ايس كريم سهلللللل كتير ولزيز كمان

كيفكم يابنات جبتلكم اليوم طريقة عملت فيها الايس كريم :cook:سهلة كتير و طعمه يممممم احم احم طبعا انا اخترعتها
المكونات :
موز سبع او 8 حبات كبار ويفضل يكون مستوي طري
حليب مجفف 5 او 6 معالق كبيرة
جوز هند مبشور 3 او 4 معالق كبيرة حسب الرغبة ازا مابتحبو الجوز هند لا تضيفوه
فستق حلبي مبشور 4 معالق كبيرة

الطريقة :
اول شي بنقطع الموز و بنطحنه ممكن نستخدم كاسة زجاجية حتى يصير لزج ومايكون في قطع قاسية
ونضيف عليه الحليب متل ماهو ناشف بدون ما نضيفله ماء
ونضيف جوز الهند و الفستق الحلبي
و نحركه كلله مع بعضه حتى يتجانس الخليط و بعدها بنسكبه في علبة للتفريز و بندخله عالفريزر لمدة 7 او 8 ساعات تقريبا يعني انا بدخله الفريزر من الصبح والمسا بكون جاهز و يمممممممممممم صحتين ياريت اللي بتجربها تعطينا رايها