بنات انا كتبت موضوعي هذا لأني اشوف الناس تبالغ في
تجهيز المولود ،،
حبيبي مولودك في فترة الاربيعين ماراح يطلع لناس كثير
بيكون عندك وعند اهل بيتك ،،
فليش تشترين بجامه قيمتها فوق ١٠٠
لو ربي معطيك ومنعم عليك هذا تصرف جاهله اسمحولي بهالكلمه
وبعدين المولود بعد الاربعين الاغلبيه تسمن والملابس الي شريتيها ماعادت تنفع
وغير بتجيك هالهدايا الاطقم يعني كل مشترواتك بسبب الجهل والاسراف
...................
طيب ايش ممكن اشتري لمولودي ..
اهم شي اشتري طقم واحد كامل مع المفرش فخم عاادي يكون غالي يكون فقط ل استقبال الضيوف،...
وباقي الملابس يالهرم والهرم بلازا والشامل عندهم لبس هالمواليد تطير العقل على ٢٠ البجامه
خذي اشياء مريحه ..
ثلاث ارواب مفتوحه لان بالبدايه بيكون السر لسى ماطاح ولا نبي نضغط عليه بالبجايم مثل كذا
وتاخذين ملابس داخليه الي هي البرباتوز اربع قطع تكفي
وخذي لك ثلاث بجايم مرتبه انا بصراحه ما احب البجايم الي تجيك قطعتين احسها ماتريح البيبي فا اخذ الكامله واحب اخذها كم طويل حتى لو بالصيف لان الطفل متوعد على الدفئ في بطن امه واحنا نشغل مكيفات
http://forum.**********/imgcache2/**********_1318915811_663.jpg
وخذي لك قطعتين حلواات ممكن تغيرين فيها لو جو قرايبك الي تمونين عليهم خالاتك او عماتك
وتكون معها طقم مفرش وماتكون بذاك السعر المبالغ فيه
........
وخذي لك اربع ملفات الي هي المهاد ومفرشين خفيفه للاستعمال اليومي وبطانيه صغيره
....
وانصكم تكثرون من السداريه توقي ملابس الطفل وماتضطرين كل شوي تغيرين له بس تغيربن السداريه وكافي
وخذي لك فوطه للاستحمام وبكذا تكونين شريتي شي ينفعك وتكرفينه ...
وقبل تتمين الاربعين ب اسبوع
روحي وتقضي للبيبي من اغلى الماركات لو حابه
لانك بتطلعين به فيها ،،،
اتمنى موضوعي افادكم ،،
لكن انا اشتري للبيبي لبس لين عمر 6 شهور , لانني اعرف نفسي ماراح يمديني انزل السوق بعد الاربعين بسبب البيبي
والحمدلله ينكرف اللبس لين يكبر وبعد ال6 شهور ابدا اشتري