لا بالعكس تري الي انا شايفته ان الحريم السعوديات صاروا يصرفون على أزواجهم وبيوتهم الحين

الله يفتح لكم ابواب رزقه
حبيبتي انتي تقولين اشتغلتي في البيت طبخ وانكسر ظهرك وتعبتي !!! يعني زوجك وهو في الدوام يصحى من صباح الله ويوم يرجع ما يكون انكسر ظهره .. !! يعني وهو في الدوام ينام ويريح!!!
حتى هو مضغوط من العمل والكرف واوامر مديره ومشاكل الموظفين هذا حال الدنيا واللي يبي الرزق يتعب
كل اللي يشتغلون يتعبون وينهد حيلهم هد .....
انا انصحك وبقوووه في التجاره خصوصا تجارة الاكل ..بما انك اشتغلتي فيه من قبل فأكيد اكتسبتي خبره وعرفتي الناس على ايش يقبلون اكثر ويطلبونه اكثر ... والتجاره مبارك فيها كثيييير اي كانت المهم انه تجارة شي حلال .. وفي حديث عن الرسول عليه الصلاة والسلام في ما معناه ثلثي الرزق في التجاره .. انصحك ارجعي ارجعي للتجاره اشتغلي شهرين ثلاث لين تجمعين مبلغ بعدين ريحي شهر واستمتعي بالمبلغ اللي تحصلينه اني وعيالك وريحي شهر بعدين ارجعي .. وربي غني كريم بيغنيك ( و وجدك عائلا فأغنى) وكثير ناس اغتنو بعد فقر ... اعرف وحده كان زوجها سكرتي وعايشين في ملحق غرفه وحده ومطبخ صغير وحمام .. بعد سنين ربي فتح لهم ابواب الرزق صدق ماصارو اغنياء بس تحسن وضعهم كثير حتى شغاله عندهم... لاااا تبأسين ابدا ابدا .. واعرف ناس والله من كثر حاجتهم كانو حتى في العيد ما يطلعون من بيتهم لان حق بنزين ماعندهم وهذا هم الحين توهم رجعو من تركيا سافرو سياحه .. الامل بالله كبيييير
والله يرزقك ياااااارب

شفتي قصه العضوه اللي زوجها يزعل شهور ومايعطيها وجهه لأهي ولا عيالها تدرين عندها بيت وشغاله وحالتهم الماديه ممتازة وفي هالاجازه ودها تسافر بس زوجها يتزعل عشان مايوديهم ولا يجيبهم ومرة شافها طايحه تعبانه ولا عبرها متعبها نفسيا حسبي الله عليه والله يكون بعونها بس شوفي أن الفلوس مو دايما تكون كل شي

هذا نصيبك من الدنيا اصبري حنب زوجك وربي ارحم فيكم من انفسكم صح هو كقصر بس لو الحال بيده كان عطاكم ويمكن هو يحرم نفسه عشان يلبي طلباتكم اوقفي معاه بالسراء والضراء هذا نصفك الثاني لا تشوفين من ناحيه السلبيه شوفي الاجابيه وعيشي حياتك انتي ما تعرفين عن زوج اختك الا انه غني ما سألتي نفسك هي يمكن متضايقه من شي ثاني احمدي ربك واشكريه على كل شي 😊

انا اشوف ان السفر صار في هالزمن من ضروريات الحياة
لان ظغوطات الحياة زادت و غلاء المعيشة كاتم على انفاسنا
فما فيها شي نحوش مبلغ الفين او ٣ الاف من رواتبنا كل شهر تكون مخصصة للسفر
ولو حتى اقترضنا لاجل السفر مافيها شي مرده بيتسدد
العمر واحد و فاني ليش مانمتع نفسنا
ليش دايماً نقول اقنعوا وهذا نصيبكم وبقلوبنا غصة و حسرة؟؟؟
عموماً ربي يفتحها عليكم ياصاحبة الموضوع وتبشرينا