dianah840 @dianah840

محررة فضية

بدي مين يخفف عني ويدعيلي

السلام عليكم

خواتي انا بدي اكتب للفضفضة صعب انكم تساعدوني او تعطوني نصائح لانو مافي اشي لا بايدي ولا بايد حد كل اشي بايد الله ما بطلب منكم غير تدعولي وتخففو عني

من البارحة مخنوقة واعدت ابكي ابكي بطريقة جنونية رحت صليت وقرات قران ما غفت عيني غير الساعة 3 الفجر يا دوب نمت ساعتين وطلعت عالدوام ولساتني مخنوقة حكيت اجي افضفض لخواتي الحوائيات
بركن يدعولي ويهونوا علي

اموري كل مالها بالنازل كل مرة بحكي بكره بكون احسن بس بسير العكس ..كل ما يجي شعاع امل بختفي عطول

كانت عندي احلام وامال كتير كبيرة بس اتزوج بس كل احلامي تبخرت
مو عارفة من وين ابدا

زوجي متفنش صارلو6 اشهر ما خلا مكان الا راح قابل ما خلينا واسطة او معرفة لاخر امل كان البارحة لقينا وظيفة وراتبها حلو بس الماساة بتبعد عن بيتنا مسافة ساعتين ونص بالسيارة ..كتير محتارين شو نعمل الايجارات بهديك المنطقة غالية زي النار يعني اذا الراتب 10 الاف بدنا نحط 7 الاف بس ايجار ..وكتير صعب عليه كل يوم يروح ويجي بالسيارة راح يطلع من الفجر ويرجع بالليل عطول ينام من التعب ..وانا وقتها شو راح يسير في؟ بس راح اشوف زوجي بالويك اند كنت متاملة بهاي الوظيفة بس حساها راح ترجع حياتنا ميت خطوة لورا

اجاني امل جديد بالحمل اديش دعيت اني احمل وضليت على الاسغفار وقراءة القران والحمد لله بعد اجهاضي الاول حملت بس فرحتي ما كملت اسبوع ورجعت اجهضت مرة تانية نفس المرة الاولى وااااااااخ عوجع قلبي
صعب حلم تستنيه ويتحقق بعدين يروح منك بغمضة عين ...الحمد لله على كل حال

اشتغلت وتعبت وجمعت فلوس لاكمل تعليمي بالجامعة وارجع للطب الي تركاه سنة ونص بس كل الكراسي مليانة وراح استنى كمان 8 شهور يعني راح اتاخر كتيييييييييييير ..كل الي كانوا بدفعتي سابقيني ما ضللهم غير سنة وخلاص يشتغلوا رسمي وانا لسة ادامي 3 سنين بالراحة لاخلص

كنت متاملة بس اتزوج تتحقق كل احلامي كل اماني راح يجي فارس الاحلام يدللني ويطلعني واسافر واعمل شغلات كتير بحياتي بس للاسف ولا شي من احلامي تحقق حتى بشغلي انا الي بصرف عحالي من الراتب بدي اشي لازم اعد اشتغل عشان احوش عشان اقدر اشتري ابسط فيها الموبايل بدي اغير موبايلي مو قادرة اطلب من زوجي انو ما بشتغل لازم احوش عشان اقدر اشتري ... احيانا بسال حالي ليش تزوجت بس عشان زوجي ياكلني ويشربني ؟؟ طيب ما انا كنت ببيت اهلي بشرب وباكل وما بشتغل بالعكس بابا بيعطيني مصروف وكمان سيارتو اطلع فيها وقت ما بدي ووين ما بدي

بحس حياتي شغل بشغل بشغل بشغل بس مسؤولية وكل مالها اعده بتزيد علي ...بطلع من الصبح عشغلي برجع المغرب ببلش شغل بالبيت من طبيخ وتجهيز وتنظيف وجلي وكل هدا زوجي متمدد عالفرشة ما عندو استعداد يشيل الجريدة الي اكلنا عليها انو هاي مسؤوليتي انا انا وزارة الداخلية وهو وزارة الخارجية ...والله احيانا بكون مهدودة رجلي ببطلوا يقدروا يشيلوني من كتر التعب

الطلعة محصورة بيوم واحد بس بطلع فيه اذا صار أي شي بهدا اليوم وراحت الطلعة خلاص لازم استنى للاسبوع الي بعدو ..مستحيل نطلع خلال الاسبوع حتى لو فاضيين ما عنا اشي بس لا بحكيلو خدني على السوق الجديد الي جمب البيت بحكيلي تعبان ومو جاي عبالي بعد ربع ساعة بتصل فيه صاحبو تعال نطلع عطول بقوم يلبس خلاص هلا صار جاي عبالو يطلع..صحباتي ما شفتهم من 8 شهور كل مرة بتصلوا بدنا نيجي عندك او تعالي نطلع هو بحكيلي لا ممنوع الطلعة بدهم اياكي بيجو عندك بالبيت طيب متى بدهم يجو يعني يوم الاجازة كل وحدة مشغولة مع اهلها..اديش كنت اموت بالسوق كل فترة زواجي ما دخلت السوق غير مرة وحدة كانت على عيد الفطر ويادوب ربع ساعة بسرعة بسرعة شريت بلوزة وانا كمان الي دفعت حقها..والله شي بقهر

كنت احس الاشي الوحيد الحلو بحياتي هو زوجي بحبني وحنون معي ...بس هلا عم بحس بدو يطلع من البيت باي طريقة بس بدو يروح يوعد على القهوة مع الشباب وبرجع باخر الليل ريحتو بس سجاير ((وهو ما بدخن اصلا)) ...يعني والله هدا الاسبوع ما اعد معي غير يوم واحد والباقي كل يوم ما بشوفوا غير نص ساعة او ساعة وباقي الوقت بره ..وانا بس من شغل لشغل.. طول اليوم هو بالبيت بس ارجع انا عطول بياخد السيارة وبطلع وبس اتكمل احكيلو بدي اشوفك بحكيلي يعني الا هو هاليوم بدي اطلع فيه وانا اخنقت من البيت بدي اطلع بدي اغير شوية جو

كتيييييييييير مقهورة وكتيييييييييييييييير نفسيتي تعبانة والله اجتني فترة قلبي صار يوجعني لما اتنفس

لساتني باول عمري ولساتني باول حياتي الزوجية وبحس حالي بدخل من هم وبطلع من هم

اسفة اذا طولت عليكم بتمنى انكم تتحملوني وتتحملو كلامي ...بس محتاجة مين يخفف عني

و طمعانه بدعاءكم

يلزم عليك تسجيل الدخول أولًا لكتابة تعليق.

تسجيل دخول

في منتهى الرقه 2 • 14 سنة

الله يفرج همك يارب وهم جميع المسلمين

دل مي • 14 سنة

يآروحي هونيها وتهون
وحاولي تكلمين اهلك وتاخذين رآي أمك وأبوك
وإستخيري
واذا تشوفين الإنفصال هو الحل انفصلي

بروره2 • 14 سنة

اذا اشتغل زوجك وانت حملت وولدت وجلست في البيت بترتاحي وتقدوي تعزمي صاحباتك
اما موضوع دراسه الطب هذا موضوع ثاني يبغاله تكتيك مختلف ومساعده وكمان تأجيل الحمل
كل حال بعده غيره
والصبر طيب

حلا11 نجد • 14 سنة

الله يفرجها عليكم

اللي يقاعد يصير شئ طبيعي ولازم تتحملين

كلنا نعرف ان الفراغ مفسدة

اذا اللي لاهين ومشتغلين فاسدين وش بالك باللي فاضي لا شغل ولا مشغلة

حبيبتي اهم شئ لا تحملين نفسك المسؤولية

هذا دوره هو مو دورك البحث عن الرزق والعمل مهمته مو مهمتك

حطي الامور على نصابها وبيني له انه لازم يكد ويتعب ولا هذي مو حياة طبعا انا ما افسدك على زوجك بس خليه تنبيه يمكن الله يهديه

الله يفرج عليكم ولا تنسي صلاة الليل

dianah840 • 14 سنة

اختي (( دل مي)) مافي داعي للانفصال اصلا ما فكرت فيه..انا سالت حالي انا ليش تزوجت صح من القهر الي في ومن احلامي الي تحطمت ..بس عمري ما فكرت اني انفصل

انا ما بدي بكلامي اظلم زوجي حرام الله بكره بحاسبني عكلامي زوجي الحمد لله انسان حنون واخلاق بس هي الظروف الي ماشية عكسنا الحمد لله كانت احوالنا مرتاحة لما كان يشتغل بس بعد ما تفنش صار الوضع كل مالو بصعب ... واعدت البيت لرجال كتير صعبة خصوصا لما ما يكون بشتغل وتكون عليه كتير مسؤوليات بسير بس بدو يهرب من الواقع الي هو فيه..وهي شغلة بش بايد الواحد...هدا قضاء من الله