باركولي يا بنات شعري تحسن واااايد والله شافاني من الامراض له الحمد والشكر

السلام عليكم

اخواتي انا كنت اعاني من بعد ما سويت اليوكو . دمر لي شعري ودمر فروة راسي ظليت سنتين اعاني من التهابات في فروة الراس وتعالجت في اكثر من عيادة وما استفدت . لكن الحين احمد الله بعد العلاج اللي استخدمته للفروة الملتهبة والقشرة والشعر الجاف وتكسر الشعر عندي وهذا البرنامج اللي اتبعته

1- خلطة زيوت ( جوز الهند - جرجير - لوز - هيمتاج - زيت هندي ما اعرف اسمه - خروع ) وخلطت معهم محلب اللي ذكرته الاخت بائعة المسك . واضفت لهم طريقة لاحدى الاخوات من المنتدى وهي اني حمصت سمسم وطحنته وخلطته مع الزيوت اللي ذكرتها وخليته يغلي شوي على النار .

كنت قبلها استخدم زيوت وكل ما اسير الصالون يقولون لي شعرج جااااف ومحترق من الزيوت . فسألت وحده ليش مع ان الزيوت زينه للشعر. قالت لي ان طريقتي خاطئة الطريقة الصحيحة ان الزيت ما يدهن به الشعر لان اغلب الزيوت حاره . لكن يوضع على الفروة فقط فقط فقط . مع التدليك وبعدها البسي الكاب وبعد ساعتين اغسليه . ومع هذه الطريقه تحسن شعري وراح الجفاف اللي فيه ولله الحمد

2- عالجت القشرة باستخدام خل التفاح احط مقدار نصف فنجان قهوة مع كاس ماء في الشطفة الاخيرة بعد غسل الشعر واصبه على شعري ولله الحمد تعافيت منها

3- عالجت الفروة باستخدام عسل مع الحبة السوداء واخلطه بالماء واصبه على الفروة وادلكه مع استخدام خلطة اخذتها من طبيب عبارة عن زيت غليظ مثل الفازلين مع الثوم وهذه الخلطة اللي نبتت لي شعر جديد الحمدلله لان مفعول الثوم في علاج حتى الصلع معروف

4- تكسر الشعر خف بوايد لكن لازال موجود من بعد اليوكو

5- اهم شي بعد الزيوت فادني حمامات الزيت وكنت استخدم ( كوليسترال مع حمام زيت من كادوس اخلطهم وحطهم على شعري 10-15 دقيقة بعد غسل الشعر بالشامبو )

6- جربت اكثر من 12 نوم من الشامبوهات ما لقيت احسن من دوف خاصة للي تعاني من الجفاف .

اشكر الله اولا واحمده واشكر ثانيا الاخوات اللي فادوني في بعض الوصفات .