقدر اقول كلام عاطفي وماقوله لكي واقوله لوحده غيرك".والحين انا عرفت ان الموضوع انه هو راعي حريم بالدرجه الاولى و مو وحده ولا ثنتين وانه كذاب بدرجه الامتياز لانه يكذب في نفس اللحظه اللي تواجهينه فيها ويحبكها بعد .يعني انا ادركت بعد 6 سنين من الشك ومحاولات في انجاح الزواج على حساب راحتي ونفسيتي اني متزوجه راعي حريم وقح وكذاب وفوق هذا لما واجهته ضربني ليش افتح جواله وقالي انا ماكذبت عليكي انا قلت لك ماحبك ولما بديت اصفطه وخاف اني اخونه صار يعصب علي لانه ماتعود على كذا ويستهزا فيني وباهلي اللي محترمين و عمرهم ماتدخلو بينا ولا اذوه .طلبت اني ارجع لبلدنا واصريت وحاول يتفاهم معي على موضوع العيال لانهم بيتبهذلون بين مدينتي ومدينته وقالي اوكي روحي يعني بالطقاق!لكن اقرب وقت للسفر بعد شهر.انا مو مستغربه لاني عارفه انه يبغى ياخذ راحته ببلد اجنبي لكني مستغربه كيف يفرط بشوفة عياله لانه ماراح يشوفهم مدة تتعدى شهور! لانه هو بالمره يحب عياله وحريص عليهم لدرجه انه يمرضني بفلسفته عشانهم لكن لما يتعارض الموضوع مع انانيته يقولي العيال ماراح يتأثرون لاني ماراح افرط فيهم ولا انشغل عنهم.هذا غير اصراره بان الطلاق لازم يصير ودي يعني يقولي لاتحلمين اني اطلقك بسبب الخيانات انتي لازم تقتنعين انه احنا بيننا تنافر وماننسجم مع بعض وهذا طبعا عشان مايحس بالذنب تجاهي ومرتعب من ان عياله لكبرو يعرفون انه طلقني بسبب الخيانه يعني قاعد يحط موضوع الطلاق بيدي اما تعرفين لاي حد انتي بتتنازلين ولا تطلقي المهم انه قرار الطلاق انا ما اتحمله لحالي قدام العيال!فهمتو؟؟يعني من تزوجته وهو قاعد يدفني اني اطلب الطلاق عشان يجي مني انا وهو مايلوم نفسه ولا الناس تلومه وبالتالي اقعد بحرقه الحيره يبغى يلعب ويتزوج وما اطالب بشي الا اذا هو قدم لي سواء ماديا او عاطفياواسكت, ولا اتطلق واشتت نفسي وعيالي!.انا الى الان بالغربه وقدمت على الماجستير وماني عارفه ارجع وانفصل عنه ولا اجلس وادرس واطلع بحاجه من هالسفره اللي كلها هم .لكني ماني قادره اتحمله واحتقره والى الحين ماحط عيني بعينه من حقدي عليه وهو قاعد يكلمني عادي ماكانه فيه شي ومن الوقاحه يقولي شفيكي؟ حتى لو بيصير طلاق خلي الايام الاخيره حلوه!اللي يعرف مشاكلي يقولي زوجك مريض وماهو عارف ايش يبغى .
انا استخير الله تعالى كل يوم وحابه اسمع رايكم خصوصا اللي جربو التعدد او الطلاق بايش تنصحوني:اصبر و اعيش حياتي واركز على عيالي واخليه يصرف علينا وعياله يكونون عايشين ببيت ابوهم مع طلاق عاطفي بيني وبينه,ولا اتطلق واشوف حياتي يمكن ربي يرزقني برجال طبيعي لانه ماعندكم فكره وش كثر احتقر الرجال زير الحريم من كنت بنت وسبحان الله ربي بلاني بواحد.
للمعلوميه يابنات انا حلوه ورشيقه وانيقه واللي يشوفني يحسبني ماتزوجت وهو بعد يعترف ويقول ماني لاقي وحده بالمواصفات اللي فيكي ولا احلا منك, وموظفه ولله الحمد اللى كفاني واغانني بفضله عمن سواه .يعني انا ماني مضطره للعيشه معاه والتضحيه بزواج مستقر مع زوج يحبني ويقدرني الا عشان مابهذل عيالي بيني وبين ابوهم ولاني ارتعب من فكره انهم لكبرو بيعيشون بعيد عني بالاضافه الى ان مدينتي صغيره ومافيها مستقبل وانا احلم بتطوير مستواي الوظيفي بالمدينه اللي اعيش فيها معاه وحابه العيشه فيها .بالاضافه الى ان اهله يحبوني ويقفون معي ضده بس يتحاشون يتصادمون معاه لانه غثيث اذا طاح باحد , ولهم مواقف معاي مانساها ماسووها اهلي لكني عارفه انهم ماراح يدومون لي.يعني انتصر لكرامتي و عاطفتي واتطلق وهل برتاح اذا تطلقت من العيشه مع واحد غثه و قلق؟ولا انتصر لعيالي وبيت بظل رجال مو رجال مع خوفي من انه حتى عيالي ماراح يقعدون لي واصفى لحالي اذا ربي احياني لاني عند اهلي ولا عيالي عندي ولا زوج طبعا؟؟؟
انا بحيره كبيييييييييييييره واحتاج لمشورتكم ولتجاربكم اكثر
جزاكم الله عني كل خير:27:
miss_mazyonah2009 @miss_mazyonah2009
عضوة جديدة
يلزم عليك تسجيل الدخول أولًا لكتابة تعليق.
