باقي 4 ايام واطلع من نفاسي - بس عندي مشكلة

سلااااااااااااام حبيباتي ,, الله يتقبل منا منا ومنكم صالح الاعمال


الموضوع باين من عنوانه ,,

انا باقي لي اربع ايام واطلع من نفاسي ان شاء الله على خير ,,

وبصراحة ما اهتميت بنفسي بنفاسي من ناحية اني اجوع احيانا
وارهقت نفسي كثير بالحركة وطلعت كثير لأن اهلي كانوا مسافرين
ونفست ببيتي يعني مرة وديت ولدي المستشفى مرتين وطلعت درج وانا اتألم
من الخياطة بس غصب عني ماعندي احد ,, وبيتي درج بعد يعني ارهقت
نفسي بصعود الدرج ونزوله وانا اتألم خياطتي مررررة تعبتني وكان عندي التهاب
بالمهبل وماكنت ادري وقبل اسبوعين رحت للدكتورة وعطتني دواء والحمدلله
خف الالتهاب وراح ,, بس المشكلة الحين عندي الام بمنطقة البكيني الفخوذ
الداخلية واسفل البطن والظهر احسه محفور مدري وش اسوي ,,
اكلت رشاد ماسوا شيء اكلت ماش عشرة ايام تقريبا ووقفته ,, والحلبة اكلتها
اول الايام كنت اخذها لهوم حبيبات سببت لي امساك فصرت احطها مع الحليب
وماتركتها لمدة 20 يوم والله مدري وش الي صار لي , ما اقدر اروح بيتي وهالالام عندي
انا سويت تحليل بول الله يكرمكم بس مافيني حيل اخذ النتيجة ...


انصحوني يابنات مو عارفة كيف اطلع من نفاسي بهالشكل ,,
افكر اخلي الطلعة للعيد مرة واحدة ,,


وعلى فكرة ما اهتميت ببشرتي بنفاسي لأن ماعندي احد مثل ماقلت لكم
اهلي ماجوا الا بنهاية الاسبوع الثالث من ولادتي يعني بعد ماتعبت مرررة



يمديني اهتم ببطني ويرجع لونه طبيعي والمنطقة الحساسة كمان
والتشققات تروح لونها ؟
بطني مترهل مرة ,, وسمنت مررررة مو قادرة امشي من الثقل ,,



الي ماعندها فكرة ياريت ماتنساني من دعوة بظهر الغيب وارفعوا موضوعي
تكفون ..