انا حفطر انشاء الله اليوم لحالي:44:
عملت رز بخاري
شوربة عدس
لبن رائب
عصير اناناس







الي عجبها فطوري تفضل تفطر معي :21:
نسيت اقلكم انه في تمر والحلى قطايف بالجبن:21:
اله يتقبل منا ومنكم:26:

هلااااااااdreaming

هي مهي لقيمات هي كرات الجبن مثل ذي

هي تشبه لها

لذيذة وسهلة

فطورنا

شوربه و فطاير و برياني ربيان و عصير قكر الدين

الحلا زلابيا من جارتي

أحلى رز كابلي لأختي dreaming

المقادير شوية كتيرة خاصة البهارات..لاتنفجعي بس صدقيني يطلعلك كابلي مو أي كلام..

أنا حأعطيكي الطريقة على طول..عشان أسويها بالنظر..

في قدر واسع حطي ملعقتين كبار سمن نباتي وخليه يحمى شوي..بعدين أضيفي بصل مقطع كبير أو شرايح على حسب ما تفضلي..مثلا بصلتين وسط..وخليهم الى أن يصفروا (النار صغيرة)

أضيفي 1 ملعقة طعام ثوم مطحون ناعم..ثم 1 ملعقة طعام مليانة قشر برتقال مقطع صغير

اذا الرز عندك زي حق السعودية يطول لين يستوي انقعيه فيه موية حارة..اذا لا ما يحتاج..الكمية دي تكفي تقريبا 5 كاسات رز صغيرة

تجيبي دجاجتين وتقطعيهم أرباع كل وحدة وافركيهم بالملح والدقيق وخليهم نص ساعة بعدين اشطفيهم كويس..واذا تحبي بصدور الدجاج عادي واذا باللحم أطعم وأطعم

نرجع للقدر دحين آخر شي حطيتيه قشر البرتقال..أضيفي كمشة يد وسط ورد مجفف (تلقيه في المحلات الهندية..الورد الجوري)..ثم واحد عرق خولنجان مبشور..6 كسر قرفة..9 حبات هيل..9 حبات قرنفل..1 ملعقة طعام كمون مطحون..1 ملعقة شاهي كراوية مطحونة..نص ملعقة شاهي ابزار اسمه بسباسه (لونه أحمر وناشف) تصدقي لقيته هنا في البقالات الهندية..حأصورلك هوا وأحطه

فلفل أسود..مكعب ماجي..ملعقة صغيرة مرة ملح صيني (اجينو موتو)..وملح أبيض عادي..

أرمي الدجاج وقلبي وشوفي الريحة اللي تفتح النفس...وخلي النار وسط وقلبي تقريبا 10 دقايق..بعدين جيبي 6 طماطم صغار مطحونين في المكينة وحطيهم فوق الدجاج و ملعقتين كبار معجون طماطم..وقلبي بعدين ملي القدر لين نصه موية مغلية..غطي القدر ولما يغلي خففي النار وخلي الدجاج يستوي..

دحين جيبي فنجان شاهي صغير (بيالة) وملي نصها موية حارة عادية والنص التاني ماء كادي وحطي عليه رشتين زعفران وخليهم على جنب..

لما تحسي الدجاج قرب يستوي..جيبي بطاطستين كبار وقطعيهم مكعبات وأرميهم في القدر..انتبهي لا تستوي البطاطس مرة عشان لا تنهرس بعدين..لما تكون باقيلها نص استواء ارمي الرز...وقبل لا ترمي الرز لا تنسي تنضفي المرقة بالملعقة من فصوص الهيل والقرنفل والقرفة..والموية لازم فوق الرز بسم واحد واذا قليلة اضيفي موية حارة..وخلاص وطي النار على أقل شي وخليه يستوي على مهله..

دحين لما الرز يتشر 3 أرباع مويته بالملعقة بشكل خفيف قلبي الأطراف وجيبي اللي تحت فوق وواسي السطح..يكون عندك رز أبيض بايت ولا سويلك كاسة ونص او 2من أول وخليها على جنب...حطي الرز الأبيض فوق قدر الرز وواسي السطح بالملعقة...دحين بالملعقة وزعي خليط الزعفران والكادي على طبقة الرز الأبيض..وخليه على أوطى نار ولما يبدا البخار يطلع من الرز الأبيض خلاص قفلي النار وغطي القدر ودخليه فرن درجة حرارته 100 لمدة ربع ساعة وطلعيه واقلبيه..الفرن يطعم الرز مرة

وبالعافية يارب

تسلمين بشاير علي الرز الكابلي

انشاالله انجربه
:26: :26: :26: