بنت محمد السعود :

كان عندي رد للموضوع لكن لقيت الموضوع رجع لصفحات ورا أو مدري انحذف قلت ماله داعي ارفعه من جديد بس بما أنك كتبتِ هالموضوع خصوصا للرد فراح أقول اللي بجعبتي عزيزتي صاحبة الموضوع السابق كان عندي كذا سؤال أولا : طليقة أخوك موظفة أو لا؟ لأن غالبية السعوديات بلا وظيفة فبالتالي من وين بتصوف على نفسها وعلى بناتها؟! تلاقين أبوها متقاعد يادووب مكفيه راتبه تجي وبناتها ويشكلون عبء ليه ؟! ثانيا: أخوك الحنون الطيب اللي مامثله لما طلق أم بناته وفر لهم سكن يلمهم ومصروف يكفيهم وسواق يقضي مشاويرهم ولا رماهم ببيت أهلها وتخلى عن مسؤوليتهم بحجة بيته الجديد؟! ولما تأخذ بناتها وتقرر ترفع عليه قضية نفقة وغيرها كم راح تأخذ من وقت؟ كم شهر لازم يمر عشان البنات يأخذون٥٠٠ من راتب أبوهم؟؟ فيه بنات يقولون تسجل في الضمان بالله عليكم ٨٠٠ ريال بتكفي وحدة وبناتها أكل وشرب ولبس وطلبات مدارس؟؟ ثالثا: ظروف بيت أهل أم البنات كيفها؟! يمكن البيت كبير وفيه عيال أخوها وزيارات من أخواتها وعيالهم و و و فراح تخاف على بناتها وتخاف تصد عنهم ويجيهم شيء لاسمح الله غير كذا ممكن يوكون والدينها كبار سن ومايتحملون الإزعاج فوش تسوي ساعتها ؟! وبالنسبة لكونها ماتبي تشوفهم احتمال كبيير ماتبيهم يتعلقون فيها وهي ماتقدر تأخذهم تبيهم ينسونها شوي عموما ظروف الناس تختلف وعيب نحكم عالناس من منظرونا الخاص وحياتنا الخاصة كلن في قلبه مايكفيه من هموم فلا تجون تزيدونهم هم وبالنسبة للدعوات فالله سبحانه عاادل والدعوة على قد الظلايم فياويل اللي تتعدى بالدعاء من الله بتلاقي أثر دعوتها بدون ماتحس .

كان عندي رد للموضوع لكن لقيت الموضوع رجع لصفحات ورا أو مدري انحذف قلت ماله داعي ارفعه من جديد بس...