سوي مفرزنات
سمبوسه لحم ودجاج وجبن
سبرنجرووول خضار 'بطاطس وكمون وبقدونس اهرسيهم'وحطيهم حشوة
سمبوسه بحشوة!ملعقه جبن ملعقه مايرنيز حبتين جزر مبشور ونص حبه فلفل رومي مفروم اخلطيهم مع بعض وخليهم حشوه للسمبوسه او السبرتج رول مره لذيذه'
حطي خلطة البيتزا جهزيها وخليها تبرد مره ووزعيها فاكياس كل يوم لوحده
سوي بصل وثوم فاكياس صغيره لو احتجتي تكون جاهزه وماتحتاجي
فيومك طلعي من المفرزنات واعجني وسوي كدا صنف
واشترو فوووول
واذا هما كثير سوي مكرونه بالذجاج او باللحمه او ادام
وشوفي كرات البطاطس
وفيه افكار حلوه اشتري النقت والبرجر وسوي بهم حشوات للفطاير
وسوي شوربه وان شاءالله ربي يساعدك حبيبتي ويكتب اجررررررك

اطلبي مفرزنات وعبي فريزرك وريحي راسك والسفره الله يخلي ابو ريالين كل الحركات والبركات عنده

كرات الدجاااج .. دجاج مفروم ولازم انت تفرمينه تاخذي صدور وتفرمينها مع جزر وفلفل حار وبقدونس وفلفل رومي وتحطي عليها ملح وبهارات وتكورينها وحاولي تظغطي عليها بس شوي مو مره تطلع مسطحه .. وبعدها غمسيها في بيض وبقسماط واقليه ع نار هاديه عشان يستوي الدجاج .. وقت التقديم قدمي معها صوص عباره عن زبادي مع شوي مايونيز مع خل وملح ورشة بقسماط ويخلط ويقدم معها ..
بلا بلا.. ابشري بطاطس جزر كرنب كوسه .. اخلطيها مع بعض حطي عليها بيض وشوي دقيق وشوي بكنج باودر واخلطيها مع بعض و كوريها حاولي تسطحينها شوي واقليها في الزيت ع نار هاديه وخرجيها حطيها على مناديل . وسوي معها صوص شطه رنا مع شوية صويا مع سومطرا واخلطيها مع بعض وقدميها مع البلا بلا


لقيمات مالحه ... المقادير ع حسب العايله مافيه معايير لها .. حطي دقيق دبي وخميره فوريه ملح وشوي سكر واعجنيها وخليها على جنب تكون العجينه شوي سايله تاخذ طماطم تقطعينها قطع صغيره .. تاخذي بصل تقطعيه قطع صغيره .. تاخذي كرات تقطعيه قطع صغيره. وبعدين تحطينه على العجينه وتخلطينها مع بعض واتركيها تتخمر وبعدين سويها نفس طريقة اللقيمات الحلوه حطيها بين اصابعك واقطعي وارمي في الزيت تطلع كور لين تتحمر ع نار هاديه .. وسوي معها سلطه مطحونه حااااره والله يكتب لنا ولكم الاجر ويجعلنا من صوامه وقوامه والبنات ان شاء الله ماقصرو معك وانت اهم شي فرزني السمبوسه والاشياء اللي تاخذ وقت في لفها والخضار كمان وراح يصيركل شي سهل والله يسهل امورك يارب وكمان سوي بحث في قوقل عن البيتزا السايله وعن البيتزا السريعه .. ونسيت اقول لك عن عجينه مرره حلوه وتقدري تسوي منها كل شي .. المقادير فنجال قهوه حليب .. فنجال قهوه زيت . نص فنجال سكر . كاسه مويا دافيه.. كاسين او اكثر دقيق ع حسب نوع الدقيق .. ملعقه اكل خميره فوريه


