1 - اللبس: لبست عباءة طويلة ووضعت حجاب على رأسي

2-الوجه: حطيت بس كريم وماسكر
3-المشيه: مشيت بسرعه وما شفت إلا كنبة وحدة حتى أجلس عليها تعرفون ليه لأني كانت مجتمعة عنا أمة لإله ألا الله

4-راسي: مطأطة طول الوقت وما أحسن أرفعه

6- المدة: يمكن نصف ساعة أو أقل

الله يوفقك ويتمم عليك بخير ويرزق كل البنوتات بالرجل الصالح يارب

أختم المحبة لكم

أقولكم أنا شو سويت... بس لا تضحكون

أنا فيوم الملجة ماكنت متعدله ولا متكشخة ولا مسوية أي شيء
لإنها ما كانت حفلة، وكان العرس بعدها بأسبوعين

لكن ، والمفاجأة ..أن عقب الملجة فنفس اليوم ... يت أمي وقالتلي إن المعرس يبى يجوفني.. هو من أهلي لكن ما نتشاوف.

وأنا ما كنت متزهبة ، حتى لابسه كندوره (جلابيه) جديمة وشيلة سوداْ عادية ، ولا حاطة أي شي فويهي .
المهم أنا رفضت لإني أستحي بس مع أصرار أمي ، قالت إذا ما طلعتي أنا بدخله لين الصالة، لا تضحكون علي، قمت أنا وانخشيت في الحمام.... ما كنت أعرف ان أمي صدق بتييبه ، احسبها تخوفني بس، لكن وأنا في الحمام والباب مبطل أسمع حد يقول عند باب الصالة .. هوووووووووووووود هووووووود .. يالفشلة .. نزلت رأسي ولما رفعته شفت الحبيب واقف جدام باب الحمام... يالقفطة.

عقب طلعت بكرامتي من الحمام ومد أيده يبى يسلم ، جان تمط أمي أيدي وتحطها فأيده ، وقالي مبروك .. طبعاً أنا ما قلت شيء وتميت أطالع الأرض ، بعدين قام الريال احترم نفسه وطلع.

والحين مر على زواجنا سنة ونص ، وللحين يغايضني عسالفة الحمام.

السلام عليكم ..

تسلمين الغاليه عيناويه على هالموضوع :27:

انا عن نفسي كنت لابسة عباتي وشيلتي .. وكنت مطلعه شعري من جدام شوي مب وايد :21:

وما حطيت اي شي على ويهي .. " برايي هو ياي يشوف شكلي الطبيعي ما يشوف كشختي :11: "

وانا ما رضيت ادخل له :01: كنت مستحيه واايد لدرجة اني ما قدرت امشي ..يعني خليته هو الي يدخل :55:
ويوم دخل في البداية كنت شوي رافعه راسي لكن ما كنت اطالع صوبه يعني شوي على جنب واقفه .. ويوم قالي شحالج مت من المستحا خخخ .. نزلت راسي بالارض .. وهو يوم شافني جذا يحليله طلع خخخ :42:
وكان اخوي هو الي مدخلنه
وللاسف ما قدرت اشوفه وللحين ما شفته << مستحية البنت تطلب صورته خخ
:p
بس الحمدلله يوم انه الملجه قريبه خخخخ

اللبس :تنورة سوداء شبه ضيقة وبلوزة وحزام عريض علشان يبان الخصر.
الوجة: رسم خفيف للعيون تحت طلب الوالدة (يقال أني ما أبي بس طاعة لأمي)
المشية: صراحة كنت داخله بقلب أسد مع أخوي ومن شفته ألا وأخوي في راس المجلس وأنا توني في أوله .
الرأس: كنت حيل أحاول أرفعه ولكن كل ما شفته يناظرني غصب عني ينزل على الأرض.
الأبتسامة: حاولت أبتسم ومن شد المحاولة نزلت أدموعي وبغيت أبكي من الفشلة
المدة الي قعدة فيها : صراحة ما أدري كنت أعتقد أني قعدة فترة طويلة بس أخوي يوم طلعت قالي ما أدري هو شافك زين ولالأ ( ما أدري وش قصده؟؟ -وحدة قليلة فهم-)
صراحة أنا شفته قبل ما أدخل عليه من دريشة المجلس بس زيادة الخير خيرين ودمتم أتمنى لكم التوفيق

أنا بعد رايي من راي اختي انا الحساس

كيف تدخلون على ريال غريب بتنورة قصيرة ولا ببلوزة مخصرة وكم قصير ولا ميك اب ولا روج والشعر ظاهر ؟؟!!!



بصراحة انصدمت:(
أنا اللي أعرفه انه ما يجوز
ولا شو رايكم !!!!!!!!؟؟؟؟؟؟؟؟؟


ما عندي أي شي أقوله
لأني بعدني ما انخطبت