ايام ماكنت عباره عن كشه وعصاقل

السلام عليكم ورحمه الله وبركاته

شلونكم ياحلوييييين عسى ماطولت عليكم بس ادري فقدتوني واشتقتولي (الثقه بالنفس ضروريه بهالمواقف)

بدون مقدمات وروحات وجيات بالحقيقه و الواقع والبحر فيه قواقع ..
كنتت اتذكر ايام مرت علي بحياتي << يعني اسلوب لما كانت ناقزه من الدريشه الي اهي اناااااا واعوذ بالله من كلمه انااااااا:biggrin:

كنت عباره عن كشه وعصاقل وكانت ناقزه من الدريشه تحتوي على لسان طويل وشطانه بحكم اني كنت دايما العب مع الصبيان

بس الحين صايره ذربه و مؤدبه وكلي ذوق :pinklove: << اقول خلصي بس

المـــــــــــــــــــــــهــــــــــــــــم

بينما << ترى تعبت على ماطلعت مني هالكلمه صفقولي عشان اتشجع>> كنت انا اتذكر مغامراتي وانا صغيره قلت اقولكم عن العابي لما كنت صغيره

طبعا كل بنت تكون العابه عباره عن باربي عروسه مطبخ مكياج ...الخ

بس انا كانت العابي عباره عن

1- صينيه معدن مدوره طبعا عارفينها وتكون كبيره
2-اخوي الكبير
3-اخوي الصغير

كلكم تتسائلون ليش الصينيه وليش اخوي :icon19:

ياطويلات العمر كنت اصعد آخر(الدرج - السلم - الدري ) <<عشان محد يقول مافهمت اسم الله علي نبيهه>>:10_8_11: الي بالبيت واقعد بالصينيه المدوره واخوي الصغير كان يدزني واتزحلق من اخر السلم لي اوله واخوي الكبير يصورني بكاميرات فيديو عشان نوثق اللحضات العبيطه :39:
وطبعا الله لا يوريكم الحوادث الي تصير بس دايما ناقزه تكون صامده ودايما اذا تعورت اقول هيهييهي مافينييييييييييي شييييييييييييي :p عشان مايطردوني من اللعبه

وكانت عواقب هذي اللعبه وخيمه
يعني دايما بعد مانلعب هاللعبه نسمع امي الله يحفظها تصرخ علينا وتقول جملتها المشهوره

(حسبي الله عليكم عيال ماتخلون احد يرتاح)

وكان ابوي دايما يلوح بالعقال اذا سببنا ازعاج سلطات البيت والجيران بس مايلوحلي فيه يلوح لأخواني:7_5_131:

وسبحان الله من نسمع صوت ابوي فجأه نصير شطار كل واحد بغرفته وحاط عينه بالكتب

ولما يدخل علي ابوي الغرفه بكل براءه اقوله

خير يبا شفيك :biggrin:

وابوي ترتسم على ويهه علامه استفهام :confused:

وهذي كانت لعبه من الألعاب المأساويه الي كنت العبها وان شاء الله للحديث بقيه بعد ما اشوف ردودكم

اشوفكم على خير

تحياتي