بالله اللي تشوف موضوعي تعيني بكلمه طيبه الله يسعدكم

في موظفات ومعهم عيال كيف انتي متفرغه لبيتك ٢٤ ساعه
واذا اكثر من ٣ اطفال لا يهايطون عليك
عندهم شغالات ولا بيتها فاضي
وايه صح على طاري فاضي ارمي بالزباله
الاغراض الزايده حتى مخدات الصاله الطاولات الزايده
صفيها على جنب حاولي يصير الشقه خاويه راح تنظف غصب لان مافيه شي يحوس
وعياله ترويشهم مو الصبح بارك الله فيك
في اشياء اولوليات يعني الملابس كثري منها عشان يجلس مده طويله ماحد يشتكي انها مو مغسوله
يعني يكون فيه اكثر من قطعه بديل
حق اسبوع عالاقل من المراييل وغيرها
في اشياء سويها مره بالاسبوع بس
لا تكررينها

بقولك نظام يرتب يومك <ماامشي عليه الصراحه ماخذه راحتي وهو عاذرني الله يحفظه لي
قومي قبل الفجر بنص ساعه رتبي بيتك على السريع وبخريه
ومن ناحية الالعاب خلي بنتك ترتبها وعطيها جائزه عشان تتشجع
صلي بعدين سوي الفطور وعلى حسب زوجك متى يبي يفطر اذا بيفطر متاخر استغلي الفرصه وروشي عيالك فيها
واذا مبكر معليه بعد الفطور
ومن ناحية الملابس من اول ماتتوسخ اغسليها واكويها عشان مايزعل الاخ اللطيف


وحاولي لو مرة بالاسبوع تنومين عيالك وتسوين دلع لزوجك عرفتي حركات الروقان
تحطين شموع وقهوه وتتغنجين له
اذا سويتي كذا بيحبك وبيعذرك انا متاكده
ودايم خلي لسانك ينقط عسل
اذا صرخ قوليله اصبر شوي ياعمري ترى تسكت انا لو يقولي احد كذا اهجد
واذا عطيتيه الي يبي اعتذري منه بأسلوب
باعطيك مثال
اعذرني ياحياتي البزارين والبيت يشغلوني عنك
ولو ودي اعطيك عمري كله انا فداك


شفتي لو احد يقولك كذا مارح تذوبين
فمابالك الرجال
معروفين يحبون هالحركات
الله يسخركم لبعض قولي امين

صباحكم خير ونشاط 💪🏻🌪
شوفي انتي وهي اللي ماهي قد الزواج ومسؤولياته تستريح ف بيت أهلها😊
مع الترتيب أول بأول والمخ الصاحي لو عندك ١٠ عيال بتسيطرين ع الوضع،
اشوف بعض الحريم تتذمر وهي وقتها كله ع السناب او مشغولة بالجوال !😠
اجل شلون قبل يوم الحرمه تسوي كل شي وعدد اطفالها اكثر من الان ومع هذا الوحده تنجز ف يومها وصابره
والان كل شي بضغطة زر غسالات افران ثلاجات كل شي ميسر وتتحلطمون!!
شخصيآ أنا اشوف ريفيات من دولة مجاورة تلاقينها تطبخ ترتب تنظف تهتم ب اطفالها ويومها كله بركة مع قلة الإمكانيات واوضاعهم المعيشية الصعبة،،
وهنا شكوى شكوى شكوى
ليييش!!
اصحي الفجر ابدأي يومك قبل كل شي بالصلاة عشان إذا ضبطت صلاتك ضبط يومك كله واطفالك حددي لهم وقت معين للنوم ويصحون بوقت معين والأكل حاولي تجهزين للفطور من الليل وتكونين عارفة ايش بتسوين بالضبط
الملابس خصصي كم يوم بالاسبوع للغسيل وترتيبها عشان يصير التعب مره وحده..
وأمورك الباقية إنتي ادرى فيها..
عندي قاعدة أنا/
إنضباط البيت والأطفال من إنضباط الأم لكن لو كانت الأم متهاونة وكسولة طبيعي بتخرج الأمور عن السيطرة
كمان لابد من مساعدة الطرف الآخر 👨
المهم موفقة وربي يعينك ويقويك .

خلاص المرأه بس تطلع من بيت أهلها تشل هم نفسها ماتلعوز أهلها معاها وتكونين خفيفه عليهم انا هاي فكرتي من وجهه نظري وهاي الي أطبقه في حياتي الزوجيه عمري وحياتي ماشكيت عند أهلي شي يخص حياتي وبيتي ودوم ابين لهم اني مرتاحه عشان ما يشيلون همي هاي واحد ... ثنين الحل حقج انتي تحطين شغاله تساعدج 👍🏼👍🏼👍🏼👍🏼

شكرا قمر وشكرا لردك يارب الله يكرمني بشغل ويكرم زوجي بشغل وأقدر أجيب شغاله وانا اتعب من أي جهد ثقيل عندي تعب بصدري مزمن الحمدلله على كل حال شكرالك