أول موضوع لي بالواحه الكركريه
صبخكم
الله بالخيروشلون خواتي الصرقوعيات ويش اخبارهن
انا تمام والهمه عال العال
بس انا ما ادري ويش تقرب همتي لسواق اختي عبد العال ؟
خخخخخخخخخخخخخخخ
الزبده والجبنه والزبادي وكل منتاجات المُباااااااااااع
قبل فتره وعن طريق الرسايل الخاصه
علقت اخت لنا بالمنتدى عن سبب ابتعادها عن الواحه الكركريه بقولها:
اني احس ان البنات بهذا القسم يعرفون بعض من زماااااااااااااان
وفهمت من كلامها انها ما تبي تفرض
نفسه على البنات او انها حست ان مالها مكان بهذا القسم
وحاولت أن اخليها تشيل الفكره من راسها
وهذاها ولله الحمد اشوف مشاركات لها بالواحه وردود
بس عاد انا ريوست بفكري
شوي لوراء وتذكرت أول مشاركة لي بهذا القسمكنت قبل ما اسجل بهذا المنتدى ما اعرف كوعي من بوعي بالجهاز
ولا تشغيله ولا تسكيريه
كنت اذا جيت ابي اسكر الجهاز امصع فيشه
وبس يعني غشيمه بالكمبوطر
والى الحين هههههههههههههو من لطف ربي بي
يوم دخلت للنت اختار لي هذا المنتدى اللي يخبص بحق وحقيقي وقبل ما اسجل واجزم
كنت ابصبص واويق
على المواضيع بكل اقسام المنتدى عاد توكلت على الله وسجلتكان اكثر الاقسام اللي كنت معسكره ومسنتره عندهم بذيك الفتره
بقدوري
وملاعقي
ومغارفي قسم أطباق عالم حواء <<< ترى حواء يعني حنا يالحريم انتم تدرون ؟
خخخخخخ بشري امتس
بس هذا ما منعي اني كنت اطلطل عليكم هنا بالواحه الكركريه
كنت اقراء وانبسط
معكم كان فيه مشاركات كثيره ومشكّله سواء من اخوات معروفات الحين
أو أخوات مروا على الواحه
ونزلوا موضوع لاول مره يعني مبتدئات
وما كنت اميز في اسماء البنات
ولا كنت اخزن في ذاكرتي اللي عطاني ربي
واللي هي المخ اللي جنبه المخيخ أو العكس
مالي علم بالعلوووووم والاحياء
عاد بنات العلمي الفزعه الفزعه خخخخخخخخخخخ
وماكنت اعرف الا
كم وحده من البنات حبوبه والعيون وأم الكتاكيت و غلو واهاتو
وقلوبه وشيوخه ومداويه الجرحى وشموخ
وكنت اتمنى ان اكون يوم من الايام اسمي
يعلق ويتشعمط في الذاكره
<<< ماقصرتي ما عقب أم تأبط شراً شي
الا مهوب ممسووووووووووح
ابد هههههههههه
لا والله يابنات فيه احد مجتهد تميزينه غصب
وخصوصاً اذا تحلى بالاخلاق وفي مواضيعه الجيده
نرجع لموضوعنا
ذيك الفتره ماكنت اعرف للأسف المشرفات ولا ادري ويش هي
شغلتهن بالاساس من دلاختي
يعني بالعربي كل شي عندي جديد
اول الامر كنت ارد على بعض المواضيع اللي اقراها وامخمخ عليها
وياسعد قلبي
اذا عطاني احد فيس ودرى اني راده على موضوعه بس كنت
الخبط
واخربط
دايم بالاسامي مابديت اميز الا قبل كم يوم ههههههههه
بديت اميز اسماء البنات ياحظتس ههههه
عــــــــــــاد اقولكم
حسيت ان هالقسم حلووووووووعسل وشيره
مير اقرقر قرار خطيييييير
قلت ياست حشوره اللي هي أنا
وراتس ماتحشرين نفستس بالبنات
وتكتبين لتس خزعبلات و موضوع بالواحه
بس والله اني هونت اني اكلج عليكم ليش؟
حطيت بعتباري شروط الواحه
واللي قبل كذا كلام الرسول صلى الله عليه وسلم عن الكذب
قال صلى الله عليه وسلم ( أنا زعيم بيت في ربض الجنة ، لمن ترك المراء وإن كان محقا ، وبيت في وسط الجنة لمن ترك الكذب ، وإن كان مازحا ، وبيت في أعلى الجنة لمن حسن خلقه )
وترددت لاني ما ابي اكتب عند ربي من الكذابين
ولا ابي ارضي الناس وابسطهم بسخط الله عليّ
واستخرت الله وهونت عن الفكره
ومن ترك شي لله عوضه الله بخير منه
المهم عقب فتره رجعت لي فوكيرة
اني اكتب موضيع بالواحه قلت : ليش لا ما اكتب موزوع
ويش المانع <<<< مانع ولا دواس خخخخخخخخخخ
لا والله قلت اذا كان الموضوع بعيد او نحاول نخليه من الكذب
قد ما نقدر عليه
ونبهره بشوي خيال ونملحه بشوي دعابه
و جازت لي الفكره وتوكلت على الله وكتبت الموضوع
وكلن ساعدني بالبدايه
بناتي وخواتي وشغالتي وسواقي
<<<< بلا هلس ويش دخل سواقتس
كان هو اللي يجيب لنا خبز وحليب علشان اتغذى واعرف امخمخ
خخخخخخخخ
لا والله ساعدوني بناتي في كتابة الموضوع لاني ما كنت اعرف بالبدايه
وين الحروف بـــــــــــــوه
نزلت الموضوع وكانوا بناتي اكثر تحمس وحماس مني
انهم يعرفون تحاليل امهم
عفواً قصدي تحاليل وردود البنات على موضوع امهم
بس ماتصورون ويش كان أول رد على الموضوع
كان صاعقه بالنسبه لبناتي
ماراح تصدقون لو قلت لكم
ان بنتي الكبيره واللي هي طابعه لي معظم الموضوع
انها كانت تصيح
يوم شافت الردحساسه ضنايا خخخخخخخخ
كان الرد قاسي ومافيه مراعاة لنفسية الكاتب اللي هو أنا
<<<< اخذه في نفسي مقلب ههههههههه
لا والله كان الرد الاول بالتحديد جاف
ومامر من عنده الفازلين رد يابس وممشقققق للغايه
حتى انه طيح وجهي مثل ما يقولون
وجلست ادوررر عليه
لانه تدحرج وتد ربى بالارض وما ادري وين راح
حتى اني بغيت اسوي اعلان
بحث عن وجهي وكنت ناويه اكتب بالاعلان:وجه مفقود على من يجده ارجاعه الى صاحبته أم تأبط شراً
مواصفات الفيس
اثم وسيع تشوفون المعده من خلاله
ملح وقبله في بعض الاحيان
غمازات كنها حفريات
كهرب او تليفووووونعيون عسليه مع ان كان ودي تكون حمراء
يتطاير منها الشر علشان اخوف فيها تأبط شراً
والله هو اللي يخوفني
ولله الحمد ما بالعيون حالة حول ولا انحراف
الا وقت الولاده خخخخخخخخخخ كلش يصيرررر
ومافي الوجه أي علامات فارقه لا حبة عم ولا حبة خال
الله يعافي الكحل يسوي الهواااااااايل
يتبع
مهوب بيدي غصبن عليّ قسمت الموضوع
حكم القوى على الضعيف ههههههه
نرجع لموضوع الرد الاول اللي تلقيته
بالرغم من ان رد الاخت فيه فهاره وعدم احترام لمشاعر غيرها
الا اني رديت عليها باللي فرضت عليّ اخلاقي
رديت عليها بادب ونحو واملاء ونصوص
واحترام الله يسامحها
وتقبلت ردها بروووووح رياضيه
وبالعكس سويت بحث ابي اعرف مواضيعها وكيفية ردودها
وشفت انها تمارس هذا النمط من الردود
من عدم حترام مشاعر الغير
مهوب معي انا بالذات مع الكل للأسف
صرت اذا صادفت موضوع لها
ارد عليها بمنتهى الاخلاق والادب
ولي قاعده بالحياة
عامل الناس بمثل ما تحب ان يعاملوك
ماقلت ابي اسوي معها مثل ما سوت هي معي
لا بالعكس
او تجاهلت مواضيعها لا حرصت اني اتابع مواضيعها
بس ما اخفيكم
ان بناتي صاروا اذا شافوني جالسه على الجهاز
وبذات اذا صرت داخله للواحه
يقولون لي:
الحين ياماما طيحت فلانه وجهك ولا تضايقتي
قلت لهم :والله ماجبت خبرها بكيفها
بس هم تأزموا بالحيل وطلبوا مني اني اترك المنتدى وما عاد اكتب
حاولت اني افهمهم أن الناس اجناس
احد معدنه اصلي
واحد معدنه مصدي ومعفن
لكن ما زالوا متضايقين من الكلام اللي موجود بالرد
قلت مابدهاش الزم ماعلي نفسية بناتي <<< ياعيني على الام المثاليه
قمت وضغطت على أخبري المشرفة عن هذا الرد الخــط الســـاخن
وقلت اشوف ويش يطلع معي
سويت ابلاغ للمشرفه وشرحت لهم معاناة بناتي من ذاك الرد
وعز الله ان خواتي المشرفات والله ما ادري وين وجيههم هالحزه
ماقصروا على طول قامن بالازم وحذفوا الرد
واستانسوا بناتي وتشققوا من الخبه
بعد ما شافوا باقي الردود واللي كانن مضربات من قبل انهم يشوفن شي
شافوا اللي يسر القلب ويحدد شخصية كاتبها
وانا حبيت اوضح للاخوات
ان واجب على كل وحده منا تراعي ويش هي تكتب
وتراعي نفسية من حولها
وما تحاول تجرح شعورمن حولها بحجة انها مو معروفه بالمنتدى وما احد راح يعرفعها
ومايمنع اننا نتناصح فيما بيننا لان الدين النصيحه
ماانسى وحده من الاخوات الله يجزاها شي وشويات
يوم كتبت رد في موضوع من المواضيع الواحه واخطأت بالصيغه
تدرون وش سوت؟
ارسلت لي على الخاص ونبهتني للغلط اللي انا كتبته
هذي اللي تحسون ان قصدها الخير مهوب الشر وتلقط زلات خواتها
يعني اذا ما استجابت الواحده للتنبيه
يلجى المنبه الى المشرفات
مهوب تنقيص من شأن المشرفات
لا والله بس
لاننا كلنا نعتبر انفسنا مشرفات اذا لزم الامر
نقطه ثانيه احب اقولكم عليها
مره تعبت وانا احوس بالمنتديات ادور شي مسكت
وماغير امشي وافتح من المواضيع
حتى اني احولت عيوني من كثر ما اشوف
وجبت موضوع ورازتن هاكالصوره بالموضوع مختبه ما احد قدي
المراد ان عقب هالف والدوران اغلق الموضوع لانه مكرر
لكن ماصار شي حاولت مرتن ثانيه ونفس الشي
صكووووه بالشمع الاحمر
والله اني ماقلت ولا شي ويش حليلي خخخخخخخخ
بالعكس اختبيت يوم اني قريت سبب الاغلاق
بس خساره الحين مع تغير الستيل والمعدن الجديد للمنتدى ههههه
مافيه ذكر سبب الاغلاق
خساره قايله لكم ليتي مصوره مع الستايل القديم هههههه
مايخالف العمومه ابخص
بس اقولكم
كان ماشاء الله اسلوب خواتنا المشرفات يهبل ويوسع الصدر
ويجبر بالخاطربنفس الوقت
لو كنتوا مدققين فيه
وهذا يدل على سمو اخلاقهن
وابشركم تراني مع مرور الوقت صرت اعرف اسماء المشرفات
طنط رائعه وخاله ذكرى وابلى أم العيال واختنا امل
<< ياحظك ههههههههه
بس انتم جربوا وشوفوا اذا تسكر لكم موضوع
يعني أذا اغلق موضوع عساكم على القوة
خيرها بغيرها نحاول وتحاولون مرتن ثانيه وثالثه
ولا تأيسن لانه لا يأس مع الحياة ولا حياة مع اليأس
<<<< اقول ياقل ملحتس ههههههه
ليش الواحده تكدر وتنغث وتحس ان الدنيا ضاقت عليه
وتقوم الدنيا ولا تقعدها وتجلس تندب حظها
عــــــــــــــــادي لو يقراء الكلام العسل اللي جنب الاغلاق ما ضاق صدره
هذاك اول
او يراسل للمشرفات ويشوف وش سبب الاغلاق !!!
