نور , @nor_158
عضوة نشيطة
بخصوص الناس الي تخطب وما ترجع تعطي الناس رد !!
مرحبا بنات ، كيفكم يالغوالي ..
الشهر مبارك عليكم جميعا حبايبي ،.
الله يوفقنا وياكم للقبول والجنة والعتق من النيران يارب ياكريم ،.
بدخل بالموضوع دوغري واكيد اغلبكم يعاني من هالسالفة !
وموضوعي ما اخص به البنات بلعكس اخاطب فيه الجميع واهل العريس هم الأولى بموضوعي ..
لما اهل الولد يخطبوا البنت بس كلام بين الحريم ع قولتهم ويجوا يشوفوا البنت قبل واذا عجبتهم نقلوا الموضوع للرجال عشان يجوا يخطبون رسمي ،
تجي الام لبيت البنت ومعها بناتها او اخواتها ويمكن تجيب العائلة كلها وتشوف البنت وتقول بنرد عليكم قريب ويطلعون وماعاد نسمع عنهم خبر ولا حتى مكالمة اعتذار ع الأقل يطيبون فيه خاطر البنت ويبينون سبب صرف نظرهم !
والله صار لي كم مرة انخطب وتلاقين الام مزعجتنا ليل نهار باتصالاتها ع الثابت وع الجوال وبكل وقت تخيلوا مرة انا غايبة والام متصلة الصباح صحتني من نومي ، كل هالازعاج عشان يبون يجوا يشوفوني ..
ولما خلصوا ماكلفت حالها ترفع السماعة وتقول مو مناسبة لولدي .. مو الموضوع اني مكسور جناحي من رفضكم والا متلهفة على ولدكم الحمد لله الي كفاني منكم برحمته وفضل ربي واسع ورزقي مكتوب عنده ..
بس ترا الموضوع اكبر ، تصرفكم هذا فيه اهانة لبنات المسلمين ، اهلها ما فتحوا بيتهم محل تدخلوه وتطلعون بدون حتى كلمة شكر ع استقبالهم لولدكم ، ترا كلها كلمتين واهل البنت اكيد بيقدرون وحتى البنت بتقدر لان اصلا الكل عارف ان الخطبة مو رسمية وانها مبنية علا اساس الاهل يشوفوا هي مناسبة لمواصفات ولدهم او لا ، وماراح يكسر خاطرها اعتذاركم .. الي بيكسر خاطرها انكم تخلونها ع اعصابها تنتظركم وما تدري انكم معتبرينها مثل البضاعة طلعتوا لمحل ثاني وتركتوها بعد ما مليتوا عينكم من شوفتها ، واحتسبوا الكلمة الطيبة صدقة ،
ترا احنا مسلمين وديننا حفظ للمرأة كرامتها حتى لاتهان من الرجل شوفوا حتى البنت لما تتملك ويطلقها زوجها قبل لايدخل بها زوجها كتب لها الاسلام حقها الي هي المتعة وبعض العلماء قالوا انها يجب ان لاتقل عن ثلاثين درهم !
والحكمة من تشريع المتعة تطييب قلب المرأة المطلقة ، عند مفارقتها بيت الزوجية ، والتخفيف من استيحاشها بسبب ما يلحقها من مفارقة زوجها ، وكسر حدّة الألم والكراهية التي قد يسببهما هذا الفراق .
شفتوا كيف صان الاسلام كرامة المرأة واجبر الرجل انه يكرمها حتى وهو كارهها ويريد طلاقها ، وتجي انتي المرأة الي تكويناتك الجسدية والنفسية مثلها وتهينيها وتهيني اهلها بكل بساطة !
انا سبحان الله لما يجوني ناس ويسوون الحركة هذي ولو كانوا قمة في الالتزام والاخلاق احمد ربي واشكره الف مرة ع اني ماكنت من نصيبهم واكتشفت سوء اخلاقهم بعد الزواج !!
وسبحان الله كيف يأمنوا الدنيا وعندهم بنات ، مايخافوا يصير لها مثل ماسووا لبنات الناس !
بس سبحان الله كثير من مجتمعنا اصفهم بالجبابرة مثل الزجاجة الي تألم كل شي تضربه بس لما تنضرب ماتتحمل وتتهشم !
مرة حكت لي وحدة تقول احنا لما نبي نخطب لاخواني نسجل قائمة البنات وتروح امي تشوفهم كلهم وماترد ع احد منهم وبعدين تقارن بينهم والي تعجبها ترجع ترد ع اهلها ويروح اخوي يشوفها !!!!
وسبحان الله تدور الدنيا والناس صارت تجي بيتهم وتسوي مثل ماسوت امها والمشكلة الاهل متضايقين عشان كسروا خاطر بنتهم !
شي واحد ابي افهمه انا هي بالنسبة لكم بلوزة والا ساعة والا شنو معتبرينها ، ترا كل بنت تحط باعتبارها من البداية كيف زوج المستقبل ينظر لأهلها وكيف يكرمهم واذا هم اهانوا اهلها قبل لايتزوجوا كيف بعدين لما يمشي العمر !!
اتقوا الله في بنات الناس .. وتعلموا اتكيت الخطبة والا احسن لكم واحفظ لكرامتكم ارجعوا لطريقة جداتنا التقليدية روحوا المدارس والاماكن العامة وشوفوهم واذا ماعجبتكم براحتكم اسكتوا ليوم الدين !
الله عزو جل يقول في كتابه للمسلمين الي يدخلون بيوتهم من الخلف لانهم محرمين (( وأتوا البيوت من ابوابها واتقوا الله )) هذا وهي بيوتهم طلب منهم ان يتقوا الله في دخولها فكيف بالناس الي تدخل بيوت غيرها وما تتقي الله !
اذا قررتي تدخلين بيت الناس فاتقي ربك وادخليه بالمعروف وبتقوى الله ، او شوفي لولدك بطريقة ثانية !
لا والمشكلة ترجع تقول ليه ولدي ما توفق !!
اما حركة انك تجين انتي وطقم الترامس ع قولتهم وتفلينها وتتنقدين ع تقديمهم ولبسهم واثاثهم وتملين كرشك وتطلعين كأنك طالعة من مطعم مايصير يا قلبي ..!
ارجع واقولكم ترا ديننا دين اخلاق ومعاملة وجيلنا جيل صحوة ماتوا جيل ياهيش ويا بيش !!
فاتقوا الله في بنات الناس وما تأمنون دعوة من بنت لو اقسمت على الله لأبرها تدمر حياتك وبيتك وولدك لأنك كسرتي قلبها بتصرفاتك ايا كانت !
فكري بحالتها ترا انت يمكن مامريتي بالي مرت هي فيه والله صعبة ع البنت تدخل على ناس جايين يشوفونها ويفصفصونها من تحت لفوق هذي بحد ذاتها تكفي وخاصة البنات الي يستحون ، والمشكلة اذا كنتي مارة بحالتها وماقدرتي وضعها ، وتجي تكملي عليها بسواليفك الي ممكن تجرحها او تحسسها انك ماعجبتيها او تبينين لها اي شي حتى ممكن هي بسبب توترها تفهم كلامك بشي ما قصدتيه لان انتي مركزة ع ولدك او اخوك بس !
وهي مركزة عليكم انتم ومهتمة فيكم وانتوا مو حاسبين حساب لنفسيتها !
مرة جوا ناس يخطبون من صديقتي وهي متخرجة تقول انو اخته كانت تحكي عن الخطبة والزواج والدراسة وتقول سبحان الله البنت لما تكون تدرس حتى لو كانت في الثلاثين تبين اصغر بعمرها وحيويتها من البنت الصغيرة المتخرجة وجالسة في البيت !
صديقتي انجرحت منها جايه تخطبها وتقول هالكلام يمكن هي ماتقصدها بس لما جا الكلام عن الدراسة ابدت وجهة نظرها !
والا تقول وحدة ثانية جاية تخطبها لاخوها وتسأل امها قدام البنت هذي سارة ؟!!
قالت الام يوو نسيتي اسم بنتي ، اسمها منيرة !!
ام صديقتي ع نياتها تحسب ما خطبوا الا بنتها ماتدري انه في قائمتهم عشرين بلوزة آقصد عشرين بضاعة !!
فطبيعي بينسون اسم بنتها !!
اعتذر ع الاطالة واعذروني ع الفظاظة في اسلوبي يعلم الله ماكتبته الا حبا في الجميع ومن باب انصر اخاك ظالما او مظلوما ننصر المسكينات كسيرات نظرة الناس وجراحهم بسبب تأخر زواجهم وكسيرات اهانة الناس الي يجون يخطبونهم ، وننصر بعد اهالي المعاريس الي يهينون البنات ونقودهم للطريق الصح عشان يتوفقون بناتنا واولادنا للحياة السعيدة بالدنيا والآخرة ..
وعشان مايحاسبهم ربي يوم القيامة ع سبب بسيط مايأخذ منهم جهد ممكن ينزل من قدرهم عند الله تعالى ..
بالنهاية احتاج تعليقاتكم ع الموضوع واتمنى اني القى ولو سبب وجيه لبعض تصرفات اهل الخاطب الي طالعة هالأيام ولاتمت لاخلاق المسلمين بصلة ..
واتمنى من كل قلبي اني نقلت صوتي وصوت بنات المسلمين لمن تسمع آذانهم وتفقه قلوبهم وينتفعون بالكلام الطيب ، ويجي بكره كل بنت تكون مبسوطة وراضية وكل ولد مبسوط وراضي ، ولا تعاقب بكره بنت بسبب جرم ابيها وجدتها او عمتها في بنت الناس قبل عشرين سنة !!
ان اصبت فمن الله وان اخطأت فمن نفسي والشيطان ..
ودعواتي لكل مسلم ومسلمة بالستر والعفاف والزوجات والازواج الصالحين وسعادة الدنيا والآخرة ..
90
39K
يلزم عليك تسجيل الدخول أولًا لكتابة تعليق.
هي الحركة تقهر
بس
الافضل لما واحدة تدق تبي تخطب عندكم تقوليلها ممكن نتعرف على بعض بمكان عام ملاهي نسائية او سوق نسائي وكذا
بهالطريقة مافي احراج للطرفيين
وبيني وبينك صعب اهل المعرس يرجعوا يدقوا ويعتذروا وش تبينهم يقولوا مانبي بنتكم ويجلسوا يعيبوا فيها مع انه يمكن عيوبها تكون ميزة عند معرس ثاني
فاشوف ان سكوتهم افضل
بس
الافضل لما واحدة تدق تبي تخطب عندكم تقوليلها ممكن نتعرف على بعض بمكان عام ملاهي نسائية او سوق نسائي وكذا
بهالطريقة مافي احراج للطرفيين
وبيني وبينك صعب اهل المعرس يرجعوا يدقوا ويعتذروا وش تبينهم يقولوا مانبي بنتكم ويجلسوا يعيبوا فيها مع انه يمكن عيوبها تكون ميزة عند معرس ثاني
فاشوف ان سكوتهم افضل
هي الحركة تقهر بس الافضل لما واحدة تدق تبي تخطب عندكم تقوليلها ممكن نتعرف على بعض بمكان عام ملاهي نسائية او سوق نسائي وكذا بهالطريقة مافي احراج للطرفيين وبيني وبينك صعب اهل المعرس يرجعوا يدقوا ويعتذروا وش تبينهم يقولوا مانبي بنتكم ويجلسوا يعيبوا فيها مع انه يمكن عيوبها تكون ميزة عند معرس ثاني فاشوف ان سكوتهم افضلهي الحركة تقهر بس الافضل لما واحدة تدق تبي تخطب عندكم تقوليلها ممكن نتعرف على بعض بمكان عام...
لا يا حبيبتي مو ما نبي بنتكم يقولون مافيه نصيب والله يعوضها خير ويوفقها كذا السناعه
صاحبة الموضوع الله يجزاك خير وانا معك في كل كلمة قلتيها ، الله يرزقك باللي تتمنينه
صاحبة الموضوع الله يجزاك خير وانا معك في كل كلمة قلتيها ، الله يرزقك باللي تتمنينه
الصفحة الأخيرة
::
حسبي الله ونعم الوكيــل
الحمدلله رب العالمين