يا ويلي يا بنات
ذاك اليوم جتني روعه
بغيت استخف
لي الحين وانا فيني ام نفاضه
والله ما عينت خير من طلعت هالبر
اسمعوا السالفه
نايمه بخيمتنا ما فيه احسن مني
كافيه الناس خيري وشري
وبعز النومه
الا احس بخرفشه عند راسي
شي يدبي عن شعري
وافتح عيني
ولا الدنيا خرمس <<<<<يعني ظلمه
هم بالعاده يطفون الماطور الساعه 3 او 4 فقلت يمكن الحين الوقت بهالحروه
واقوم اتحسس واتسمع
ماكو شي
على ما غمضت عيني
الا الخرفشه مره ثانيه
وافتحها واتعوذ من ابليس واهله
وما تكون مره الي ما يطري لها الشينه قبل الزينه
واذكر ان عيالنا الشواذي الصبح قاعدين بلعبون بالجحور الي حول المخيم
قلت ابد
هذا اكيد داب اذوه هالمجهله الملاقيف
واقرب خيمه له دخلها ولقا الدفا
وتجيني نفاضه
تقولون موبايل محطوط هزاز
وقعدت احاتي المقروده الي على يساري
بنت اختي عمرها ثلاث سنين ونص نايمه وراها امها
وانغز البقره الي نايمه على يميني
ما حست جان ارد انغزها ما قامت
الاارفسها برجلي ذيك الرفسه الي قومتها
واقولها فلانه : في شي عند راسي
راح افتح ليت تلفوني وشوفي شنو
وتقولي انزين ردي نامي <<<<<< الغبيه على بالها اتحلم
يا ويييييييييييييييييييييليييييييييييييييييييييييي
احر ما عندي ابرد ما عندها
ولا ادخل يدي بين مخدتي ومخدتها واطلع تلفوني
عندها درت اني واعيه مو نايمه
وفتحت التلفون وشافت
ولا تصرخ ذيك الصرخه الي قعدت الي بالخيمه كلهم
جربووووووووووووووووووووع
والا انا افز من مكاني واصرخ
بــــلـــــعــــــــنـــــــــتـــــــــــــه
امي وابوي واخوي الصغير وخواتي
كلهم فزوا مخترعين شنو الي صار
اما انا قعدت اضحك ضحك
من الروعه
ويقوم اخوي يشغل التريك الي عنده وخواتي بعد شغلو التريكات الي عندهم
وامي جتني تسمي علي وتشربني ماي على بالها يا حياتي هي انه ماشي علي
ويقوم اخوي الصغير ويشغل الماطور الا الساعه توها ثنتين الا ربع
واستغربت شعندهم مطفينه مبجر
وتقوم اختي تخم بنتها وتنحاش للخيمه الثانيه وراح معاها اخوي
ونقعد ندوره وندوره ما حصلناه مدري وين اختفا
ابوي وامي ردوا نامو ولا جنه شي صار
خواتي عديمات الاحساس ردوا نامو بعد
قعدت انا الليل كله اتحسب على هالجربوع
وقعد الشيطان يلعب بعقلي
واتهوجس انه بفراشي وانه يدبي على رجولي
وكل ما غمضت عيني احسه يلعب بشعر
مع انه الماطور مشغل يعني ما راح يطلع بالضوء
بس الشيطان اعوذ بالله منه قعد يطري علي كل شي
ما قدرت انام طول الليل
حسبي الله عليه
نغص علي نومتي وطلعتنا
قعدت ما اعرف انام
وكله يتهيالي
مدري منو الي حاسدني
ولا نفسه بالطلعه وما حصلت له
بس والله اني لي الحين كل ما تذكرت الي صار
اقعد انتفض
وحتى وانا بالديره مو سالمه
اذا جيت انام تلاقوني انفض الفراش الف مره
واطل تحت السرير اتاكد اذا فيه شي
طلع النوم من عيوني الله يغربله انشاءالله
مدري هالملقوف شمدخله الخيمه ؟؟؟؟
وشمعنا خيمتنا من بد هالخيام الي بالمخيم ؟؟؟؟
انا يا دوب الحين الحين اعدل البشره الي خربها البر
والله يعطي البنات بركن العنايه بالبشره كل خير
ما قصرو من نزلت الموضوع والكل قاعد يعطيني خلطته
الحين اروح اطلب شلون اشيل الهالات السود
لان عيوني تقولين احد مكفخها بوكسات
وبيقولون هاذي مصختها
عطيناها وجهه وابتلشنا
بس والله بلشه
عساكم ما تذوقون الي ذقته
لولو كاتي @lolo_katy
كبيرة محررات
بخيمتنا....................... .............................. .........................
23
2K
يلزم عليك تسجيل الدخول أولًا لكتابة تعليق.
بودره
•
ههههههههههههههههههههههاي ياحلوكم على هالنومه بالبر
شي طبيعي ينقزون هالكائنات خخخخ وععععع هههههههه
بس تصدقين هذي ذكرى ىتنسى وناسه ههههههههه
شي طبيعي ينقزون هالكائنات خخخخ وععععع هههههههه
بس تصدقين هذي ذكرى ىتنسى وناسه ههههههههه
الياف
•
هههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههه
والله مالومج ياقلبي انا بالبلاد مااطفي النور اجل وش اسوي بالبر اوووووف بلاوي
والله مالومج ياقلبي انا بالبلاد مااطفي النور اجل وش اسوي بالبر اوووووف بلاوي
الصفحة الأخيرة
انا تدرين وش عبالي !!
قلت يمكن حرامي << وش يجيب الحراميه في البر هههه قلت حرمي البيوت غير حرامية الخيام << لفقيها هههههههه
يسلمووووو خيتووووووو
تحياتي ..