حضرت حلة على نار هادئة أو أى حاجة غويطة
و حطيت فيها الزيت حوالى 4 ملاعق
فى ناس بتحب تحط ذبدة أو سمنة
و عليهم حوالى 3 ملاعق كبيرة دقيق
بالمضرب:33:
و ضربتهم كويس
و دى الافتكاسة بتاعتى فى البشمل علشان ما يكلكعش
و أهم حاجة اللبن مغلى و سخن
ضفته الى المكونات اللى فى الحلة
مع الضرب المستمر
القوام بيتماسك بسرعة و بيبقى عامل زى الكريمة
بحط المكرونة اللى سلقتها
فى حلة و عليها
جبنة رومى مبشورة
و أضيف عليها نص كمية البشمل
و أخللى النص التانى على جنب علشان ححطه على وش الصينية وححط شوية جبنه رومى مبشورة كمان على وش الصينية
حيكون شكلها كدة بعد ما أضيف نص كمية البشمل عليها
بقلبها كويس
و أحط نص كمية المكرونة فى صينيه
و عليها اللحمة المفرومة المعصجة
و أحط باقى المكرونة و عليها باقى كمية البشمل و جبنه رومى مبشورة
أدخلها الفرن لغاية ما تحمر
ودة شكلها بعد ما خرجت من الفرن
و دى و هى متقطعة
شوفوا البشمل عامل زى الكريمة عليها ازاى :kiss2:
و دى صورة و هى فى الطبق
يا رب تكون عجبتكم