نور القرآن :

!!!!!!!!!!!!! يعني أحين لو جا الوحدة واحد مطلق ترفضه لأنه مطلق؟؟؟!!!!!!!! اللي تقول خليه وبيجيها مو متزوج أبد؟؟؟ وش ضمنها إن بيجيها؟ تتحمل ذنب هالمسكينه؟؟ واللي تقول بعدها صغيره تنطر؟؟ إذا نطرت تضمنين إنها تتزوج قريب؟؟ مو يمكن تبقى سنين وفي الأخير ما يجيها غير متزوجين؟؟ وبعدين بيقولون لها الناس حرام تهدمين بيوت؟؟!! وتبقى تعاني والكل لاهي بحياته؟!!! إختي الكريمه .. اسألوا عنه سؤال رجال.. وإذا فيه امكانيه تسأل وحده منكن وحده من الحريم محايده عن قصة طلاقه يكون أفضل الطلاق أحياناً يكون ضروره .. وأحياناً يكون حصل في وقت الزوجين أو أحد الطرفين غير ناضجين.. او ما تفاهموا أو ارتاحوا مع بعض .. قال الرسول صلى الله عليه وسلم: ( الأرواح جنود مجندة ، فما تعارف منها ائتلف وما تناكر اختلف) أو لأسباب ثانيه ولكن الأكيد إنه مقدر ومكتوب إذا المتقدم يصلي وعلى دين وخلق فشو المانع؟؟؟ أهم شيئ تتأكدون من دينه وأخلاقه وحسن معاملته.. كونه مطلق ما يعيبه ولكن يعني إنكم تتحرون عنه أكثر عشان تتطمنون.. وإذا كان سوي الشخصيه يخاف الله أكيد المرأه الذكية تقدر تكسبه وتكمل حياتها معاه وأهم شيئ إنها تستخير الله وتلجأ له.. لأنه وحده سبحانه وتعالى المطلع على الغيب وهو سبحانه وتعالى قادر يعطيها اللي يصلح لها.. احنا ما نعرف وين الخير لها لكن ربنا يعرف.. نقول لها لا توافق وإذا ما جاها أحد بعدين أو جاها متزوجين محد منا بيسأل عنها وبيحس فيها؟؟!!!! خليها تتوكل على الله تستخير وتلجأ له بالدعاء وطلب الرشد .. "ربنا آتنا من لدنك رحمة وهيئ لنا من أمرنا رشدا" اللي أقوله سألوا عن الرجال عدل وخلها تستخير الله وتدعيه يرزقها الخير بقلب حاضر واللي فيه الخير الله بيقدمه لأنه وحده سبحانه وتعالى المطلع على الغيب العالم بخفايا الأمور والنفوس الله يوفقكم

!!!!!!!!!!!!! يعني أحين لو جا الوحدة واحد مطلق ترفضه لأنه مطلق؟؟؟!!!!!!!! اللي تقول خليه...

zOOna :

شوفي انا راح أجاوب على السؤال اللي في العنوان "ايش محاسن الزواج من مطلق" ... بجاوب بصفه عامه بغض النظر عن صديقتك وظروفها وظروف الرجل وأطباعه - المطلق يكون متأني أكثر في قراراته سواء عند اختيار شريكته الجديده او حتى قراراته بعد الزواج - المطلق انسان مجرب وعارف ان الحياه الزوجيه تتطلب الاحساس بالمسئوليه وفيها الكثير من الخلافات،، لذا ما راح تشوفين المطلق يهرب من البيت عند أول مشكله أو خلاف،، لأنه مجرب وعارف ان هذا الشي طبيعي - المطلق اللي عنده أولاد ما راح يهرب من البيت أو المسئوليه بمجرد ما يشوف زوجته والده وطالعه من الولاده فيها اكتئاب وسمينه وبقع في جسمها ... ومو مهتمه فيه وكل اهتمامها منصب على الطفل،، لأنه مر في هاذي المرحله من قبل ويعرف ان كل الحريم قد يمرون في هاذي المرحله بعد الولاده - المطلق جرب تحمل المسئوليه الماديه وعارف يوزن أموره - المطلق يكون حذر وصبور وأكثر اصرارا ان ما تتكرر مسألة الطلاق معاه - اذا الزوجه الجديده تعرف عيوب مطلقة زوجها ،، تقدر تعوضه بأن تعطيه ما كان محروم منه مثلا اذا عرفت ان سبب طلاقه هو ان زوجته السابقه كانت نكديه، تقدر هي تقوٌي موقفها معاه بان تكون دائما بشوشه ومرحه .... يعني من السهل معرفة ما يحب وما يكره لأنه راح يكون واضح من البدايه معاها ويحط لها النقط على الحروف بدون ما تضطر انها تعيش معاه كذا سنه عشان تكتشف مزاجه وأطباعه - المطلق قد يكون انسان يقدر الحياه الزوجيه بعد ما جربها وانحرم منها لفتره من الوقت، لذا فهو لن يفرط فيها بسهوله - المطلق انسان يبحث عن الاستقرار، لأنه فشل في زواجه الأول ومازال راغب وعنده استعداد في تجربه ثانيه طبعا كلامي السابق ليس تشجيع على الزواج من مطلق!!! والنقاط اللي ذكرتها لا تعني بالضروره ان كل انسان مطلق راح ينطبق عليه هالكلام !! لكني حاولت فقط اني أدٌون بعض المحاسن أو المزايا اللي قد تطلع بها الوحده لو الله كتب لها الزواج من مطلق وعلى فكره أنا مو متزوجه

شوفي انا راح أجاوب على السؤال اللي في العنوان "ايش محاسن الزواج من مطلق" ... بجاوب بصفه...