يمكن الأمر مختلف بالنسبة للمرأة العاملة يمكن لو كنت جالسة بالبيت ما آخذ راتب شهري لأنه مافي شيء واحد أشتريه كل شهر يمكن تطلع أشياء جديدة كل شهر أو أشهر ما أحب أشتري أشياء .....

نصيحتي لازم تعودي زوجك على أن تشتري أشياء وأشياء وأشياء وإلا ينسى أن للمرأة احتياجاتها ...

فعلا أنا أحيانا أشتري أشياء أريدها أو لا أريدها كي يعتاد الأمر ثم أحسست أنني على خطأ !! لأن الملابس تراكمت وأنا لم أجربها أصلا بالمحل ولا بالبيت ولا أدري ان كانت تناسبني أم لا !!!

فخير الأمور الوسط وكل وحدة على حسب نفسية زوجها ...

مشكورين اخواتي على التفاعل ..



في انتظار المزيد ..


اختكم / جنان الفردوس

لازم لازم يكون للمرأه مصروفها الخاص حتى لو كان قليل وحسب ميزانية الزوج لأني ممكن اشتري اشياء زوجي ما يقتنع فيها او ان طبعي ما احب اطلب من احد حتى في بداية زواجنا كنت احتاج فلوس للجامعه وما اتكلم ولا اقول له وكنت اظل طول اليوم وما معي ولا فلس حتى للأكل الى ان استغرب من اني ما طلبت منهه شي من اول ما تزوجنا وفتح جنطتي واكتشف ان ما معي ولا فلس طول هالمدة وقالي يالظالمة من وين تاكلين من وين تصرفين وليش ما تطلبين مني وحاول يغير هالطبع لكن مافي فايدة الى ان قام يعطيني مصروف ثابت طبعا حسب ميزانيته بدون ما يسبب له ارهاق واذا صارت لنا ازمة طبعا اقدرله هالشي واعطيه من مصروفي لكن اظن هذا من حق اي وحدة .... وبعدين والله صعبة كلما بغيت شي اقوله هات مالها داعي اذا كان عندي معاش ثابت صح والا لأ ....

بصراحه انا من رأيي انه لو كان الزوج هو اللي اقترح عليك هذي الفكره يكون شي رووووووووعه . لكن لو الزوجه هي اللي تقترحها احسها نوع من انواع الاجبار .
بالنسبه لي عمري ما طلبته طلب زي كذا لكن هو مايقصر كل شي اطلبه ينفذه له ويجيبه لي . الان اقترح علي ادخل جمعيه ويدفع لي كل شهر ميتين ولما تجي الجمعيه ما انسى اكافئه اول شي اشتريه هو هديه له . وصدقوني كل ماتخلص جمعيه يخليني ادخل بثانيه .

يعني الشغله لما تجي من الرجال والله لها طعم .
لكن انا اشوف ان الزوجه اللي زوجها مقصر عليها وما يخليها تشتري اي شي بالعكس احسه افضل حل لها .

الموضوع جدا رائع وسبق وان طرحته مع زوجي وتنقشنا فيه الا ان طال انقاش
وخرجنا منه ان في اي وقت اطلب حاجه ما يتردد في اعطاي ايهه وبدون راتب شهري او غيره:41: