شدي حياك واتركي الرفاله عنك
واشتغلي شغلك اول باو

الحال من بعضه بس فيه حسابات بالسناب تفيدك بااذن الله

يووه ياربي اكره العوايل اللي كذا ماشين بقاعده وتجي الزوجه مسكينه ماتدري الا هم ممشينها معهم




المهم الطبخ الحمدللله ترا صااار من اسهل الامور
الشوربه اكيد انتي عارفتها واستخدمي البهارات الصحيحه فيها


وسوي لك جدول بالاطباق اللي بتسوينها كل اسبوع وابدي جهزيها براحتك
يعني باليوم الي الفطور عند اهل زوجك
انتي استغليه بتجهيز السمبوسه وتجهيز الامور السهله مثل تقطيع وحشو وهكذا
مثلا اليوم بتسوين
شوربه باللحم قطعي البصل وحطي الزيت وع النار وبالخلاط. افرمي الطماطم وحطيه فوقه وحطي بهارتك واللحم والمويه وخليها لين تنضج بعدين حطي الشوفان وخليها تطبخ بالراحه




مكرونه بالدجاج طبعا سويها بقدر الضغط سهله وسريعه سوي الكشنه سريعه وفوقها الدجاج وبعدين حطي المكرونه وخليها تنضج وارتاحي


سمبوسه جهزيها بنفس اليوم اللي عندهم الفطور وحطيها بالفريزر
صينية خضار او ايدام باميه بالدجاج
صينة الخضار اقلي الخضار وفوقها قشطة وجبن وتقدرين تجهزينها قبل بيوم وبنفس اليوم بس تحطينها بالفرن وتشغلين من فوق


بيتزا او صينية فطاير توست
طبعا البيتزا تقدرين كل اسبوع تسوين الكشنه وتحفظينها ماتخرب
وحشوة التوست تفنني فيها دجاج وجزر وبصل وكزبره وشبت
عصير نوعين فيمتو وتانج الشي المعروف


لاتتكلفين وترهقين نفسك لان هذا شهر عباده بس سوي الاصناف االلي تقدرين عليها


االعصيرات سويها بنفس ايوم بس قبل تنامين
وخلي كل المواعين بلاستك
والحلى سىوي صينيه وحده كبيره مثلا كيكة العلالي فوقها دريم ويب وفليك
او بسبوسه
وكذااا
وبقولك نصيحه كل ماكنتي تجهزين فطورك استغفري والله مره قريت وحده اكلها ماسخ مافيه طعم وتشتكي واستمرت ع الاستغفار وتحلف ان الحريم يسالونها وش تحط ووش سر لذة اكلها


المهم انتي احتسبي الاجر ولاتوترين نفسك
والله يكون معك

الله يكتب اجرك ويعينك يارب


فرزني من اللحين وزي ماقالوو لا تعلمي احد
وخلي كل شي يبرد ماينفع ينفرزن وهو ساخن


العصير سويه وقت السحور مابيبين مع احد


ممكن تسوي قبل السحور ايدام والشوربة
وبعد الفجر ارجعي سخنيها
ووقت الضحى ووقت الظهر والعصر طبعا اما لو دخلتيها الثلاجة بيطلع فيها طعم
الحلا سوي كراميل ولا مهلبيه ولا جلي موب لازم كل يوم حلى جامد
ممكن اذا مرا تسوي حلا كاسات حلا استخدام واحد عشان لاتتعبي بالغسيل وعادي حطي كيكة مفتفته ولا بسكوت شاي وجيبي دريم ويب جهزيه واضيفي كاكاو بودر عليه وغطي البسكوت ولا الكيك فيه ولا اسهل موب لازم طبقات واذا حابة تضيفي طبقة حطي الكيك ثم قشطة وجبن كيري وحليب محلى واخلطيهم واخيرا الدريم ويب بالشوكولاته وزينية بنوتلا ولا مالتيزر


اعملي صينية البطاطس مرا سهله
قشري البطاطس قطعيها لشرايح رقيقة ونقعيها بمويا وملح لمده ساعه الى ساعتين حتى تلين ويخرج النشا الزايد
جهزي حشوتك لحمة مفرومة بصله ثوم مفروم بقدونس طماطم ملح فلفل اسود بهار ..>كشنيها
حيبي صينة رصي نصف الكمية تبع البطاطس ثم الحشوة ثم باقي الكمية من البطاطس


جيبي مرق واذا ماعندك مويا سخنه عادي اضيفي علبة قيمر او قشطة المتوفر فلفل اسود بهارات معجون طماطم ملح
اضيفي الخليط ع طبقة البطاطس ودخليها الفرن غطيها الين قبل لا تستوي بدقايق افتحي الغطى عشان تتقمر البطاطس من فوق
ممكن تعملي مصقعه كمان اذا الرجال عندكم يحبوها


خلي سفرتك سمبوسة اصابع ولقيمات شوربة معجنات فول معجنات وسوي المعجنات بصواني فرد مرا وحدة ماتتعبي بالتشكيل
بيتزا فطيرة زعتر او فطيرة خضار تمدي العجينة ضيفي فوقها فلفل رومي وكزبرة مقطعين بعدين غطيها بخلطة جبنة كاسات وقشطة رشه ملح وفلفل اسود


والله يسهلنا ولك ويعنناا ع الصيام والقيام يارب

ممكن تشتري صوص البيتزا جاهز تبع شركة فرشلي يفي بالغرض وموفقه