كل هالكلام تراه مهوب لكم يالقداماءءءءءء
لا لخواتنا الجدد على الواحه
ولاحنا عرفنا القوانين ومشينا عليها زي الالف
وما يمنع اننا ممكن نغلط
ومافيه انسان معصوم من الغلط لكن ما يستمر على غلطه
ويعترف انه اخطأ
يمكن الاخوات الجدد راح يحسون انهم غريبات
ووحشه وخصوصاً من موضيع غلوووو الله يذكرها بالخير
ويرجعه لنا بالسلامه
هذا كله بالبدايه لكن ياسرع ما تختفي هالغربه
وراح تحسون انكم بين خواتكم واهلكم
لان هذا هو نفس شعور اكثر البنات هنا
وأنا كنت منهم في يوم من الايام
وراح تثبت لكم الايام كلامي
ووالله اننا نفرح لفرح الوحده منا
ونشاركها نجاحها في مواضيعها
ونستانس لوناستها ونحس كن النجاح لنا
نفقد أي اخت تغيب عن الواحه
علشان كذا نترك اكثر الاحيان خبر اننا راح نغيب
علشان ما نقلق على بعض لو تحت التوقيع
نواسي بعض اذا كنا محتاجين لهالشي
ونساعد بعض ونفزع لبعض
وما نتقاطع بالمواصل والوصل عن طريق الرسايل الخاصه
والذي نفسي بيده ان هالشي مهوب مجامله ولا لمصالحه خاصه
لا والله هذا من الصميم والمعزه والغلاء
والا الرزق على حي لا يموت
بعدين فيه طلب صغينون من خواتي القداماء
الجيل الجديد في حاجه للدفع الى الامام
يعني اذا كان موضوع من اخت جديده وفتحت الوحده منا على موضوعها
وش المانع من تشجيعها ودفعها للامام ؟
يعني مو الواحد يدور بس مواضيع الخوات المعروفات ويتجاهل الجديد
والله عن نفسي ارد لو كان الموضوع مكرر او مافيه هدف بس
اذا تكاتفنا راح يتحسن مستوانا ونعرف نقاط الضعف والقوه
وراح يسمع كركرتنا كل المنتديات اللي جنبنا
ويقولون يا منتدى عالم حواء قصروا اصواتكم ازعجتونا ههههههههههه
(قل موتوا بغيظكم ) لاننا من احسن وافضل لافضضضضضل
زبدة الموضوع
• كلنا بالواحه الكركريه لنا وظيفه وحده ومهمه مشتركه الاشراف وهي مهمه للجميع
يعني كل وحده تعتبر نفسها مشرفه تنبه في حالة الخطا وفيه عدة طرق
• المحافظه على مشاعر الغير وهذا هو المهم ويراعي الله في اللي يكتبه
وترى الرد يبين شخصية الانسان واخلاقه مهوب الواحده الله يعظم اجره تجدع الكلمه
ولا تبالي باللي راح يصير وتأثير الكلام اللي قالته
• نبذل ونتعب ونعطي لها الواحه لان العطاء للجميع وندور على المفيد
وان حصل وصار مكرر فياقلب لا تحزن غيرها بغيرها
واللي عنده اضافه على الموضوع يتفضل مشكور الموضوع للجميع
وسلامتكم
ودام الجميع لمن يحبهم وأنا أم دحومي منهم