ايش محاسن الزواج من مطلق ؟؟؟

تستخير
والله يكتب لها الخير وما فيه..

بس يالغاليه..هي لو كبيره شوي بالسن او وصل عمرها 29 سنه او حولها,,ممكن..
بس لو توها..يعني في بداية عمرها او في ال25..وش حادها..يعني الخير واجد والرب كريم..ان شاء الله يجيها الي افضل من مطلق..

وماقلتي ..هل مثلا فيه صفات نادره جدا تميزه عن غيره من ناحية تقى وصلاح وغيره..

والله يكتب لها الخير وما فيه..

والله يعتمد على سبب الطلاق هل العيب فيه والا في المدام

وماشاء الله المدام ناطله ولدها على ابوه مافيها امومه ؟؟؟

والا من القهر اللي شافته منه ومن امه استغفر الله

لازم تبحث في الموضوع زييييييين وتتأكد من كذا جهه ترى هذا مستقبل وعشره

وش تبي بمطلق وعنده ولد وعند امه بعد وهي توها آنسه مسكينه والله

احتمال ماتلاقي المتعه اللي هي حاطتها في بالها خليها تستخير بس احس لو ماتوافق احسن اذا كانت

صغيره والعمر قدامها اما اذا كانت كبيره لا والله تتوكل وتآخذه والله يكتب لها اللي فيه الخير.

كلام سليم هو على حسب عمرها وهي اللي تقدر تقرر

وبعدين معه ولد يعني علاقته مع زوجته الأولى تبي تستمر بوجود الولد..

خليها تستخير

حبيباتي ولده عايش مع طليقته ... و صديقتي عمرها 24 وتقريبا 7 شهور ... الان هي تستخير ... بس تقول لي ودي اوافق ... تحس انو المطلق "راح يكون شفقان " و عنده رغبه قويه بانجاح علاقته الزوجيه الجديده ...

شوفي انا راح أجاوب على السؤال اللي في العنوان "ايش محاسن الزواج من مطلق" ... بجاوب بصفه عامه
بغض النظر عن صديقتك وظروفها وظروف الرجل وأطباعه

- المطلق يكون متأني أكثر في قراراته سواء عند اختيار شريكته الجديده او حتى قراراته بعد الزواج

- المطلق انسان مجرب وعارف ان الحياه الزوجيه تتطلب الاحساس بالمسئوليه وفيها الكثير من الخلافات،، لذا ما راح تشوفين المطلق يهرب من البيت عند أول مشكله أو خلاف،، لأنه مجرب وعارف ان هذا الشي طبيعي

- المطلق اللي عنده أولاد ما راح يهرب من البيت أو المسئوليه بمجرد ما يشوف زوجته والده وطالعه من الولاده فيها اكتئاب وسمينه وبقع في جسمها ... ومو مهتمه فيه وكل اهتمامها منصب على الطفل،، لأنه مر في هاذي المرحله من قبل ويعرف ان كل الحريم قد يمرون في هاذي المرحله بعد الولاده

- المطلق جرب تحمل المسئوليه الماديه وعارف يوزن أموره

- المطلق يكون حذر وصبور وأكثر اصرارا ان ما تتكرر مسألة الطلاق معاه

- اذا الزوجه الجديده تعرف عيوب مطلقة زوجها ،، تقدر تعوضه بأن تعطيه ما كان محروم منه
مثلا اذا عرفت ان سبب طلاقه هو ان زوجته السابقه كانت نكديه، تقدر هي تقوٌي موقفها معاه بان تكون دائما بشوشه ومرحه ....

يعني من السهل معرفة ما يحب وما يكره لأنه راح يكون واضح من البدايه معاها ويحط لها النقط على الحروف بدون ما تضطر انها تعيش معاه كذا سنه عشان تكتشف مزاجه وأطباعه

- المطلق قد يكون انسان يقدر الحياه الزوجيه بعد ما جربها وانحرم منها لفتره من الوقت، لذا فهو لن يفرط فيها بسهوله

- المطلق انسان يبحث عن الاستقرار، لأنه فشل في زواجه الأول ومازال راغب وعنده استعداد في تجربه ثانيه


طبعا كلامي السابق ليس تشجيع على الزواج من مطلق!!!

والنقاط اللي ذكرتها لا تعني بالضروره ان كل انسان مطلق راح ينطبق عليه هالكلام !!

لكني حاولت فقط اني أدٌون بعض المحاسن أو المزايا اللي قد تطلع بها الوحده لو الله كتب لها الزواج من مطلق

وعلى فكره أنا مو متزوجه