صباح الخير ومساء الخير
كل عام وانتم بخير
يوم العيد هو يوم يجمع بين الفرح والحزن، فهو فرح بإتمام هذا الشهر المبارك، وحزن على فقد هذه الليالي الطيبة التي نحييها لله راكعين ساجدينً مستغفرين تائبين لله سبحانه وتعالى.<<<المقدمه ملطوشه"يارب اغفرلي على مانسخت ولصقت"
يوم العيد هو العيد<<< احلفي
وليلة العيد هي ليلة العيد!!!!!!
ليلة العيــــــــــــد
في هذه الليله يطلع سليمان العيدي في التلفزيون ويقراء بيان من مجلس القضاء الاعلى<<اضنه كذا
ويعلن خبر العيد.......
عاد لا أعلنو الخبر اختب انواع الخبه*واراكض يمين ويسار اجهز للعيد حتى اخواني يركضون معي وهم مايدرون وش السالفه!!!!!
وكل الناس يطلعون من بيوتهم ليلة العيد!!!مدري وش يدورون<<< وش عليك منهم!!
وكل مكان زحمه!!وكل شي يخلص حتى اللبن يخلص من البقالات<<هذي من عندي
والجوالات تتدهر مهوب مكالمات لان الشبكه بتصير مشغوله ليلة العيد ندهر رسايل ولاندري هي توصل ولا لاء مع هالشبكه!!
و طبعا ليلة العيد نروح لجدتي الله يخليها لنا واللي ينامون ببيتهم ليلة العيد ترى ماتعيدو<<وش عليك منهم
يوم العــــــــــــيد
والله ياهو صجه يوم العيد خاصه قبل صلاة العيد!!
بس كلن يضف بزرانه ويروحون يصلون العيد وانا اروح لفراشي واناااااااااااااام لين تقول الوساده قومي يسد النوم ابو من خلاني وساده عندك......
وانزل العصر مروقه واي احد يمرقدامي اسلم عليه واعايده حتى لو تمر الوحد ثلاث مرات كل مره اسلم عليها واعايدها<<< تسمع بالمعايده
وبيت جدتي يوم العيد يصير اختلاط!!!
رجال داخله وطالعه تسلم على جدتي ....طيب فيه انسان معكم يتغطى<<< مشكلة اللي ماعندها بنات خالات
واذا تكلفو قالو" ياولد" ودرعمو طيب عد لين ثلاث بعدين ادخل <<< طيب ليش معصبه
بعد المغرب من يوم العيد
هالحزه ما ادخل البيت اقعد بالحوش مع المبزره
واتخلى عن جزمتي"وانتو بكرامه"وتتحول الى مسطره اسطر بها المبزره!!!
علشان مايطرطعون.....واساومهم بعد على طراطيعهم ...اللي يعطيني من اللي معه اعطيه ثوم<< وش عليك منهم
عاد ترى مهب علشانهم ...علشان اخوي الصغير اخاف يجيه صاروخ طاير او فراشه او مدري وشو....
ياحبي بس للي اخترع الثوم ودي احب راسه
الزبده من هالهذره اللي مالها سنع
كل عام وانتم بخير وصحه وسلامه
وعيدكم مبارك
عاد شوفو جبت لكم حلاو العيد
بس لاتاكلونه ناضروه شوي وابجي ارفعه عن البزارين
:
:
:
معاني الكلمات:
اختب:يعني تسوين الشي وانتي متحمسه ومستعجله تشبه ادهر تقريبا!!
:
:
*منذ أن يعلن للناس العيد ينشغل الناس انشغالاً عجيباً، فيغفلون عن إحياء، لست أقول إحياء ليلة العيد؛ وإنما عن صلاة الوتر في ليلة العيد، كم من الناس تسأله: صليت الوتر هذه الليلة؟ قال والله ليلة عيد فانشغلنا في نقل الفطرة وانشغلنا في أمور دنيوية فنسينا.
*لا يكون عهدنا بقراءة القرآن هي في رمضان فقط، بل كل العبادات التي تربيت عليها في رمضان استمر عليها
*صلاة العيد .. وهي فرض كفاية وهي ركعتان يكبر في الأولى سبع تكبيرات وفي الثانية خمس تكبيرات ويسن خروج النساء إليها وتكون الخطبة بعد الصلاة .
فإن انقضى رمضان فبين أيديكم مواسم تتكرر فالصلوات الخمس من أجل الأعمال
ولئن انتهى صيام رمضان فهناك صيام النوافل كالست من شوال
ولئن انتهى قيام رمضان فقيام الليل مشروع في كل ليلة
ولئن انتهت صدقة أو زكاة الفطر فهناك أبواب للصدقة والتطوع كثيرة
<<تناظر للحلاو ماتقدر حرااام عليكِ ياكافي احنا صيام شهيتينا فيها هع هع
انا اتفق معك في إن هذرتك مالها سنع إتفاقاً تاما<<إحلفي
بس هذرتك عسسسسسسسسسسسسسل وتجنننننن ^^
وياليت تكثرين من هذراتك اللي مالها سنع ^^
وبالنسبه للكلام اللي في نهاية الموضوع فعلا صدقتي وجزاكِ الله الفردوس الأعلى..
لكِ مني أرق تحيه ...