بااااركولي يابنات انا فزت بعشرين غرام ذهب وحصلت الجائزة في كيس شبس
وهذي صورة الجائزة
http://uploadpics.a2a.cc"]..لين هنا وكل شي تمام 20 غرام ×120 ريال سعر الغرام الواحد على اقل احتمال يساااااوي 2400 ريال طيب مكتوب عليها استبدلها هنا بقالة عندهم ذهب لالالالالالا مستحيل طيب وش الحل والمشكلة اني رميت كيس الشبس اللي مكتوب فية اسم المصنع ورقم تليفونة المهم واشب النار في زوجي ينزل السوبر ماركت ويشتري لي ثاني طبعا زوجي مو مقتنع في السالفة وقالي اكيد 20 غرام شيبس قلت لا مستحيل الشيبس اللي معي ابو ريال 30 غرام ومستحيل فية وزن 20 غرام
وبعد كثر الزن والاغراءات اني اعطية منها واني بشتري لة العطر اللي نفسة فية وبقضي لعيالي ملابس العيد :09: المهم
جاب لي كيس جديد واخذ الرقم وقلت باتصل عليهم الظهر المهم واستنى الساعة تجي 12 متحمسة وراسي بينفجر من كثر المقاضي اللي بشتريها ولمى اتصلت ردي علي اخو من جنسية عربية ودار هذا الحوار :
انا : السلام عليكم
الموظف : وعليكم السلام
انا : اخوي انا فزت بعشرين غرام :icon28: ممكن اعرف وش هي الــ20 غرام
الموظف : 20 غرام شيبس :icon33:
انا : بس الشبس ابو ريال فية اكثر 30 غرام
الموظف : روحي المحل اللي اشتريتي منة وهو يبدلها في الكرتونة هدية كيس بــ 20 غرام من نصيبك:26:
هنا انا بغيت انجلط بسم الله علي واحلامي قصدي مقاضية
راحت سرااااااااب والمشكلة ان الموظف قاعد يبربر على
راسي وانا الدنيا تلف فيني وقفل في وجهه واتصل على
زوجي اه اه اه وحكية بالي صاااار ويموووت ضحك علي
ياااابنات تكفون لا تضحكون علي :(
وش فيهم 20 غرام ؟ حلوين يازينهم ...
خخخخخ ان شاء الله خيرها بغيرها كان اخذتيه واعطيتيه هديه لزوجك بدل العطر يعني على قد ميزانيتك خخخ
يسلمو ياعسل على الموقف الحلو ..