بديل لمزيل رائحة العرق والمواد الكيماوية أنا مستخدمته + كريم طبي فتح لي المنطقة

السلام عليكم أخواتي
أنا تقريبا من شهر شعبان وانا منقطعة عن مزيلات العرق الكيماوية
في السنوات الاخيرة وللآسف كنت بشكل يومي استخدم
مزيل العرق اللي اسمه ( lady speed stick )

وكنت اول ما اشيل بالحلاوة أحط هذا المزيل وأكيد نصكم يستخدمه
وبعد فترة شفت السواد الشديد واتعديت مرحلة اللون البني بأشواط

وهنا بدات المعاناة والفرفرة في المنتديات وللآسف كلام كثير
ومافي شي فادني لما لقيت كلام احدى الأخوات جزاها الله خير
وغيرت الوصفة باللي يناسبني

والوصفة جدا بسيطة وفي كل بيت

اللي هيا الخل والليمون !!!!!!

أيوة خل وليمون

الطريقة
علبة بخاخ للرش جديدة مو مستخدمة من اي شي
مو حقت بخاخ التنظيف لا
العادي اللي ينباع بآي محل تجميل

وتعبيه ماء فاتر لقبل الاخير و اقرب للنص
وتحطيه لنص علبة الرشاش خل
اي نوع خل لكن الافضل والاقوى
اللي استخدمه الخل الاسود
و عصير اربعة حبات ليمون
( طبعن تصفيه من البذور والقطع الصغيرة اللي بداخل الليمون )
وتحطيهم سوى بالعلبة وتحركيها فترة وبكذا يكون عندك مزيل عرق

وتستخدميها طبعا بعد الحمام لما تكون المنطقة نظيفة
وحا تكون ريحة الخل قوووية لكن اصبري خمسة دقايق
والريحة تختفي


وقبل النوم ساعات استخدم مرهم اسمه بيتادين اعتقد سعره 7 ريال او 9
بس حطي كمية قليلة لانه يوسخ الفراش
وفائدته يقتل البكتريا المسببة لرائحة العرق
( تقدري ما تستخدميه براحتك)

اما كريم التفتيح اللي استخدمه اسمه سنسي كلير
موجود بكل الصيدليات سعره حوالي 179
تقدري تقرآي عنه كيف يمدحوه في باقي المنتديات
وصراحة من بدايات شوال بديت استخدمه
30 % شفت التغيير والحمدلله قاعد يفتح معايا
وباقي النتيجة النهائية والحمدلله جدا مناسبني

وبين فترة والثانية امسح تحت الابط بالمسحة الطبية
ومرة كويسة كلنا نعرف انه المسحة الطبية عبارة عن كحول
تقتل الجراثيم

اتمنى يكون موضوعي أفاد لو عضوة ممكن
والحمدلله