شلون الصبايا الحلوين ؟
هذي آول مشاركه لي في قسم المطبخ
عندي اليوم طبق لذيذ وسريع
اسويه وقت العشا اخف من الباشميل وباقي انواع الباستا اللي تغث خاصه بليل
يحبونه اخواني و زوجي :pinklove:
المقادير :
١ بصل كبيره مقطعه شرايح
٢ حبات ثوم مقطعه شرايح
نص كيس باستا مسلوقه
٣ صدور دجاج افضل ماركه ساديا تجي جاهزه مقطعه بدون عظم او جلد
كيس سبانخ مثلجه
مشروم طازج
١ كريمه ماركه كي دي دي او المراعي
قيمر صغير ( قشطه )
٣ ملاعق زبده
ليمون
ملح
صويا صوص
الطريقه
اول شي ناخذ الدجاج ونتبله بليمون وملح وصويا صوص ونخليه لين ننتهي من تحضير باقي الاغراض
طبعا ماعليكم من كيس الكاري اللي ورا جاي بالغلط في الصوره
بعدين نقطع الدجاج شرايح رفيعه بالطول ونحطه في المقلاه بدون زيت ولا شي
نخليه لين يطلع الماي منه وينشف وينضج
بعدها نشيله
وبنفس المقلاه نحط زيت و ٣ ملاعق زبده وبصل نحمسه عشان لا تحترق الزبده ولا يحترق البصل ونحط المشروم
لما يبدي يتغير لونه نحط الثوم وبهاراتنا ملح وفلفل اسود وكاري
بعدها نحط السبانخ ونحمس عدل لين تنضج
بعدين الدجاج
ونضيف لهم علبه الكريمه ونص قيمر وانا احب الجبن حطيت ملعتقين ونص جبن المراعي
ونضيف الباستا المسلوقه ونقلبها لين تمتزج كل المقادير
وبالهنا والشفا على قلوبكم
الخطوات سهله وحطيتها بالتفاصيل
واذا عجبكم الطبق راح انزل لكم طبخات اكثر
يمي يمي
اشوفكم بآقرب وقت