بأفصل مطبخي من ايكيا قررت وأخاف اندم

سلام عليكم جميعا
الموضوع ومافيه انا شرينا بيت ملك ولله الحمد
الاسبوع اللي فات رحت بنامكو طبعا في الرياض عشان افصل مطبخ
العامل مصري يمدح الصاج البحريني قلت له طيب في يماني في محل ثاني يمدح الصاج الالماني
قام المصري يضحك قال اصلا السوق كله ياصاج بحريني وهو المرتبه الاولى او صاج وطني اقل جوده اما صاج الماني مافي شي بهالاسم ولون يجيبون من المانيا صاج
عجبني كلامه يمدح شغلهم ووووواتفقنا الاسبوع هذا يجي ياخذ مقاسات المهم رحنا بعد كم يوم محل ثاني افغاني اوباكستاني اللي يشتغل بالمحل قام يمدح الصاج الوطني طبعا هذا المحل بالخرج و انا من سكان الخرج
المهم قلتله البحريني افضل عصب وقال لعنة الله على الكاذبون صاج بحريني اخر درجة الوطني افضل مية مره
يوووووووووه عصبت وقفلت معاي قلت لزوجي والله ماعاد اصدق احد فيهم كذابين بفصل باايكيا طبعا زوجي يحب يشوف الشي جاهز قدامه ويقول رايه مو بسوي واسوي وشرايك المهم قال ايكيا افخم وتفتح النفس احسن من هالصناديق بس تاكدي من الجوده بحثت في النت الكل يسب ايكيا بس للاسف مو عن تجربه
انا اللي اعرفه ان ايكيا درجات بالجوده فانا بفصل خشب صلب غالي والرخامه من براماراح اخلي سطح العمل من عندهم وحول المجلى بعد وراح اخليه ابيض ورخام بني وافصل جدارين وجزيرة في النص وبث
فاللي عندها راأي تحب تفيدني فيه اكون شاكرة ومقدره لها والله يرزقها بماتتمنى
انتظر الراتب وامر لايكيا افصل ليت الاقب احديشجعني اويقنعني بالافضل