بخصوص موضوعي الاول واعترافه لي بعلاقاته هنا التفاصيل

اشكركم اخواتي ربي يسعدكم
بعضكم يفكر اني ابرر له بردودي هذي تبريراته هو ان مافي حرمه بحياته احتوته وانتي غير عنهم حسيت بأهتمامك لي هذا كلامه مو كلامي وانا اتفق معاكم ابد ابد مو عذر وقلت له كذا قال لاتكونين قاسيه 
بخصوص رد الاخوات اللي قالت اني غبيه او ابي اتزوج وبس او ترد رد قاسي لا اخواتي غلطانات
اولا انا مو جالسه بالشارع ولا عاله على اهلي عشان اتزوج اي كلام اقسم بالله العظيم اني انا الان عمري 29 ولا مره سمعت من اهلي كل البنات اصغر منك تزوجوا الا انتي ولا سمعت كلام جارح منهم
خواتي ينخطبون قبلي ولا سمعت كلمه جارحه بالعكس 
ابوي الله يحفظه ويطول بعمره لو اطلبه اي شي يجيني حتى لو سفر تتوقعي اترك ذا كله واتزوج اي زواجه لو اعلم اهلي ما بيطلقوني منه الا خلع بس ما ودي افضحه مهما يكون شي بيني وبينه نحلها احنا واهلي مو من النوع الي يحب يتدخل
وموضوع الغباء ومعرف ايش انا اعتقد اني ما جرحت احد بكلامي ولا كتبت واخترت عالم حواء عبث اخترته لان في عضوات عسل ويعطوني نصايح بدون تجريح انا وحده مالي خبره بالرجال وانا اعترف اني عاطفيه جدا جدا ولا فيني قساوه او حتى ممكن اقرر قرار مصيري لحالي 
اهلي سألوا عن الرجال والكل يمدحه عمي ساكن في مدينته سأل امام المسجد سأل جيرانه وهذا غير ان اهلي يعرفون اهله من زمان وهم ارحام خوالي واكثر من مره خوالي تزوجوا منهم وهم تزوجوا من خوالي
وامي ما استقبلت الحريم الا بعد السؤال والموافقه مني بس هذا الشي وعلاقاته محد يدري عنها لا اهله ولا اصحابه حتى طليقته بتقولون ايش عرفك انه مو هذا السبب قبل الملكه لما سألنا قالوا مشاكل وخالتي متزوجه اخوه الاصغر منه الي من ابوه كلمتها بعد ما كتبت الموضوع وقرأت ردودكم وحلفتها بالله تعلمني الصدق لان من قبل طلاقهم خالتي تزوجت اخوه وعلمتني ان هم متزوجين من 7 سنوات وانا عارفه هذا الشي وماعندهم عيال وكمان عارفه هذا الشي بس الي ما اعرفه انها رافضه تتعالج تقول انت الي فيك عيب مو انا هو حلل وطلع سليم وهي رافضه العلاج لان هي لازم تتعالج عشان تحمل ومو مقتنعه وعاندت ونشرت خبر كذب عنه انه عنده مشكله وضعيف جنسيا وبالعربي قالت مو رجال وهذي الكلمه طبيعي انها تجرح اي رجال عنده كرامه وعشان يثبت انها كذابه طلقها انا عشان ظروفه قبل وفشل زواجه وعلاقته مع طليقته احترت بموضوعي اكثر مع اني كارهه اتكلم معاه وهو حس وموضوعي اللي كتبته مو كله قاله لي بمكالمه واحده الصور قبل 3 شهور كان يرسل الان لا اعترافه لي جاء من سؤالي انا حاولت انبش بماضيه واخر تعارف له عام 33 يعني له 3 سنوات ما كلم ولا طلع مع احد ولما تركهم عالج نفسه لانه جاه ارق وقلق وبس يفكر والحمدالله تحسن وحتى علاجه عند طبيب نفسي طليقته تكلمت فيه عند الناس
وموضوع الصوره للاسف انا فتحت عينه عليها لان والله قالي انه اول مره يصور نفسه بس فتحت عينه عليها لما قلت له صور الرضوض كان قصدي اشوف اصابته ومدى قوتها هذي قبل ما يصارحني وصور الرضوض وكانت بين الفخذ والحوض و واضح مو لابس شي بس عورته ما صورها صور الفخذ والحوض وكان باقي جسمه مغطي باللحاف والصوره الثانيه اللي هاوشته عليها كانت صدره وبطنه و واضح انه ماكان عليه شي بس مو مبين  وزي ما قلت ان اخر صوره ارسلها قبل 3 شهور ولما تكلمت ان ممكن يرسلوا صورهم لك او انت ترسل لهم قال اقسم بالله ما ارسلت لاحد غيرك 
هو صار ينشغل بالمباريات وفريقه وعندهم قروبات للكورة بالواتس دايم مشغول معاهم واي مباراه لفريقه يجتمعون بالاستراحة ويجتمعون كل يوم جمعه فيها حتى لو مافي مباراه للفريق يلعبون بلوت وسوني وسوالف وطبخ يستانس معاهم
انا اعرف وين يروح ومتى يطلع حتى وانا مو معاه بالبيت
صليت الاستخاره وارسلت له رساله طويله اني ما اقدر استمر معاك كلمني مصدوم ويقول فكري زين انا ابغاك والله من قرأت تمنيت اموت ولا يجي يوم اقرأ منك طلب زي كذا انا قلت له من لما قلت لي وانا ابكي حسيت فيني وانا ما اتمنى اموت انا مت خلاص
قال لي يوم الخميس بالصباح هو قال مشتاق لك لاننا لنا 4 ايام ما كلمنا بعض قال لازم اليوم بالليل اكلمك قلت رايحه زواج صاحبتي وهو عارف انيي رايحه بس ناسي يوم زواجها وصار كلام ويمزح معاي ونضحك مع بعض وسألته اسأله عن الحب واول حبيبه اكيد غير كنت اقصد اني انا زواجه الثاني وهو اكيد حب طليقته وكان يكلمها ايام الملكه ويقول لها زي ما يقول لي كذا جاء في بالي ادري غلطانه المفروض ما افكر فيها ولا كيف كانت عايشه معاه الا حكى لي عن كل شي وقال ان الحب الاول ينسى بس ممكن الايام تذكرك فيه اذا تكرر موقف معين بس ما يبقى بالقلب وهنا بدأت اسألتي اذا حبيت او لا انتهينا لما اعترف بكل شي
انا في موضوعي الاول ما حبيت اذكر كل التفاصيل وكم سنه على الموضوع بس في هذا الموضوع قلت لازم اوضح وياليت اخواتي بدل السب له ادعوا له بالهدايه وان ربي يهديه ويثبته