عبيــــر الــــورد
•
الله يفرج همك ويحقق كل أمنياااتك ،،،،،
لبوة2006
•
انا اقول دامك في غربه كملي الماجستير
عشان تحسين الاداء الوظيفي وماترجعين صفر
لا من زوج ولا من دراسه وخليه هو يهيم على راسه
وبعدين ترى اذا شافك انشغلت بدراستك عنه بيصير
يحاول يكلمك او يلفت انتباهك لانه شافك لاهيه عنه ليه
العشيقه دائما تجذب الر جل لانها تخليه يحبها اكثر مما هي تحبه
فيصير هو يلاحقها وبكره اذا تزوجها يصير حالها مثل الزوجه الاولى
لانه ملكها لكن لو لعبت انتي هذا الدور ***** الله راح يتغير
بس يبغالها صبر ومو اي صبر لا صبر طويـــــــــــــــــــــــــــل الله يكون في العون
وفيه ناس كثير عايشين مع ازواجهم وبينهم فراغ عاطفي بس ممشين حياتهم
على اساس انهالعيشه افضل الحلول وصراحه قهر تتركينه يصرف على غيرك ويمتعها
وانتي اولى فانا اشوف انك تكملين وتدعين الله الى ان تفرج
عشان تحسين الاداء الوظيفي وماترجعين صفر
لا من زوج ولا من دراسه وخليه هو يهيم على راسه
وبعدين ترى اذا شافك انشغلت بدراستك عنه بيصير
يحاول يكلمك او يلفت انتباهك لانه شافك لاهيه عنه ليه
العشيقه دائما تجذب الر جل لانها تخليه يحبها اكثر مما هي تحبه
فيصير هو يلاحقها وبكره اذا تزوجها يصير حالها مثل الزوجه الاولى
لانه ملكها لكن لو لعبت انتي هذا الدور ***** الله راح يتغير
بس يبغالها صبر ومو اي صبر لا صبر طويـــــــــــــــــــــــــــل الله يكون في العون
وفيه ناس كثير عايشين مع ازواجهم وبينهم فراغ عاطفي بس ممشين حياتهم
على اساس انهالعيشه افضل الحلول وصراحه قهر تتركينه يصرف على غيرك ويمتعها
وانتي اولى فانا اشوف انك تكملين وتدعين الله الى ان تفرج
لبوة2006
•
لبوة2006 :
انا اقول دامك في غربه كملي الماجستير عشان تحسين الاداء الوظيفي وماترجعين صفر لا من زوج ولا من دراسه وخليه هو يهيم على راسه وبعدين ترى اذا شافك انشغلت بدراستك عنه بيصير يحاول يكلمك او يلفت انتباهك لانه شافك لاهيه عنه ليه العشيقه دائما تجذب الر جل لانها تخليه يحبها اكثر مما هي تحبه فيصير هو يلاحقها وبكره اذا تزوجها يصير حالها مثل الزوجه الاولى لانه ملكها لكن لو لعبت انتي هذا الدور ***** الله راح يتغير بس يبغالها صبر ومو اي صبر لا صبر طويـــــــــــــــــــــــــــل الله يكون في العون وفيه ناس كثير عايشين مع ازواجهم وبينهم فراغ عاطفي بس ممشين حياتهم على اساس انهالعيشه افضل الحلول وصراحه قهر تتركينه يصرف على غيرك ويمتعها وانتي اولى فانا اشوف انك تكملين وتدعين الله الى ان تفرجانا اقول دامك في غربه كملي الماجستير عشان تحسين الاداء الوظيفي وماترجعين صفر لا من زوج ولا من...
فتو خانم
•
اشوف انك تستخيرين كثير وادعي الله يسخره لك ويصرفه عن غيرك واعطيه فرصه عالاقل لين تخلصين الماستر و***** الله الله يسخره لك
ثانيا : اذا ماتعدل شوفي السلبيات والايجابيات بورقه وقلم في الامرين الصبر معاه او الطلاق ووازني الامور زين اختاري اللي سلبياته اقل بغض النظر عن وين الايجابيات اكثر لان الاصل في الامور اختيار اخف الضررين و***** الله ماجوره في قعدتك مع عيالك وصبرك عليه وتذكري قوله تعالى "ان مع العسر يسرى"
ثانيا : اذا ماتعدل شوفي السلبيات والايجابيات بورقه وقلم في الامرين الصبر معاه او الطلاق ووازني الامور زين اختاري اللي سلبياته اقل بغض النظر عن وين الايجابيات اكثر لان الاصل في الامور اختيار اخف الضررين و***** الله ماجوره في قعدتك مع عيالك وصبرك عليه وتذكري قوله تعالى "ان مع العسر يسرى"
الصفحة الأخيرة