شفتي الكلام هدا كله قوليه لزوجك. ممكن يحس يغير من الناس. فيه ناس كدا احساسهم بارد مافي غيره وتحفيز للنجاح بس اكل ونوم ودوام وديون وقروض ع الفاضي. كوني مع زوجك انصحيه بحماس وتشجيع عيشيه جو لو كنتو مرتاحين ماديا قولي له ماتحب تكون عندك سياره فخمه نسافر عيالنا يعيشوا افضل حياه. فضفضي لزوجك حسسيه انك منكسره جدا. سوي نفسك مستحيه تروحي حتى لاهلي قولي لا مكياج ولا لبس. وبنفس الوقت مو بخصام وصريخ. لا. خليكي امامه حزينه وهاديه ممكن يحن ويتحرك. اما بالخصام والصريخ بيعاند. كثير من الرجال كدا سيء تصرف.

الرجال اللي طول وقته ديون و قروض على الفاضي هذا انسي انه يكون نفسه بنفسه ينتهي العمر و هو ارض لعياله مادبرها فلازم يكون له مدبر اعمال او حد مايكسر كلمته يمسك فلوسه.
والرجال السعودي نادر يتغير تمر السنين و هو نفس الافكار فمالك غير تتوظفين

كل العالم عندهم ديون وقروض مو لحالكم .. لكن الواحد يصبر .. وكلمي زوجك ماياخذ قروض خلاص ، انا زوجي راعي قروض عادي ياخذ قرض ٥٠ الف عشان يسافر بس مايفكر بالعواقب .. لما تزوجت كان عليه ديون ولحد الحين يسددها وخلاص اقنعته انه ماياخذ قرض مره ثانيه عباطه


انتي اصبري لين تخلص ديونكم وبعدها بتزين اموركم ان شاء الله

فيه شيء في علم النفس اسمه الاسقاط يعني الواحد يرمي أسباب مشاكله على غيره
يا اختي أكيد يوم خطبك أهلك خبروك وضعه؟فليش تلومينهم؟أنتي وافقتي يعني الحين لو رفضتي بيكفخونك عشان توافقين ما ظنيت!وهم ماهم دارين إنه ماخذ قروض ولاغيره وماهم هم الي جابولك فقير وجابوا لأختك غني!!
أقدار من رب العالمين فطريقة تفكيرك هذي غريبة جدا صدقيني لو نصيبك الغني ونصيب أختك الفقير بيعارضون؟جوهم خطاب لبناتهم وشاوروكم وزوجوكم هذا غاية مايقدرون عليه ما بيروحون يكتبون على باب بيتكم لا يقترب منا إلا خاطب غني!!!
فانا صراحة أكره من يعفي نفسه من تحمل أي مسؤولية في قراراته ويرميها كلها على غيره..
نجي الحين لحالتك معلش أنتي الآن فكري بس في الضروريات خليك من مطاعم وسفريات عشان ماتتعبين تري والله مو كل الناس يسافرون ناس حتى حدود مدينتهم مايتعدونها فإذا بتفكرين في ذي الأشياء الكبيرة بتتعبين الحمدلله على نعمة إن الواحد يمسي معافا في يربه ويملك قوت يومه لكن أسأل الله أنها تتحسن أوضاعكم قريبا اقرئي سورة الواقعة كل يوم وادعي ربك وفيه ناس مرضى وفقراء جدااااا فلا تحسسين نفسك وعيالك إنكم مساكين وإن غيركم أحسن منكم تري الغنى غنى النفس والفقر مو عيب الفقر فقر الأخلاق كم شفنا من ناس معاهم أموال الدنيا ولا فيهم شرف ولا عندهم كرامة ولا مروءة والكل كارههم لكن يأتي الله بالخير وتتحسن الأحوال

مثل ماقالك اصبري انا كنت مثل وضعك وبعد10سنه الحمدلله تبدل الحال صار عندنا بيت ملك واثاث وسياره جديده واي شي ابغاه مايقصر وصرنا نسافر عشان كذا لاتياسي وربي بيعوضك واهم شي هو حاس فيكم وقالك اصبري احسن من اللي يقول هذي عيشتي رضيتي ولا الباب يفوت جمل استغفري كثير وادعي ربي يرزقكم في كل صلاة وربي يفرج همك ويرزقكم من حيث لاتحتسبون