ماشاء الله تبارك الله
تمر علي وايد طريقة كيكة الفراشه وصار بخاطري اسويها
بس تبي مناسبه عشان اسويها ويبي لها ناس تاكلها مواسويها وتقعد لي بالثلاجه
العايله ماتحب الحلو واااايد فصار ان بنتي تعبانه نفسيا
قلت اسوي لها كيكه وطلعه
شوي على البحر نوسع صدرها فسويت لها الكيكه فحبيت
انكم تشاركوني فيها
المقادير
كيكة بيتي كروكر الجاهزة
وفواكهه مشكله جاهزه
وعلبه قشطه
وفراوله + وخوخ
وكريمة الدريم ويب
وشرايح اللوز
الطريقه
- نسوي الكيكه مثل مامكتوب على العلبه
- بعد ماتبرد نقطعها من النص
- نخلط علبه الفواكهه والقشطه وقليل من كريمه الدريم ويب العاديه
- نحط الخلطه بالوسط ونشربها بصوص الخوخ
- نزينها بالطريقة اللي انتوا شايفينها
بالعافية
