انت يا اختي مثلي اول ما حبيت ادخل بنتي الاولى على المدرسة احترت لدرجة دخولي النت وسويت بحث عن افضل المدارس مثل ما تعرفين الاولى وهي اول تجربة في كل شيء والدراسة بالذات تبين الافضل المهم اثناء البحث بالنت اخذت بصراحة بكثير من اراء الاخوات لدراجة التاثر بكلامهم والاقتناع بس بصراحة ضعت وضيعت بنتي وهجولتها معاي كثير كانوا رافضين التعليم الاجنبي ومتخوفين منه وخفت انا بدروي ورفضت بشدة رغم اصرار ابوها على المدارس الاجنبية ومحاولة اقناعي بس انا كنت مصرة خوفاً من ضياع الهوية الاسلامية والعربية من الغرب وحملات التنصير...وعلى اساسه دخلتها يا عزيزتي روضة حكومية رغم حماسي وقناعتي انها الافضل لها لقيت انه اسوى شيء سويته هو اني دخلتها حكومي لان ما همهم كان الا الجمعات وخلوا الي ينحرق ينحرق المهم بسطتهم.... بجد وقت اللعب المدرسات على جنب والطلاب لحالهم في فلك ولا تجي المدرسة الصبح مكشرة وجهها على الصبح وقرفانة مافيها حتى تبتسم وكل شيء تسويه بعصبية بعيني شفتهم قلت معليش توهم اول السنة ومو متعودين لقيت انها هاذي عادتهم لدرجة ان وحدة من الطالبات دخلت الله يعزكم دورة المياه تبكي وتستفرغ لوحدها بنت عمرها 4 سنين لوحدها تستفرغ وقفت معاها الين خلصت وتعجبت من فعلتهم وفي يوم جات بنتي تشتكي من مدرستها هاوشتها بالفصل لمن رحت وسالت قالت ابد والله ما هاوشتها بس بنتك بغت تكسر ظهر الولد دفته ودق بظهره حافة الطاولة قلتلها ليش وينك انت وايش السبب قالت اخذ منها العجين الي بيدها قلت هذا خطاك الي ما انتبهت بنتي صغيرة ولا تضرب احد بدون سبب وللاسف عالجت الخطاء بخطا اكبر.. تخيلوا صرخت عليها لدرجة خلعنتها وبطلت تروح المدرسة هذا سبب......والسبب الثاني انه كان من شروطهم انك توفرين لها ملابس احتياط تنحط بالفصل للطوارئ وانا وفرت حتى بكل الشعر وفي يوم استلم زوجي البنت وقت الصرفة وسروالها بايدها حاطينه بكيس ولا لبسوها غيره ومريولها عبارة عن تنورة قصيرة ما يحتاج اكمل انت تخيلوا الصورة بنت بتنورة قصيرة من غير داخلي زوجي جن جنونة وبطل يوديها مرة ثانية وكل هذا كان في الترم الاول بس ما كملت الترم الثاني قلت خلني اسجلها على السنة الجديدة خاصة بفلوس احسن ويا حبذا تكون تحفيظ وفعلاً دخلتها مدرسة تحفيظ قران وكنت متفائلة ومن اول مرة نسي الباص بنتي بالمدرسة وتاخرت على البيت ومن اول دقيقة تاخير دقيت على المدرسة استفسر سبب التاخير قالوا بنتك طلعت الباص وعدت ساعة وانا مثل المجنونة وابوها في شوارع جدة يدور على الباص وانا اكلمهم تكفون كلموا السواق وهم الحين نكلمة وتطنيش منهم وانا الي احترقت ووقت ماصار ت الساعة 3 جن زوجي عند باب المدرسة وجلس يهاوش وقتها قاموا يدورون ولقوها جالسة بالساحة حاطينها مع الطلاب الي رايحين بالسيارات الخاصة قلنا معليش اول مرة ... قالو رحلة ونبي فلوس ارسلت الفلوس ثاني يوم من وصول الخطاب وبالصدفة كانت مدرستهم غايبة وحلت وحده مكانها ويوم الرحلة الا وهم داقين وين الفلوس قلت رسلتها قالوا الحين تجيبيها ولا بنتك مو طالعة الرحلة قلت رسلت الفلوس في اليوم كذا وكانت مدرستها غايبة شوفوا من الي كانت مكانها تصدقوا حاسوا لين عرفوا منهي اخذ الموضوع منهم 3 ايام الين عرفوها وقالوا نسيت تسلم الفلوس بصراحة انا شكيت فيها قلنا مو مشكلة تصير حتى جاء اليوم الي دخلت فيه بنتي عليه مرشوشة بالماي والله ماتصدقون لو اقولكم ان الجزمة والشراب ينعصرون لو عصرتيهم بايدك جات كلها ماي من راسها للساساها ماي ليش يابنتي قالت الدادة كذا غسلتلي طبعاً صفقها الهوى واسبوع بنتي ما سكتها سخونه واروح للمدرسة و ادور على المديرة الي ما كحلتها عيني ما يطلعولي الا المشرفات ويوم عييت ولا ابي الا المديرة قالو باجتماع جات الوكيلة وعطيتها الي بقلبي وقلت بسحب بنتي قالت بس مافي ترجيع فلوس لاني دافعة حق سنة وبنتي مالها الا ترم قلت يجي منكم اكثر حتى الاغراض الي طلبوها وقت