برنامجي للعناية بالشعرالمتضرر من (السيراميك & الصبغة)

السلام عليكم ورحمة الله و بركاته

بنزل لكم عنايتي للشعري التالف من الاستشوار والصبغات

اول شي لازم تسوينه قبل كل شي
قصي اطراف شعرك التالفة كلها !! ماعليه عارفة ان البعض مايقدر او قلبه يعوره *خصوصاً الي يبون يطولونه*

ثاني شي وفري لك ميزانية :laughing:

الشعر المتضرر راح يكون خفيف ونافش ومتقصف و مو اي شي يناسبه زيدي عليها اذا كان مصبوغ !!! كاااااااارثة

يعني بالبرنامج لازم نستعمل اشياء خفيييفه وماتثقل الشعرة نفسها !

الزيوت:
زيت اللوز الحلو +زيت جوز الهند +زيت عافية مع الحلبة والحبة السوداء

اختاري لك زيت او زيتين او خلطيهم كلهم مع بعض واستعمليهم مرة وحدة او مرتين بالاسبوع فقط
*الزيوت يفضل تكون من وادي النحل احسن وابتعدو عن زيوت معاصر

ماسك طبيعي مرة بالاسبوع للمدة ساعتين فقط

#ماسك المايونيز
(نص كوب مايونيز + 3 ملاعق زيت زيتون +3 ملاعق زيت جوز الخند + 3 ملاعق زيت اللوز الحلو )
تخلط جيدا وتوضع للمدة ساعتين

#ماسك البيض
بيضتين+ 3 ملاعق زيت الزيتون+3ملاعقز اي زيت يفضل جوز الهند او اللوز
يوضع للمدة ساعتين

وكثير ماسكات بس الافضل الي كتبتهم للشعر التالف:rotaeye:00

بعد مانحط الزيت او الماسك ننتظر ساعتين ونغسله وطريقة الغسل مهممممه جداً وهي اساس الموضوع كله :27:

نغسل الشعر بالشامبو واحسن شي (دوف&بانتين&غارنييه)للشعر الجاف التالف
بلسم نخليه للمدة دقيقة او دقيقتين اكثر شي ونشطفه بالماء (البلسم للاطراف فقط)
ماسك جاهز *من غارنييه او لوريال او دوف* او حمام زيت و افضل شي فاشكول بالصبار و بالجرجير :rotaeye:

*الماسك الي نستعمله نضيف له ملعقة كبيرة من زبدة الشيا ونستعمله للاطراف فقط يحميهم من الجفاف والتقصف ويعطي نعومة ولمعة تسسطل :heart:

*غسل الشعر مرتين او ثلاث مرات ب الاسبوع فقط
*مع كل غسله لازم تحطين شي ع شعرك قبل ماتغسلينه مثل زيت او ماسك او اي شي
*لازم البلسم مع كل غسله وللاطراف فقققط
*الماسك الجاهز +زبدة الشيا مرتين بالاسبوع فقط
*حمام الزيت مره وحده بالاسبوع ويوضع للشعر كله
*الشامبو اذا كان غير مخصص للشعر الجاف او التالف نخففه بالماء العادي او ماء الورد
*نخفف من السيراميك واذا لازم نحط سيروم لوريال او كريستال قبل مانستخدمه
*قص اطراف الشعر التالفة والمتقصفه ضروري ولا ماراح يطول بشكل حلوو

وبسس لو تذكرت شي راح اكتبه لكم

دعواتكم لي :biggrinlo