تخلطي الزيت مع الحليب مع السكر مع الملح .. مع الخميره .وتحطي عليها كاس المويا الدافيه وتحركينها الين يذوب السكر وبعدين حطي عليها الدقيق بالتدريج لين تصير عندك عجينه متماسكه وخليها تتخمر ربع ساعه وسوي منها كل شي بيتزا مناقيش خلية نحل عش البلبل ميني برقر . سمبوسه بالفرن بالخضار .. فطاير بالجبن . فطاير سبانخ .. فطاير دجاج ..اي حاجه تخطر في بالك سويها بالعجينه هذي مررره روعه ... عش البلبل افردي العجينه في الصينيه وحطي عليها لبنه ودخليها الفرن لين تتحمر من اسفل بعدين حطي على الوجه جبنة موزريلا وخليها تتحمر من فوق بعدين رشي عليها عسل ... البيتزا ممكن تسوي بيتزا بالخضار او بالدجاج يعني نوعي عن البيزا المعتاده

كيكه مالحه ... قطعي اطراف التوست ورصيه في صينيه ولو تكون حقت التشيز كيك اللي تنفتحت يكون افضل اخلطي تونه مع جبنه سايله مع فلفل رومي مقطع قطع صغيرره مره وادهني بها التوست وسوي طبقات مره توست ومره تونه واخر شي الوجه حطي عليه لبنه وخليها في الثلاجه تتماسك وبعدين افتحي الصينيه وادهني الجوانب بالبنه تصير زي القاتوه وخذي فلفل رومي مقطع قطع صغيره مررره وجزر وزيتون اسود وزيني فيها الكيكه المالحه انت وذوقك ولاتنسي تحطي زينه مع الجوانب فلفل وجزر مو بس تزيني الوجه وبالعافيه .
المكرونه البيتزا .. اسلقي مكرونه ... وصفيها وحطي معاها ملح وجبنه سايله واخلطيها حطيها في الصينيه وحطي عليها صلصة البيتزا وحطي زيتون وفلفل رومي وجبنه كرافت ودخليها الفرن تسيح الجبن وبالعافيه ..


فطاير الجبنه البيضاء ... خذي مربعات البف باستري وقطعيها مربعات صغيره حطيها في صينية الكب كيك الصغيره وخذي جبنه بيضاء وجبنه كرافت وقطعيها مربعات صغيره وخذي كرات وقطعيه وفلفل رومي بعدين اخلطيها مع حبه بيض او على حسب الكميه اللي انت مسويتها اخلطيها لين تتجانس مع بعض وحطيها جوت العجين اللي في الصينيه ودخليه الفرن تتحمر من تحت وبعدين ولعي من فوق لحد م تتماسك و تحمر الاطراف الخلطه حقت الجبن تكون شبه سايله ..


كب كيك مالح ... كاس دقيق ... حبه زبده ... اربع حبات جبنه كيري .. تعجنبها مع بعض وتخليها ترتاح . تقطعي دجاج مربعات صغيره تسوي كشنه بصل تحطي الدجاج على البصل وتقلبيها وتحطي عليها الجزر والفلفل الرومي والطماطم المقطعه يكون كل شي مقطع صغير . تحركينها لين ينشف الدجاج ويصير متسبك .. بعدين تاخذي العجين تحطيها في صينيه الكب كيك الكبيره وتفردي العجينه وترفعينها مع الاطراف وبعدين حطي الحشوه جوتها وحطي على الوجه بشاميل ودخليها الفرن حمري من اسفلوبعدين حمريها من فوق بس انتبيهي العجين بسرعه تتحمر وخليها لين تبرد في القوالب عشان لا تتكسر العجينه لانها زي التارت .. واذا ماتبغي تتعبي نفسك خذي التارت المالح الجاهز تحصلينه في بنده وسوي الحشوه اللي تبغينها وبالعافيه

نصيحه قولي لهم كل وحده تسوي وتجيب معها وصاحبة البيت عليها اطبق الاساسي الي هو شربه سنبوسه قهوه شاي ايدام. كلميهم قبل رمضان