رجعت لك ي حلوه .. عندك المفرزنات فرزني السمبوسه ب انواعها لحم . جبن .. دجاج .. . بس اهم شي تكون مفرزنه بطريقه صحيه يعني اللحمه تكون بااارده مره اذا لفيتي السمبوسه ونفس الشي الدجاج لازم يكون بارد . . لفيها وحطيها في علب واكتبي عليها كل نوع .. عندك المنتو الكذاب لفيه وحطيه في الفريزر .. عندك الفرموزه الكذابه حطيها في الفريزر ... عندك البف سويه حشوات خضار . جبن وحطيه ب الفريزر ... عندك محشي الكرنب سويه وفرزنيه . ورق العنب نفس الشي سويه وفرزنيه بس تخرجينه وقت الطبخ تحطي له المرق والليمون والزيت وتطبخينه.... سوي سمبوسه صغير بالجينه وفرزنيها واذا قليتيها حطي عليها شيره وقرفه .. عندك مثلثات السميد بالتمر او الجبنه روعه سويها وفرزنيها .. نجي للخضار خذي الطماطم وغسليها وافرميها ووزعيها في اكياس تستخدم للشوربه او للبيتزا او للايدام .. خذي الجزر ابشري منه كميه والباقي قطعيه مكعبات واصابع واستخدميه ع حسب طبختك ايش تحتاج مبشور ولا مكعبات ولا اصابع ... عندك البصل افرميه ورشي عليه زيت زيتون ووزعيه في اكياس وكمان سوي منه حلقات واقليها استخدميه للجريش .. عندك الثوم افرميه مع زيت زيتون وزنجبيل واحتفظي فيه في علبه بلاستيك واستخدميه وقت الحاجه ... الفلفل الرومي قطعيه مكعبات واصابع واستخدميه ع حسب طبختك ... عندك الفاصوليا قطعيها وفرزنيها . والكرنب قطعيه وفرزنيه .. المفروض انك تبدي من الان تفرزني عشان يوم يدخل عليك رمضان وانت مرتاحه نفسيا وجسديا

fofo85
الله يشفيك شفاء لا يغادره سقما يارب يارب مايجي رمضان الا وانتي باحسن حال ربك كريم وقادر على كل شي ❤
حبيبتي صاحبة الموضوع لو انتي مجبورة وماتقدري تكنسلي الموضوع حق الفطور ابدا
جهزي نفسك من دحين بخصوص المفرزنات وورق العنب لفيه والكرومب وكل شي
وقطعي عيش مربعات صغيره وفرزنيه للسلطات
جهزي نفسك الله يعينك وجيبي بلاستيكات تنلم السفر بالبلاستيكات وانتهينا
والله يكتب اجرك ❤

الله يكون بعونك
ابدي من اليوم جربي الوصفات اللي ناويه تسوينها
بقولك بعض الاسباب اللي خلي الفطاير ماتضبط بما اني فنانه فيها 😋
اولا لازم تتخمر لو ربع ساعه اذا ارتفعت اعرفي ان عجينتك مضبوطه
والسوائل المستخدمه لاتكون بارده الخميره لازم بعد الفتح تتقفل زين
اعجنيها مضبوط اقلها 7 دقايق
والحلا جهزيه بالليل وحطيه بالثلاجه
الحشوة السمبوسه زي حشوة اللحم او دجاج سوي اللي يكفيك مثلا 4 ايام وزعيها كل وجبه بكيس لحاله
سوي سلطات سهله وماتاخذ وقت اشتري ورق عنب جاهز شفته عند التميمي جربيه قبل ترى ماذقته مادري كيف طعمه
انا عجينه عشر دقايق اسوي منها بيتزا وفطاير خليه نحل سانبون لكل شي تختصر عليك احسن من تسوين اكثر من عجينه
واذا تذكرت شي رجعت

الفرموزه الكذابه ... عجينة السنبله بف باستري ... تخرجينها وتذوبي الثلج عنها تسوي لحمه مفرومه وتزودي البصل عليها وتحطي الملح والكمون وفلفل اسود بس وخليها تبرد .. وبعدها حطيها على مربعات العجينه وتقفليها بشكل مستطيل وحطيها في الصينيه وادهنيها بصفار البيض ورشي عليها حبة البركه وسمسم ودخليها الفرن تتحمر من اسفل وبعدين شغلي عليها من فوق بعد ماتتحمر اتركيها في الصينيه بدون ماتغلفيها عشان ماتعرق وتصير طريه ...


البف ب الخضار . تاخذي مربعات البف باستري وتخرجيها من الفريزر تذوب . تسوي كشنه من الخضار اللي قلت لك جمديها كشني بالبصل وحطي عليه الفاصوليا وخليها شوي وبعدها خذي الجزر المكعبات وبعدها خذي الفلفل الرومي وحطيه وقلبيها واخر شي الكرنب وحطي عليها بهارات وملح وقلبيها لين تستوي وبعدها سوي اقسمي المربع حق البف ع شكل ملثث وحطي الحشوه وقفلي يطلع لك مثلث صغير ادهنيها بالبيض ودخليها الفرن تتحمر من اسفل وبعدين من فوق ..
ونفس الطريقه تسوي مربعات البف بالجبن الابيض مع شبت او نعناع ..
اصابع البطاطس .. تسلقي بطاطس لين تستوي وتهرسينها وتحطي لها بهارات وكركم وتسوي كشنه بصل اخضر مع جزر مبشور ناعم بس تشويحه سريعه على النار بعدين تحطينها ع البطاطس وتعجنينها مع بعض لانتسي الملح وبعدها شكلي العجينه اصابع غمسيها في البيض والبقسماط واقليها انتبهي بسرعه تتحمر ..
المنتو الكذاب .. لحم مفروم زي حق الفرموزه .. تاخذي عجينة السمبوسه وتقطعينها بالنص وتحطي الحشوه وتلفي زي الاصايع لين تنتهي الكميه وتحطي في الصينيه شرايح فلفل رومي و ترصي المنتو عليه وترشي عليه مويا مع شوية ملح وتحطي عليه كشنة طماطم وتدخليه الفرن تسوي له حمام بخار يعني صينيه جوت صينيه لين يستوي وتنشف الكشنه من فوق وبالعافيه


ششبرك .. دقيق ابيض ملح مويا .. تعجن مع بعض لين تصير عجينه لينه وناعمه .. وتخليها ترتاح شوي سوي لحمه مفرومه وخذي العجينه وافرديها دوايرصغيره واحشيها باللحمه وقفليها نص دايره زي السمبوسه اللي بالعجين بعد ماتقفلينها جمعي الاطراف مع بعض تصير زي الورده ان شاء الله فهمتي عليه بعدين سوي كشنه طماطم وحطي عليها مويا وخليها تغلي بعدين نزلي العجينه ع الكشنه وخليه لحد ماتستوي وتقرب تنفش الطماطم ووقت التقديم حطي عليها صوص زبادي مع خل وشوي فلفل اسود ورشيه على الوجه مع بقدونس وبالعافيه

الشيء الي تسووه مخالف للهدف من الصيام...يعني متى تتعبدون لو يوميا شغل وتعب....يا حلو العزايم ان كانت مرتين بالشهر..كذا كثير.....بالنسبة للاطباق نوعي صواني مثل باشميل .توست بالجبنة والدجاج جدا لذيذة.كفتة. الرز جربي سوي بدل كبسة مندي على طريقة منال العالم والله مرة سويتها حسبوها جاهز من المطعم..سوي منسف طبق رئيسي بما اني اردنية ان تبغين الطريقة فمن عيوني...والشوربات مرة عدس مرة بطاطا بالفطر او فريكة..والسلطات نفس الشيء غيري منها....