انا غير....زوجيكل شهر يعطيني المصرو ف كله.......مو الراتب(المصروف للبيت والعيال)
واللي اقدر اوفره من المصروف يبقى لي:o
الشهر اللي امسك حالي فيه وماأشتري ثياب غاليه يبقى عندي الراتب راتبين
وشهر اللي ماأمسك يدي فيه ما يبقى ولا ريال:32:
المسأله بيدي........طبعا الطوارئ عليه وماأكثرها
بس تدرون كذا يخليك توفرين القرش........مثلا عندك مشروع ما بتطلبينه منه
فتقللين من المصروفات.....يبقى اخر الشهر مبلغ حلو
اهو يقول لي اللي يبقى لك.........بس الوحده منا ماتخلي لازم يصرف
كل احتيا جاتي الغاليه ما يقصرويقول اذا ما يكفي المصروف ازيده
بس انا اقدر الظروف واحاول انه يكفينا ويبقى .....
طولت عليكم قصة حياتي.....
تحياتي
:26: :26: :26:

أولا انا اعترض على كلمة راتب لأنها تحسسني اني موظفةعند زوجي
بالنسبة لي اول ايم زوادجي ماكنت اخذ من زوجي مبلغ ثابت يعني اذا احتجت شي اطلب منه لكن انا في الأخير اتنازل عن اشياء كثيرة وحتى الضرورية جدا لم اشوف زوجي في ضائقة مادية وهذا هو حالة من يوم زواجنا من اقساط السيرة للأيجار للديوووون الخ الخ .....وأنا بطبعي استحي اطلب شي وفي الأخير اتفقنا انه يكون لي مبلغ ثابت شهريا يزداد مع كل علاوةوبعد كذا ماأطلب من زوجي شي والحمد لله انا الآن اخذ 500 ريال اصرف 300 و200 داخله فيه جمعية واحس اني ارتحت كثييير وحتى زوجي ارتاااح:24: :arb: :24:

يوووووووووه انا رجلي يمشي لي راتب ورجله على رقبته ههههههههههه
امزح

بس هذا شي اتفقنا فيه من البدايه

وطبعا كل سنه يزيد هالراتب ههههههه
الناس تترقى وش حيثنا حنا بعد مانترقى بالفلوس ههههههه


صحيح ان رجلي عليه التزمات وديون وتقسيط بس ولو يمشي هالراتب غير انه يدفع فاتوره جوالي والانترنيت يعني ما يستقطع من هالراتب

رجلي حبيب وانا لاعبه عليه ههههههههه

امزح


بس داري انه مستفيد من هالراتب لاني صايره له كني حساب توفير يعني اذا جاء وسط الشهر وفلس درا ان عندي فلوس امشي حالنا الى اخر الشهر وبعدين يسلمني راتب ثاني

تدرون هو يفكر الحين انه يزيد راتبي ههههههههه
بس مو لله عشان امسكه له


:24: :24:

lموضوع رائع اهنئكم عليه
بالنسبه لى احب ان يكون لى راتب بحيث لا اصرف اكثر منه فى حاله الذهاب الى السوق كثير
وهذا الراتب ينفع فى وقت الازمات البسيطه
وست البيت غالبا لا يذهب راتبها الا فى امور البيت
تحياتى

السلام عليكم

مشكوره اختى على الموضوع الرائع

برأي ان هذا المفروض ان الزوج يخصص راتب لزوجته نسبه معينة بحث يعتبر حق لها ماتسمح بانه يتعدى عليه صحيح ان النفقه عليه في كل شيء ومنها جزء من ماله ،،، ومتى ماطلبت وفي اي وقت لابد يعطيها فهذا حقها ،
لكن تخصيص راتب ينظم امور الزوج والزوجه بحيث انها تحسب طلباتها وكيف تتصرف فيه ،،،،،، شيء رائع .

واذا كانت العلاقه حميمه مره فممكن يزيده او يزود عليه زياده طيبه في شهر او شهرين اذا كان فيه مصلحه لهم
- يعني تلطيف جو - :26:
*************
تذكرت بموضوعك هذا موضوع فعلا نغفل ،،، اذا كان هذا في حق الزوجه ،،،

طيب من للبنت المسكينه غير المتزوجه أو المطلقة،،
نعم هو المفترض يصرف عليها ابوها لكن ،،،، الا يمكن ان يكون الاخ ولو كان متزوج ان يخصص جزء ولو- بسيط - من راتبه لها ،،،، ماشعورها وهي ترى اخيها يهتم بها ويراعيها حتى في مصروفها ،، انها قمة التكافل الاجتماعي
ولكن اين هؤلاء الصنف :(

تحياتي وتقديري :27: