اول شي حمدالله عالسلامه ومبروك ماجاج يارب ويتربى بعزج وعز ابوه
وثاني شي اسمحيلي اغثج بالاسئله والتعليقات ...بس انا فعلا كنت ناويه اسوي موضوع احط فيه خلاصة تجربتي مع النفاس بس اولد وانشالله الكل يستفيد



ربط البطن بقطعه خامه طويله افضل من المشد لان المشد يرخى الرحم ويضره بس يمكن انتي ماحسيتي فيه الحين بس بعدين بيبين ..والربط لازم يكون من تحت لفوق عشان مايطيح الرحم
وشفط البطن مايفيد مع القيصريه .. ولام تشيلينه قبل النوم ضروري ..والرياضه اللي سويتيها مثل شنو ؟ لاني قريت موضوع ان الرياضه ممنوعه قبل 6 اسابيع والموضوع هذا اجنبي يعني هم اللي ماهمهم شي يخافون من هالشي .. يعني احنا المفروض نكون احرص منهم



فعلا هالخلطه نصحت فيها الاخت فيافي بس قالت نشربها ورا الغدا بربع ساعه
وهذا كلام الاخت فيافي بالاحمر

بعد الغداء بربع ساعه عليك بمنقوع التالي: في كوب ماء
( م.ك.عنزروت+م.ص.مره+ شوي محلب) لانها تعمل كمهضم وملين وتنضف الأمعاء ولابأس من اضافة الماء اليها كلما انتهت الكميه واستخدامها لاكثر من يوم طبعا توضع في الثلاجه
وقبل ما تشربيها بنصف ساعه طلعيها من الثلاجة.



فيه حريم يقولون الحلبه 20 يوم وفيه يقولون 10 ايام
بس انا استنتجت من قراءاتي واسئلتي ان الحلبه اذا كانت بروحها نشربها 10 ايام الاولى
واذا كانت مخلوطه مع ادوية ثانيه نشربها 20 يم الاولى مثل ماقالت الاخت فيافي
وعلى فكره الحلبه توسع من تحت اذا كثرنا منها وتمتن.. يعني المتينه حدها 10 ايام بس
وهذا كلامها بالاحمر

اذا فترة حيضك 6اياماتبعي التالي:الثلاثة الاتام الاولى
اما النفاس فتستخدمها 20 اليوم الاوله
في الصباح سفي مقدار 2ملعقة كبيرة من هذه الخلطة التالية على الريق مع كوب شاهي او حليب وتكون هذهالخلطة مطحونه ( كوب حلب+نص كوب حبة سوداء+فنجان قهوةحبة حلوة+ملعقة كبيره قرنفل)


وبعدين شرب الماء اشربي وماعليكي من الكلام اللي يقول انه مضر... بالبداية حاولي انك تخففيه لكن بعد اسبوعين خلاص اشربي لانه يهضم الاكل من المعدة وينظف الدم بالجسم ومدر للحليب ...

بالعكس الماي يسوي كرشه ويسوي رطوبه ويمكن لانج ثاني واحد مايبين عليج
بس عوضي السوائل بالعصاير والحليب وشاي الاعشاب والفواكه والسلطات
وتجنبيه مع الاكل لانه يسوي سوء هضم مع الاكل ولايهضم الاكل ولاشي بالعكس الاكل يسيح مع الماي ولاينهضم ويسوي كرش



فعلا هذا كلام الاخت فيافي بعد ( بالاحمر)

بالنسبه لتحميلات المهبل: ملاحظه للمتزوجات فقط

اطحني مقدار .م.ك.مره +شوي محلب+ ملح خشن واعجنيه بعسل طبيعي ان وجد
كل ليله ضعي تحميله واحده صغيره كبر نوى التمر ( اصنعي كميه تكفي نفاسك)او
حيضك

بس هي قالت انها بالعشرين يوم الاولى وانتي تقولين اخر اسبوعين
بتاكد من حريم طبقو نظام فيافي واشوف



قشر الرمان قريت انه يخرب من تحت بس يبين خرابه بعدين والمقله مااعرفها
بس اللي اعرفه ان الاروطى المطبوخه بالملح الفارسي احسن شي ( نتشطف فيها مرتين باليوم)

وادري اني تحمست بس اعذريني والقصد من هالمناقشه الفايده

تحياتي :26:

اسمحيلي اتلقف وارد :o

في كوب ماء( م.ك.عنزروت+م.ص.مره+ شوي محلب) لانها تعمل كمهضم وملين وتنظف الأمعاء ولابأس من اضافة الماء اليها كلما انتهت الكميه واستخدامها لاكثر من يوم طبعا توضع في الثلاجه
وقبل ما تشربيها بنصف ساعه طلعيها من الثلاجة

تحياتي :26:

الف الف الف الف مبروك الحمدالله علىالسلامه

مبروك والحمدلله على سلامتك:26: :26: :26:

الله يبارك فيكم ومشكووووورين على الادعية الي تبرد القلب...وعقبال الحوامل والله يسخر لهم الذرية الصالحة...ويرزق كل محروم يارب...

