انا ودي كل وحدة تعاني من الطالبات وعدم احترامهم تدخل وتكتب خاصة معلمات المدارس الخاصة ........عشان نسوي توعية للامهات اللي مايدرون وش صاير في المدارس وكيف ان الاوضاع اختلفت كثير وانه صار عندنا جيل مايقدر ولا يحترم والسبب الدلع الزايد وتوفير الطلبات والدروس الخصوصية والتوصيل و و و وغيره حتى اصبح الجيل يفتقد للطموح ولا اطفال في رابع ابتدائي يعطونهم اهلهم جوالات تقول وحدة من الامهات انا عيالي معهم جوالات وازيدك من الشعر بيت مايبون بطاقات يقول الواحد منهم انا ماني سواق عشان تجيبون لي بطاقة الحمدلله مادام توفر لهم كل هالرفاهية ماراح يكون عندهم طموح خلوهم يحسون بالحرمان لان الحرمان دافع لهم والله لمصلحتهم

للرفع بمناسبة المدارس ولأن سوء الظن بالمعلم والمعلمة لايزال متفشي لاتنسون انهم اخوانكم في الله ولاتستعجلون في الحكم عليهم وادعو لهم بدل التهجم عليهم وتفاهموا معهم بالحسنى ( قل لعبادي يقولوا لتي هي أحسن إن الشيطان ينزغ بينهم )

اب

سؤال لك اختي الفاضله؟؟
ماهو مصدر كلامك؟؟
من اين جاءتك هذه القصص؟؟
طبعا من ( الطالبات)... فهل انتي واثقة تماما من صدقهن في نقل الحادثة كما حصلت؟؟

السلام عليكم ورحمة الله وبركاته
اما بعد
اولا معلمات اليوم شايفين البنات عبيد عندهم مارح اقول قصه من وين وقصه من وين انا بقول مواقف صارت قدام عيني والله على ما اقول شهيد :بنت في فصلي دخلت مختبر الكيمياء قالت بصوت سمعته المعلمه طفوا المكيف برد طبعا قالتها لزميلتها قامت الابله وثارت ثائرتها وهزئتها وقالت كيف تقولين لمعلمتك طفي المكيف البنت قالت ما قلت انتي يا ابله والله قلت لزميلتي الي جنب المكيف هزئتها وكذبتها واهانتها وخلتها تقول ابله ممكن تطفين المكيف والبنت ماكانت تقصد الابلة موقف يقهر بجد.. موقف ثاني :وفي بنت في فصلي قالت لصديقتها وانتم بالكرامه كلي (..)قامت البنت وقالت للابله ابله فلانه قالت كلي (..) قامت الابله للبنت ايش قلتي لزميلتك قالت ابله اسفه ومارح اعيدها المهم في النهايه بعد الحنه والرنه قالت للابله ايش قالت لصديقتها وحينها ثارت ثائرتها وهزئتها وقامت تكلم الفصل جماعي وتقول انتم وصخين وقذرين ابوكم يعطي امكم وانتم بالكرامه زق تاكله والام تعطي ولدها الكبير والولد يعطي اخته اين خلق المعلمه كيف تبغى احد يحترمها وهي الفاظها بذيئه كيف تكون مربية اجيال ان لله وان اليه راجعون والي تدافع عن المعلمات يا انها نايمه في العسل اوانها معلمه غير كذا مافي وهذا الكلام عام من مخصوص في معلمات قمة في الاخلاق والادب والله اني احترمها واحطها فوق راسي انا والبنات بس قله لدرجه فضيعه الواحده منهم تتخاصم مع زوجها الصباح وتجي تحط حرتها في البنات لا وانسيت باقي موقف ثالث :ابلتنا حقت العربي تكتب على السبوره وكل ماتخلص كلمه ترمي القلم في الارض وتئشر لزميلتي تشيله ماصارت حاله حتى الخدامه مارح تصبر ايش هذي العبوديه لا تعصبونو و ترا منهجي في الحياة البنت الي تقل ادبها تستاهل ان المعلمه تعاقبها بس تقل ادبها يعني تتكلم والابله تشرح هذا يشتتها وغير ذلك لا ان تعتبر المعلمه قلت الادب ان الوحدة تكح في الحصة وتطردها فهذا ظلم حتى منظمة حقوق الانسان ماترضى بهذا وترا هذا صار عند اختي بنت كحت هزئتها الابله وطردتها من الحصه قمة الظلم طيب البنت تعبانه
المهم كفارة المجلس (سبحانك اللهم وبحمدك اشهد ان لا اله الا انت استغفرك واتوب اليك)