لا اله الا الله

الاناناس والتمر

السلام عليكم ورحمه الله وبركاته

الصراحه موضوع حلو وجا في وقته

تناقشت مع دكتورتي بخصوص هالموضوع وقالت لي الاتي

هذا كلام الدكتوره

١- الابتعاد عن فيتامين A لانه يسبب مشاكل بعظام الجنين يعني تاكدي من فيتاميناتك الي تاخذينها تكون حقت امومه بس وتاكدي انه مافيها نسبه عاليه من هالفيتامين ، اهم شي انك ما تاخذين نسبه عاليه اذا شي بسيط مره عادي

2- الاقلال من الاسماك الكبيره لان لحمها يحتوي على الزئبق مثل التونه اذا بتاكلين تونه اقصى حد علبه وحده بالاسبوع وكمان سمك السيف
والابتعاد تماما عن اسماك القرش >> ادري حنا ما ناكلها بس للي ياكلونها

3-اهم شي ما تتعبين نفسك اذا حسيتي بطنك شد وبمغص ريحي جسمك

4-الابتعاد عن الحليب والاجبان الغير مبستره والاجبان الطريه الي بالكيلو زي البري ، والبلوتشيز ، والمايونيز المنزلي >>اي شي يدخل فيه بيض ني وصنع محلي

اذا من شركه ومغلف ومبستر عادي

5- الابتعاد عن الحيوانات مثل القطط وخصوصا وصاختها لان البكتيريا تكون ببولها وانتم بكرامه ، ايضا نفس البكتيريا ممكن توجد بالخضره ولفاكهه لذا لازم تغسلينهم زين

6-الابتعاد عن الادويه الا الادويه المسموح بها مع الحمل

7- الاقلال من الشاي والقهوه ومسموح اذا اشتهيتي كوب واحد باليوم

8- الابتعاد عن المشروبات الغازيه

9 - االابتعاد عن اللحم والبيض النيء لازم يكون مطبوخ جيدا
10- ترك التدخين والكحول


وهذا الكلام لقيته بمجله امريكيه مختصه بالحمل وكانوا يتكلمون عن التوحد وانه بعض المواد الكيميائيه ممكن يكون لها دخل فيه خصوصا الي تحتوي على ماده BPA و PBDE
ولاحظوا الباحثين بمدينه جنوب كاليفورنيا ان الي ساكنات جنب الطريق السريع بمسافه اقل من 1000 قدم نسبه التوحد في اطفالهم كبيره


وهذي نصايحهم:

1- الاقلال من استخدام البلاستيك والمحروقات ، مثل الشموع ، بخاخات البيت حق الجو ، اي شي يحطون فيه عبير او ريحه لان يحطون ماده معينه نسيت اسمها مضره

2- الابتعاد عن المبيدات الحشريه

3- اذا جيتي تحاسبين لا تمسكين الفاتوره وهي توها مطبوعه ، حطيها بالكيس علي طول ، اذا نشفت عادي مافيه مشكله لان فيها ماده BPA

5- اكل الخضره والفواكهه العضويه لان الخضره والفواكهه العاديه تكون معرضه لنسبه كبيره من المبيدات الحشريه وخصوصا بعض انواع الفاكهه تمتص المبيد حتى لو غسلتيها ما راح تستفيدين مثل الفراوله وبعض الفواكهه لا عادي
ولاخذ معلومات اكثر للي تعرف انجليزي تزلي دليل المشتريات SHOPPER'S GUIDE TO PESTIICIDES من موقع FOODNEWS.ORG


6- الاقلال او الابتعاد عن الاكل المحروق او المفحم او المدخن



<< اذا تذكرت معلومات ثانيه جيت



ايه والدكتوره نصحت بالحركه والمشي من اول شهر لكن اذا حسيتي بتعب او مغص اقعدي واذا مرتاحه امشي




،

كريمات التقشير تراها مضره لأنها يكون فيها نسبه من الكورتيزون
المكروييف أبعدي عنه لأنه يشوه الأجنه أنا سمعت كذا وما أدري عن صحة المعلومه

رفع
ودي اسأل عن سكر توربيكانا مضر ولا قبل الحمل واثناء الحمل ..؟؟