واالي يسالون عن الادوية راح تلاقونها عند العطار الشعبي ...

حبيبتي لاتنسوا اسرانا...جزاك الله خير على هالاضافات:27: ....وبعدين حياك الله لاغثيتيني ولا شي المقصد كله افادة الجميع...

بالنسبة للربط انا اقصد المشد بكل انواعة مو شرط العادي اللي نعرفه..واللي استخدمته هو الاندونيسي نفس طريقتك بالبداية لان البطن يكون لسا كبير ومترهل لكن بعد ثلاث اسابيع تقريبا يصغر البطن والقماش مع كثر الحركة طبيعي انه راح يرتخي مهماشديتيه عشان كذا بالنهاية استخدمت المشد القوي اللي فيه مشابك....والحمد لله بطني صار اصغر من بطني بعد ماجبت ولدي الاول....
والرياضة انا سمعت انها ماتصلح بالبداية لكن بعد اسبوعين يعني بعد ماتطيح غالبية الخيوط عادي بس طبعا تكون خفيفة ...يعني فتح الذراعين..وتمارين للخصر وانتي واقفة...وتمارين الايروبيكس العاديةاللي للبطن يعني حاولي انك ماتختارين العنيفة اللي فيها فتح الارجل او النط..
والخلطة انتي تقولين انها تشرب قبل الغداء ...المهم انها تشرب على المعدة وهي فاضية تقريبا يعني سواء قبل الفطور او الغداء ممكن...
(بالعكس الماي يسوي كرشه ويسوي رطوبه ويمكن لانج ثاني واحد مايبين عليج
بس عوضي السوائل بالعصاير والحليب وشاي الاعشاب والفواكه والسلطات
وتجنبيه مع الاكل لانه يسوي سوء هضم مع الاكل ولايهضم الاكل ولاشي بالعكس الاكل يسيح مع الماي ولاينهضم ويسوي كرش)السوائل حبيبتي شي اكيد وخاصة العصيرات الطازجة مثل البرتقال..والحليب مع الفلفل والزنجبيل ممتاز...لكن المويةبصفة عامة له فوائد وانا اقول مو بالبدية يعني بعد ماتتعدي اسبوعين خلاص حاولي انك تشربيه كلما عطشتي مو خلال الاكل بس بالفترات اللي تكون المعدة فيها محتاجة ماي واكيدمو بكميات كبيرة لدرجة ان المعدة تمتلي منه لان كل شي يزود عن حدة مضرالمهم ان الوحدة ماتحرم نفسها منه كلما حست بالعطش لان الكرشة شي راح يزود مو من الماي لكن من قلة الحركةو قلةالربط وكثرة الاكل الغير صحي الي يجيب السمنة والشحوم...

والحلبة...اساسا هي فاتحة للشهية وتجيب السمنة مثل ماقلتي واهم شي فيها انها توسع المنطقة وترخيهاوتوقف خروج الدم من الرحم عشان كذا نكتفي منها اول عشرة ايام وتكون مع الاكل او الحليب او الادوية لكن مو لوحدها...

التحاميل حقة الاخت فيافي جزاها الله خير...انا واخواتي نستعملها بآخر ايام الدورة والنفاس وبالنسبة لي جربتها بعد ماكملت شهر بالنفاس يعني بعد ماطاحت الخيوط وبدا الرحم ينظف لان المنطقة تكون قابلة ان نستعمل فيها تحاميل لان بالبداية الرحم يكون تلقائيا ينظف نفسه بدون اي وسيط موضعي...وهذا شي بديهي....والحمد لله بعد ماجربتها ادعي للي افادتنا فيها....

وقشر الرمان حبيبتي افضل شي للتطهير مع المرة والملح الخشن والارطى مثل ماقلتي كلها مواد معقمة وتشد النطقة ولايرخي ولا شي بالعكس احنا بالنفاس هذا شي اساسي عندنا للغسل لفوائده وكل الي جربوة وانا شخصيا الحمد لله مبسوطين منه...:27:

ادري اني طولت لكن مثل ماقلتي الهدف هو النقاش والفايدة...ومشكورة حبيبتي مرة ثانية والله يقومك بالسلامة ويرزقك بالمولود الصالح....