برنامجك بعد الولادة

الله يقومك ويقومنا بالسلامه
انا بالعاده اجهز الاعشاب والحاجات قبل الولاده في الثامن
الاعشاب حلبه مع حليب عشرين يوم تغلينها معه
وقرفه ويانسون وشمر ونخوه احطها في ترمس واشربها طول اليوم
الاكل دايم اكل لان الجوع يضر عريكه تمر ولحم ومرق وشوربات وتمر مع رشاد بس بعد عشرين او خمسه وعشرين يوم لان الرشاد يوقف الدم
السروال والشراريب دايم ماافسخها
خلطات البشره ادهن قبل النوم زيت زيتون مع ليمون والصباح اغسله بجل استحمام بيزلين او صابون البابايا او الصابونه الافريقيه
للوجه خلطات كثيره زبادي مع كركم او طحينيه سايله مع ليمون او شوفان وحليب وتقدرين في النت تشوفين خلطات كثيره
الكريمات استخدم كريم سنس كوين احطه بعد مااغسل وجهي الصباح وقبل النوم احط قطرات من فتامين سي
الصابون المغربي يحتاج بخار فمايصلح ايام النفاس لانه يدخل هوا في الرحم لان الترويش يكون على السريع فااخليه بعد النفاس او اخر يوم في النفاس
بطني اربطها من اول اسبوع اذا ولدت طبيعي بشماغ وهذي المره بعد اسبوعين او 3 بااسوي مساج الزنجبيل قريت عنه تبشرين زنجبيل وتحطيه مع زيت وادهن فيه بطني وجسمي واسوي مساج
شعري طويل وطفشت منه وبااقصه ان شاءالله واصبغه وانا دايم احط فيه زيت جوز الهند الاصلي درجه اولى
هذا جدولي دايم اسويه مافي غير الزنجبيل جديد
وان شاءالله المره هذه اعتمده الله ييسرلنا

الله يسعدك و يقومك بالسلامه مشكوره ع الرد انا والله تايهه للحين ما اعرف شسوي ، و باقي ماجهزت وانا بالتاسع رحت ردتاغ ادور ملابس نفاس مالقيت مدري وين توجد .. و الاعشاب العطار قريب من بيتنا متى ما ولدت احد يروح يجيبه خخخ و الربط انا ماشاءالله تبارك الله نحيفه احس ما يحتاج لي هالسوالف بس اللي كارهته فيني سواد المنطقه و الابط و بطني مع اني قبل ماشاءالله كان نفس اللون او اسمر بدرجه خفيفه و خايفه ما يروح و احس النفاس صعب خلطات ناس رايحه و جايه

ادا تقصدين مفارش النفاس مالها داعي اشتريلك كم لبسه حلوه ومريحه لانك ماتحتاجين تكشخين اصلا في النفاس
والخلطات حطيها بعد العشا في الليل اكيد في الليل مايجون ضيوف والسواد لاتخافين بيروح مع الوقت اصلا لو ماتسوي خلطات بتروح في حدود ال6شهور لان السمار من الحمل وزيت جلسرين حلو رطبي فيه لانه يبيض مع الوقت والله يقومك بالسلامه ويجملك في عين زوجك

الله يقومك ويقومك كل الكروشات بالسلامة مشكورة ع الموضوع الحلو يا قلبي ..
اول شي كل وحده اتقول كم باقي لها وتولد بالسلامة ..انا اقل من شهرين باذن الله وبعدي ما تسوقت لنفسي ولا لبيبي ..بس ناوية قرييب باذن الله وبالعادة تسوقي ناوية اروح للعطار واخذ من عنده الاشياء اللي راح استخدمها باذن الله
برنامجي ناويه استخدم مغلي حلبة وعسل طبيعي اول 20 يوم الصبح ع الريق بعدها بساعتين حساء البر ممزوج مع حليب افريش دافيء والغدا دجاج افريش مشوي او كبده وشوربة خضار وصحن صلطة
ع العصرية طحينية او تمر ورشاد ومعاهم مغلي اليانسون او البابونج او الشمر يعني انوع بينهم
وبالليل حساء اكويكر او شربة خضار او عدس ويتخلل الوجبات عصير افريش ولبن
استعمل منقوع المرة للخياطة وملح بعد كل حمام تكرمون
كروشتي ما ربطها بولادتي السابقة والحمدلله ما كنت اعاني منها بس في هالحمل ناوية اهتم فيها لأنهم يقولون من تكرار الولادات اذا ما اهتميتي فيها راح تبرز
فناوية اعمل خلطة الزيت وخل التفاح والزنجبيل اكثيير قريت عنها من ثالث رابع يوم واربط بشماغ وعند النوم اشيله لان نومي خفييف ما ظنتي برتاح معاه
والخلطات مافيني حيلهم اول اسبوع بس بعدها ان شاء الله راح ابدأ و اداوم على الفرك بالليمون للمناطق اللي غمقت مع الحمل وبعد الفرك احط نشا واخليه 10 د واغسله اكثيير جابلي نتيجة بالمرة السابقة
وخلطة بياض الثلج للجسم قريت عنها اكثيير يمدحونها احطها بالليل يوم واتركها يوم احطها من بعد اول اسبوعين لان اول اسبوعين مو زين تتروشين اكثيير عشان هوا الرحم اتعرفون بيكون حسااس و البس لبس خاص بالخلطه لانه طول الليل والصباح افرك بالليفه المغربية واتروش ..
وبستخدم كركم الجسم اخر اسبوعين اكثييير ينفعني
ووجهي تعب وارهاق ونمش اشوي الحمل فاخذ له حلبة مطحوونه ناااعم وملعقة عسل وامزجهم واحطها ربع ساعه بعدين اغسلو يوم ويوم زبادي وطحين حمص او كويكر امزجهم واحطهم بعد ربع ساعه واغسلهم نعومه ونضاااارة
ارجولي من يوم اولد فازلين وكريم جولسيرد الاحمر وجوارب وسروال طويل واكثييير اتدفا امي معلمتني عشان البرودة والهوا ا مو زينين فالحرمة خصوصا الوالده ..يخلون المنطقة كلها هوا ومويات ومع الايام تتوسع !!!
شعري الحين ازيتها كل اسبوع مرة واحنيه مرة لانه اذا ولدت يااادوب للبيبي ولجسمي
اخر يومين من الاربعين بشتري قمصان نوم جديدة وكم فستان خفيف وقصير وجلابيات مغربية وقمصان بيت عطورات وكريمات الجسم ومفرشين للسرير وشموع وكم اشغيله اغيرها بغرف النوم وباذن الله اعمل حمام مغربي واصبغ شعري واشقر الحواجب والخيط لك للوجه وحلاوة لباقي جسمي واخيييرا الحنة باذن الله 😊😉😡😉 وانتظر الهدية من زوجي باذن الله من الحين اوصيه اباها فخمة وغالية >>>طرارة وتتشرط 😂😂😂😃 وسلااااامتكم وعطونا برنامجكم خلون نستفيد ونطلع افكاااار حلوة

حبيباتي مشكورات ع ردودكم سجلت بعض الاشياء بحكم اني اول حمل لي .. والله يجملنا بعيون رجالنا و بعيوننا اهم شي بنصحكم بنات اذا فيكم تروحون السوق روحوا باث اند بودي تخفيضات تجنن خذوا لكم شموع و مجموعات نص السعر او ربعه حتى و معروف انه اشيائه تخبل بس لا تستدخموها الا بعد الاربعين 😝.. انا اليوم رحت له و اخذت اشياء كثير نص القيمه اللي دايم اشري فيها