ما سجلنا عندهم الاغراض الي راح تستخدمها في الرسم والعجين والعاب ادراكية واشياء بالهبل انا ماقصرت بدل الواحد جبت 10 ويالله اشيل الكيس والله العظيم شالوه اثنين وامنتهم انه لبنتي وبس قالوا امانه والزايد اخر السنة تاخذيه قلنا زين وجيت اخذها مالقيت منها ولا شيء قلت الوان واغراض فهمنا انتهت رغم انه مستحيل وين الالعاب كلها خشب من التعليم المبكر قالوا ها اكيد لخبطنا قلت اسمها على كل لعبة مطبوع ولا عرفوا يردون وخرجتها بعد ترم واحد حتى حفظ مو حافظة شيء وقتها قلت مالي الاجنبية بصراحة سجلتها بمدرسة الكورال العالمية بجدة وكانت هي الاختيار الموفق للحين ناس مرتبة وتعرف تتعامل مع الطفل والاهم المشكلة تنحل وانت واقفة والحمدلله للحين ما صارت .......مدرسة بنتي امريكية لكن لقيت انها افضل من العربية والسعودية ادري كلامي ما راح يعجب بس السؤال افضل في ايش افضل من ناحية التعامل مع الاطفال يا خواتي صار على زوجي في يوم وهو رايح معها المدرسة حادث بسيط وليش انه قريب من المدرسة ومفجوع ما ردها على البيت وداها على المدرسة وقتها بنتي عيت تدخل وجلست تبكي وهي مخلوعة ومرعوبة سمعت مدرستها بالسالفة اخذت نفسها وراحت بنفسها وجلست على ركبها واخذت تتحايل عليها وتهدي فيها وحضنتها ووعدتها انها ماتتركها ووفت بوعدها جلست ماسكة بايد بنتي لنهاية الدوام هي مو مسلمة لكنها تعاملت بانسانية مع طفلة بنتي بالمدارس الي قبل تشيلها الدادة وهي ترفس وتطلعها للمدرسة ويالله تجلسها وتسيبها ترفس مكانها وسالفة التنصير للاسف الي قالتها الظاهر ما عندها خلفية بها المدارس ياخوات نادر تواجد الغرب في المدارس الاجنبية الاحتكار في التعليم الاجنبي هو للعرب المسلمين يعني امريكان في بعض المدارس وما يدرسون الا روضة بس لتاسيس الغة والباقي عرب في عرب و مسلمين من الهند وباكستان واقسام البنين منفصل عن الاناث للاسف السعوديات فقدوا حماسهم وصارت المسألة مادية بحتة وفي المدارس الخاصة يكون الطمع والجشع واضحين ليش ان استغلال الطالب السعودي هي من اول الاهتمات ابتداء من المقاصف الي برى بنص عندهم بريالين وسالفة القران بمدارسنا الحكومية كم حصة بياخذون بالاسبوع حصة وحدة والاجنبية نفس الشيء والعربي كل يوم بياخذونه يعني لا تنخدعون باي كلام تنصير وضياع هوية عربية كله كلام في كلام بالعربي اشاعات اقلها عندهم تحسين انك تتعاملين مع ناس يعرفون يتعاملون وفاهمين في نفس الوقت يا اخوات كل شيء مرتب من بداية السنة يعطونك ورقة بالخطة كاملة الامتحانات الشهرية متى حتكون مجلس الامهات حيكون في اليوم هذا .......... الخ صدق ترتيب ونظام مع زرع المباديء الاسلامية في النفوس وتقويتها وهذا عن تجربة مو عن سمع والحين ولله الحمد دخلت بنتي الثانية من بدري هي الاولى محط تجارب دوختها في دوامة المدارس الحكومية والخاصة وبسبب ثقتي الزايدة بالمنتديات والنت بصفة عامة ضيعت على بنتي سنة بس *****الله تعوضها والعمر قدامها............. اتمنى ما اكون طولت بس حبيت احكيلكم تجربتي العنيفة الي واجهتها بالبداية وسدت نفسي الين سجلتها بالعالمية تغير الحال مع العلم لاني صاحبة مدرسة ولا قريبة صاحبة المدرسة انا زي زيكم على باب الله يعني ما باطلق دعاية والله على ما اقول شهيد
اذا الام تعمل ترفق تعرف من العمل مع الخطاب الموجه لوزارة التعليم لطلب الموافقة والصيغة تاخذينها من الرئاسة قسم التعليم الاجنبي والخاص ويتجدد كل سنة لازم واذا عندك ابرة فيتامين واو ممكن تتحصلين على تصريح مفتوح صالح طول فترة الدراسة من غير ما يتجدد وكلامي اكييييييييييييييييد اختي قدمت بهذا الشكل لازم تكوني موظفة حتى تحصلي على الموافقة وترفقي عريف مع الخطاب امر ضروري *****الله اكون فدتكم
الصفحة الأخيرة
اولاد صحباتي ماشاء الله معتمدين على انفسهم و ماشاء الله بلبل انجليزي
انا ابني راح ادخل له باذن الله
بس أنا بمكه و ما ادري اذا في يلي تعرف ياريت تدلني