احلى شي في هالبرياني ان اللي ما عندها بزار او كركم او بهارات مطحونه بعد راح يطلع ريحه برياني
يعني انتي مومحتاجه لباهرات مطحونه علشان تسوين برياني .. ماادري هالمعلومه قديمه او جديده بس انا ما كنت اعرفها .. لذا
المقادير
فخذ غنم هندي .. تقريبا كيلو ونص .. مقطعه الى اربع او خمس قطع
كاسين ونص رز منقوع
بصل حوالي 8 حبات مقطعه شرائح
انصاص الحمص او النخي
طماطم مقطعه الى قطع صغيره حوالي 3 حبات
علبه روب كبيره
زعفران منقوع في ماء ورد
هيل 8 حبات
دارسين او قرفه حبه كبيره
قرنفل او مسمار 8 حبات
فلفل اسود 8 حبات
فلفل احمر غير مطحون طبعا كل المكونات غير مطحونه حسب الرغبه يعني 3 فما فوق
زيت
ملح
زنجبيل بقدر اصبع اليد
ثوم يعني وحده كامله ..
طنجره ظغط
بطاطا مقليه
الطريقه
اتجيبين اللحم وتغسلينه زين
تحطين اللحم في طنجرة الضغط مع انصاص الحمص او النخي
مع مقدار لا باس فيه من الماء بلا ملح ولا بصل ولا شي
بما ان اللحم لحم هندي فما يبيله وايد حوالي 10 دقائق نص استواء احسن
شرائح البصل في قدر به كميه لا باس من الزيت
لا تحمر البصل بس تشوح وتسكرين على البصل الى ان تذبل
بصحن عميق ضعي فيه الروب والبهارات الغير مطحونه .. مع زنجبيل مبشور وثوم مبشور
تشوفين البصل وتحطين على البصل الطماطم المقطعه ولا تنسين مو كل اشويه تفتحين الغطا
لحد ما تذوب الطماطم وبعدين اتصفين اللحم والحمص من الماي وتضيفينه بسررررررررررعه على الطماطم وتخلطينه مره وحده وتسكرين على اللحم
وبعد عشر دقاءق ترفعين الغطا وتصبين خليط الروب والزنجبيل والبهارات الثوم على اللحم وترفعين على النار
وتراقبين الحال الى ان تحصلين على خليط ثقيل يعني يثقل الروب
وتسوين الرز في الماي المغلي وتحطين الملح على الرز واللحم طبعا وتصفين الرز وبعدين اتسوين طبقه من الرز وطبقه من اللحم وطبقه اخيره من الرز وبس وتحطين الزعفران مع ماي الورد وطبعا زيت عده ملاعق كبيره وبالاخير المرق مال اللحم اي الروب اللي ثقل على الرز .. والبطاطا المقليه وتغلفين القدر بالقصدير وتحطينه على نار هااااااااااااااديه لمده ساعه . وبالهنا والشفا
ولو تحمصين مكسرات يكون احلى