طيراني لبا قليبها
طنقط طنقط <<قال صوت طق
هلا عاشووو وجعل من لامني جعله حسير كسير
هي وهايو هيا هااها هيا وهايو هو هو هو
اليوم جانا الزين ياهلي حيووه
حلم يراودني منذ الصغر
انبطح على سريري وانفخ على غبار دريشتي واتخيل نفسي
طقاقه:icon20:
ولا واانا بالحمام اقعد اطشطش وادهر بخشمي واتخيل اني عندي فرقه <<طموح جميل
وعلى قلبوووووو وتنكس
<<رمضان يامال ابو زليغه اعقلي
مسهم بالخير
حيالله الوجيه الودره <<امزح امزح محدن منطرد اليوم
اخباركم ياللحوج <<محدن لحجي غيرتس يا ام قمله
بصراحه اني من زماانن عنكم اشتقتلكم يمل العافيه ادري محدن اشتاقلي وفرقاي عيد بس ناشبه ناشبه
في احد ايام رمضان قلت تسنعي ياكنيد وراتس بس اكل ومرعى
وقلة صنعى
متبطحتن طول النهار همن لاجى الفطور محدن لحسه الا انتي
قلت خلن اتسنع شوي <<ليتس قاضبتن ارضتس وماتسنعتي
وافكر ياكنيد وش تسوين خطر فبالي ان اسوي حلى لان مابه تعب كله بربسه ولفق ومريس وفعص <<محد لوع تسبودكم
ادري ان محدن بماكله مالهم خلق يتسدحون بمستشفيات الحكومه ويفطرون لزوم التسمم وهمن يصير عليهم قضى بس ماعليه ان محدن كلاه ترى بطني ياسع بقر:icon20:
بعد تفكيرن طويلن عريض الا ويطري على بالي كيكة بتي كروكر <<هذا اللي طلع معتس يابو تكرن
المهم وانقز وطلبها
همن خذيتها واركض بها المطبخ <<مدهره ابو تكرن
واشوف وكبها بغضارتن مخيسه
واشوف المقادير بالكرتون مكتوب 11. فاصله مدري كم ماء
وتروح اختكم بالله تكب 11 كاس ماي فوقه
حطيت عشره قلت يابنت لازم تحطين المقادير بالظبط 11 يعني خلاص 11<<تعلموا الاخلاص بالعمل
وكاس وربع زيت <<ماعينو خير
همن يوم جيت اخلطها بخلاط الكيك يومن تطشر :icon20:
يومن اعصب واقعد اغفصها بيدي
حطيتها بصينيه الكيك وزاد واجد بغضارتي <<في ذمتي مالومها 11 كاس
قلت خن اصير سنعه واحطه بالثلاجه قلت يمكن تعجبهم كيكتي
وويتهاوشون عليها الا وعندي باقي اسويه اسد بطونهم
يوم خلصت واحطها بالفرن يوم قامت تبقبق تغلي :icon20:
رحت اسئل اميمتي <<بغت تنجلط طلع من 11 كاس الا كاس وربع
الله لايعودها كيكه صارت فضيحتي بجلاجل
اعلان
تعلن شركة كنيد عن نزول احدث التشكيلات الشتويه من سروال خط البلده
هاافات سنه _جلابيات زري _طواقي ام هلل
للطلب زورونا على موقعنا
دبليو دبليو دبليو كنيد جلنبو دوت تبن :icon20:
المهم في احد اول ايام رمضان كنت في بيت عمامي
كنت معيده <<ظربت المدفع مصلحاتن واجد
المهم واروح ازط قدام الشغاله وهي اصلن موب عارفه وشهو رمضان يومن قلنالها فتحت فمها
وكل ماشافها احدن تاكل من الشباب قام يعلق عليها تقول آدي هازا انا وكنيد في ياكل
فضحتني جعلها المر اللي يبط تسبدها
لا والفضيحه الصدزيه؟!!
فاصل ونواصل <<تسمع بالتشويق :icon20:
عدنا<<ام الفاصل المتعوب عليه
يومن تدخل عند الشباب مجتمعين بالمقلط مع عربانن ماعرفهم
قام يعلق عليها عمي تقول عادي انا وكنيد في ياكل ايس مسكله
يومن يجيني عمي كافخ انتي لعدن تزطين قدام هالشغاله المروحه فضحتس عند الرياجيل<<مير البلا اني ماستحيت قلبي
فضيخ :icon20:
وبس مايستفاد من القصه
1_لعدن تدهرين وانتي ماعندتس ماعند جدتي
2_لعدن تزطين عند الهيوس اللي مايفهمون
3_محاربة البنقاليه
4_لاتروشين الساعه 2 يمكن اميمتس تقوم تب تسنن
وبس
اكرمكم الله
كانت معاكم
كنيد جلنبو
ياااحبي لس والله الله يسعدس ويوفقس يارب
وانا مدرعمه ادوور الكيكه ههههههههههههههه وصحووون الغضاار ههههههههههههههههههههههههههه