بدي استشيركم بموضوع زوجي واخوه الصغير

السلام عليكم ان شاء الله الجميع بخير
رح افوت بالقصه على طول
متل مابتعرفو رمضان ع الباب وان شاء الله كل عام والجميع بخير

كنا عم نحكي انا وزوجي عن رمضان وقلتلو اول اهلي رح يعزمونا :) قالي ان شاء الله كويس يعني اول يوم جمعه وافطار رح تكون حلوه

وقلتلو تاني يوم ان شاء الله رح نعزم اخوك ...
(( طبعا اخوه اصغر منو يعني زوجي كبير العيله ومافي هون غير هوه واخوه .. بس من شي سنتين صارت مشكله بيني وبين زوجتو وقاطعتنا طبعا الحق عليها 100 بالميه لانو غيوره وانا سلفتها الاصغر فلازم كانت غيوره وعملت مشاكل وافترت علي و قاطعتنا على اساس تبين انو معها الحق وبعدين انكشف الحق انو معي الحمدلله بس زوجها قلل كتير زياراتو لاخوه ولبيتنا مع انو زوجي ضل عم يزورن كل جمعه لحد الان بس هوه قلل كتير ))
المهم قال زوجي مارح اعزمو لانو خلص علاقتنا انا وزوجتو اخدت منحى تاني وقلي مابقدر اقلو تفضل لوحدك
قلتلو ماتقلو تفضل على الافطار لحالك قلو انو تفضلو على الافطار وازا اجت خلص هيه ضيفه وازا ما اجت براحتها
وقلتلو انا مارح ارجع العلاقه معها متل اول بس انو رمضان استغفر الله كمان الواحد مايوصل اخوه

قلي زوجي بكرا لو عزمناهم رح تقول بين الناس انك ركضتي وراها وعزمتيها برمضان واعتذرتيلها وتبين الحق عليكي و ترجع تفتح المواضيع ..

وخلص قرر مايعزم اخوه

مابعرف ... انتو ايش رايكم لو اصرت عليه ممكن يرضى هوه بس جد خايفه لتكون تقول للناس اني عزمتها وبدي اصالحها
وانا مابدي شي من هيك يصير وهيه ممكن يطلع معا فعلا هيك كلام

بس قولتكن اصر عليه لزوجي واخليه يعزمه او اسكر على الموضوع:26: