اي بنت اتقول انا مااجازف واخلي اي شي بشعري .. معاها حق ، ادخلو ، راح تستفيدون

السلام عليكم

بقولكم عن صديقتي الي شعرها كثيف جدا وطويل
جدا .. كيرلي .. وعادي ملمسه
هي تتمنى شعرها يكون حرير .. قلت لها استخدمي مزيج الاوفوكادو
او زيت زيتون مخصص للشعر او بلسم

اتفاجئت من ردها قالت مستحيييييييييل
مستحيل احط شي بشعري مااجازف ...
انا حدي زيت خروع
بعد الي صار في شعرك تبيني اجرب زيك لا والله ..

هي تمون هههه لكن حتى لو ماتمون كلامها حقيقي

ياجماعه انا ذكرت موضوعين عن الخلطه الي حطيتها بشعري
المكونه من اصناف طبيعية علشان ماالجأ للكيراتين والبتكس
وغيرها من العلاجات الكيميائية

وهذي المستجدات
والله العظيم شعري ريحته عفن ... وصلعت في مقدمة الرأس
ومهما غسلته ريحته لاتطاق ترجع بعد خمس دقايق
شعري تنتف ... بكيت بكيت بكيت على شعري من كل قلبي
احذرو الزبده والبيض وماسك الخيار الطبيعي

هم الي دمرو شعري دمار وهذا الي اعاني منه الحين


سألت واحده ثانيه عن شعرها لكن كان شعر صحي كثيف
وكويل وناعم حريررررر .. مثل الشعر الي احلم فيه
اقسم بالله يابنات

نفس الشي قالت لي انتي كيف تجازفين وتخلين خرابيط بشعرك
انا من صغري امي معودتني يوميا اكل سلطه عند الغدا فيها
سبانخ وجرجير ونعناع وخيار وخس وكل شي

لدرجة اني ماستغني عنها ابد ..

واكل بروتين .. يوميا واشرب مويه

واغسل شعري مره في الاسبوع بشامبو عادي
وبعض الايام اذا مضطره بشامبو جونسون للاطفال

واستخدم نقاط من البلسم .. بلسم بانتين او اي بلسم مغذي لشعري
واحني شعري مرتين بالشهر كل اسبوعين مره

ومع الحنا عشان ماتنشف شعري احط زيت باراشوت او الخروع ودابر املا
بس مااكثر


وامشطه كل يوم وادلك فروة راسي زي المساج ...

اتقول في حياتي ماجربت اي خلطه ...

اتقول اذا اكل الخيار شعري يصير مفعم بالنعومه والحيويه
قالت لي تعبت على شعري والعنايه به بس الكل يسألني عنه

وانا يابنات جاني حماس ومر علي اسبوع اجرب حسيت بالفرق

انا مااكل خضره ابد ولا بروتين جسمي مفتقر لفيتامينات
والبروتين وغيرها .. مع انها متوفره على طول بس ماارغب لها
ولا اشرب مويه واغسل شعري يوميا واصبغه كثييير واحط فيه سيروم
واجي احط في هالخلطات .... وماشيه غلط وكل يوم استشوار
فاانا خلاص راح اتعب عليه لاني اتأكدت من مجربه
بالرغم من معرفتي لهذا الشي والعناية مهمه
بس شفت شعر احلامي .. لا اله الا الله عليهااا
هي من شافت شعري قالت واضح انك لاعبه لعب في شعرك
شعري كله اقل من قذلتها اتخيلو ..