و عليكم السلام ورحمة الله وبركاته
آنا بعرف ليش ما تصليين صلاة استخارة

حبيبتي.....يمكن انتي بسؤالك للبنات قصدك وشلون تقولين له طلقني..لانه اذا قلتي انتظر الورقه تخافين يعاند....وهذا احتمال كبير....
بس قبل هذا خلي الطلاق حل اخير..
وحولين تفكرين وشلون ترجعين افضل من وشلون تتطلقين.....يمكن الله يغيره وتكونين معه سعيده...
ولا تنسين الدعاء ..
وصحيح كلام البنات صلاة الاستخاره اهم شي..وبعدها فكري زين..
هل هو يندم اذا غلط؟؟
هل اعتذر لك اعتذار واضح بعد ما رحتي لاهلك؟؟
هل انتي تحبنه فعلا او لا..واذا كنت ما تحبينه وش اسباب كرهك له..هل المشاكل اللي بينكم السبب؟؟
يعني لو انحلت المشاكل وصار تمام هل ممكن تحبينه؟؟
وبعدين شكله ماخذ الامور ببساطه معقوله موضوع زي كذا يرسل لك رساله على الجوال ما تزيد حروفها عن 100 حرف بالله وش كفاه يكتب ..هالامور يبغى لها نقاش ساعات...مو مسج!!
اول شي احمدي ربك انك مالك عيال منه..يعني لو صار شي لا سمح الله..ما يكون فيه اطفال..
ثاني شي لا تردين على رسالته برساله دقي عليه وتكلمي معه بوضوح..وقولي له ما بعد كلمت احد من اخواني في الموضوع..(الانفصال اقصد.)..قولي له حبيت احل الموضوع بيني وبينك..لاني اعزك((حتى لو ما تعزينه))
اجلسي امدحيه اول..كل شي فيه زين قوليه....قول انا حبيتك لانك كريم لان اصلك طيب..لاني عارفه انك من جوا قلبك حنون ..وهالكلام.........
وانا اوعدك ان العلاقه تزين فيما بينا وانك تلقى فيني اللي يرضيك ..بس لازم تساعدني واشياء تتخلى عنها..لان علاقتنا اكثر من ازواج انا اعتبرك اخوي وابوي وحبيبي....ومن هالكلام..
بس لازم تتنازل عن الضرب وعن كذا وكذا ((قولي كل شي ما يعجبك فيه اللي ما قدرتي تتحملينه.. اللي تقدرين تتحملينه لا تقولينه خليه بعدين.. علشان ما تكثر شروطك..))...
وقولي اتمنى نرجع لبعض لاني مازلت احبك واغليك...بس لازم تتغير بعد انت...لان لو ماتغير اخاف ينقص حبك اللي بقلبي وانا ما ابي حبك ينقص ابيه يزيد وانا افضل اكون بعيد عنك وانا احبك ولا قريبه منك وانا اكرهك...
ولو تفاعل مع الموضوع...وقال انا ابتغير...كان بها بس اهم شي خلي فتره لا تحملين فيها الين تتاكدين انه تغير....ولازم تتغيرين حتى لو انتي معه عسل صيري عسل اكثر وغيري من شكلك يكون افضل...وسوي الشي اليي يحبه قبل لايقوله لك او يامرك به..واساليه انا وش فيني ما اعجبك وانا اوعدك اغيره لاني ابي رضاك ..
صدقيني هذا افضل حل انا كنت تقريبا مثلك وتغير زوجي بدرجه كبيره..ما تتصورينها...اغلب طلباتي مجابه ولله الحمدوالشكر...
ولو ما اهتم وطنش هذا راجع له وهو اللي بيندم..لانك كنت في قمة اللباقه معه وهذا الشي قليل الواحد يشوفه هالايام مع كثرة المشاكل....في هذي الحاله دخلي اهلك بالموضوع وخليهم يكلمونه كلام رجال وانهم وراك..سند..
جربي طريقتي اللي قلت..
وردي علينا لو صار اي تقدم اوحتى تاخرلا سمح الله علشان نقدر نساعدك.........................
والله يوفقك انشاء الله..ولا تنسين كلنا معك.......

شكرا لتفاعلكم مع مشكلتي وجزاكم الله خيرا...والحمدلله عدت لزوجي بعد الصلح بيننا
وبعد وعده لي بالمعامله الحسنه....ولكني اطلب منكم طلب ارجو ان لا تنسوه...بأن تدعوا الله
لي بالحياه المستقره وان يصلح الله حالي ومزاجي ويبعد عني الحساسيه الزائده...لان دعوة
المسلم لاخيه في ظهر الغيب مستجابه...وكما جاء في الحديث الشريف ان المسلم اذا دعا لاخيه
رد عليه الملك:ولك مثل ذلك...كما باذن الله سأدعولكن بالخير وبالحياه السعيده.

الله يحنن قلبه عليك.. ويجعل حبه لك كحب الرسول صلى الله عليه وسلم لعائشه
ويكفيك شره وجبروته لأن ضرب الرجل للمرأه من أصعب الأمور بصراحه!

يسر الله لك امرك اختي:26: