برامج الطبخ على القنوات التلفزيونيه ..شاركي حتى نستفيد جميعا ...

السلام عليكم ورحمه الله وبركاته

طبعا ما لنا غنى عن اطباق عالم حواء ...لكن من مشاهدتي بالصدفه لبرامج الطبخ على التلفزيون

شفت انه لما تشوفين الاكله والشيف او مقدمه البرنامج يسويها جدامك غييييير عن لما تقرأين الوصفه او تشوفين الصور بس ,,,,

لذلك فكرت نتشارك جميعا في وضع اسماء ومواعيد عرض برامج الطبخ اللي نعرفها حتى نفيد ونستفيد كلنا....اشرايكم ؟؟


اسمحوا لي ابدأ:-

1 - قناه قطر ...برنامج ( المائده ) للاخت عائشه التميمي
يعرض يوم الجمعه الساعه 10 صباحا ويعاد السبت الساعه 9 صباحا توقيت الكويت
وهو برنامج ممتاز وتعرض الاكلات بالتفصيل جزاها الله خير


2- قناه النيل للاسره والطفل ..فيه برنامجين :
برنامج ( من كل بلد أكله ) تقديم شريف مدكور يستظيف كل حلقه شيف مختلف
اللي شفتهم الشيف حسن - الشيف الشربيني - مدام هناء -الشيف أيمن
يعرض يومين بالاسبوع
الجمعه الساعه 3 ظهرا ويعاد الساعه 7 مساء ..توقيت القاهره
الاحد الساعه 2 ظهرا ويعاد الساعه 6 مساء
بس ان شاء الله تقدرون تلحقون على الشيف حسن والشيف الشربيني !! لانهم ما شاء الله يشتغلون
بسرعه ويسون كذا طبق بالبرنامج ..

وفيه برنامج ( حلويات ) الشيف بسيوني فتحي
الساعه 6 مساء توقيت القاهره انا شفته السبت وما ادري اعتقد كل يوم او يوم وترك ؟؟؟
بس حلويات بسيطه ...لكن عيبه التصوير في مكان مو واضح كأنه مطبخ شقه !!



3 - قناه الشارقه ..برنامج ( مأكول الهنا ) الشيف انطوان الحاج
يعرض يوم الاثنين الساعه 4 العصر
شفت حلقه واحده منه وعجبني لانه يذكر السعرات الحراريه لكل طبق ..

4 - قناه المجد .. برنامج ( أطايب ) اعتقد اسم الشيف فوزي شمس الدين
يوم الخميس الساعه 10 صباحا
ويوم الجمعه نفس الوقت ( ما ادري اعاده او حلقه جديده ) لاني ما اتابعه يوم الجمعه صار لي جمعتين اشوف الاخت عائشه ...

هذا اللي اعرفه بالاضافه الى ما عرفته من الاخوات :-
5 - (( عاشقه البر )) قالت لي عن برنامج يعرض على قناه السعوديه الاولى لكن ما تعرف الاسم او الوقت !!

6- (( rokah )) قناه m2 المغربيه برنامج (أطباق شميسه )الاكل المغربي
كل يوم الساعه 4.45 عصرا توقيت الامارات
انا شايفه هالبرنامج وايد حلو ...تستظيف كل حلقه اخت مغربيه فنانه بالطبخ وتقعد تطبخ بالطريقه القديمه على الارض تحط طاوله صغيره .. بس والله شي وايد حلو

7 - (( ام العلاء )) قناه دبي برنامج ( مع أسامه أطيب ) من السبت الى الخميس
الساعه 1 ظهرا توقيت دبي

يا ليت تشاركونا بالبرامج اللي تعرفونها ..
وتسلمون يا رب ..