برنامج مراسلين عالم حواء ....

اعزائي الاعضاء احلى سلام للجميع

هذي فكره حبيت اطرحها عليكم واتمنى انها تنال اعجابكم وهي :

ان كل عضو يكون كالمراسل من ديرته ويوصف لنا لاجواء عنده من كل ناحيه الوقت والمدينه واي شئ حصل له او اي حدث شده انتباهه وانطباعاته ونفسيته وممكن وصف الي حوله من اشياء او اغراض
اسمعو باختصار يكتب الي يبي وانتم ومواهبكم واسلوبكم يالله عاد ورونا من يبدع كمراسل . طبعاً باسلوب هزلي ممزوج بالجديه

انا عارفه اكيد تناظرون باخر الصفحه تبوني انا ابتدي

ولا يهمكم ابتدي وعلى فكره راح تكون فرصه لمعرفه من وين جميع الاعضاء


انا هالحين بمدينه الرياض بالسعوديه والجو بااااااااااارد جدا جدا طبعا داخل البيت لكن الجو بره خطير يعني ممكن تطبخون غداكم على حراره الشمس وهذه طبعا ميزه اقتصاديه لتوفير الغاز :30: ...

الساعه الان تقريبا 11 صباحا ... وقدامي الكمبيوتر وجنبي ( فكتوريا ) طبعا تسألون مين فكتوريا .. فكتوريا هذه اجمل واروع قطه على وجه الارض ..

المهم خلونا في موضوعنا ... وين وصلنا ...... اها

قبل امس اللي هو يوم الجمعه كان افتتاح مركز المملكه طبعا ماهو افتتاح لكل المركز لانه ضخم وكبير ويعتبر من اكبر المراكز الموجوده في المملكه .. المهم تم الافتتاح الحمد لله بس انا مارحت ( شوفو المراسله الكسلانه ) بس مارحت لاني بصراحه مااحب اطلع من البيت يوم الجمعه ... والله والناس راحوا والدنيا زحمه وحاله ..

وبعدين وش عندنا اخبار بعد ..... اها .. يقولون ان البرد يبي يجي بعد شهر بس والله ماصدقتهم لان الجو حتى الان مووووووووت حر ...

ايه تذكرت بعد شيء مهم .... قبل اسبوعين فتحوا مدرسه قريبه من بيتنا وفرحت كثير قلت اروح اعطيهم اعلانات عن محلي طبعا تبون تعرفون وشو محلي .. انا عندي محل خدمات طالبات نسائي ... المهم اقول لكم فرحت مره انهم فتحوا مدرسه قريبه من البيت .. والله واروح لهم بالعصر ابي احط عند بابهم ملصقات خاصه بمحلي وانزل والصقها انا والسواق ومحد قدي ... بس بعد خلصت وركبت السياره انتبهت للوحه المدرسه .. تخليلوا وش كانت ؟؟؟؟؟؟؟؟؟؟
كانت مدرسة اولاد :06: طبعا جاني احباط شديد .. وانزل مره ثانيه واشيل كل الملصقات وارجع بخفي حنين على قولهم ..

بس هذه الاخبار عندنا ....

يالله نبي نشوف اخبار باقي المراسلين ..